Just In
- 6 hrs ago 'സീറോ ടു ഹീറോ'... ടാറ്റയെ പ്രശംസിച്ച് ക്രാഷ് ടെസ്റ്റിംഗ് ഏജന്സി! മാരുതി കണ്ട് പഠിക്കട്ടെ
- 6 hrs ago ഇതിപ്പോ തെറ്റ് ഓട്ടോക്കാരൻ്റെയോ ലോറിക്കാരൻ്റെയോ, വീഡിയോ കാണുമ്പോൾ മനസിലാകും
- 6 hrs ago ആ വേല കൈയ്യിലിരിക്കട്ടെ! ഹെൽമെറ്റ് ഇട്ടിരുന്നില്ല എന്ന പേരിൽ നഷ്ടപരിഹാരം തള്ളാനാവില്ലെന്ന് മദ്രാസ് ഹൈക്കോടതി
- 7 hrs ago ഏഥറിന് പണികൊടുക്കാൻ ബജാജ്, കുറഞ്ഞ വിലയും 113 കി.മീ. റേഞ്ചുമായി പുതിയ ഇലക്ട്രിക് സ്കൂട്ടർ
Don't Miss
- Movies മമ്മൂക്ക കാണിച്ച ധൈര്യം ബോളിവുഡില് ഒരു സൂപ്പര് സ്റ്റാറും കാണിക്കില്ല; കാതലിനെക്കുറിച്ച് വിദ്യ ബാലന്
- Sports IPL 2024: ഡുപ്ലെസിയുടെ മാരക പ്ലാന്! 'ദുരന്തം' ബൗളിങ് വച്ച് കളി ജയിച്ചതെങ്ങനെ? അറിയാം
- Lifestyle മുടിയുടെ കരുത്ത് ഉറപ്പ് നല്കും മുട്ട, വീട്ടില് എളുപ്പത്തില് തയ്യാറാക്കാവുന്ന എഗ്ഗ് ഹെയര്പാക്കുകള്
- News ഇന്ദിരയുടെ സ്വത്തുക്കള് നഷ്ടമാവാതിരിക്കാന് രാജീവ് ആ നിയമം ഇല്ലാതാക്കി; പുതിയ ആരോപണവുമായി മോദി
- Technology ബിഎസ്എൻഎൽ 4ജി മരിച്ചിട്ടില്ല! 15000 കോടിയുടെ കരാർ: ടിസിഎസ് 4 ഡാറ്റ സെന്ററുകൾ സ്ഥാപിക്കും
- Finance മൾട്ടിബാഗർ റെയിൽവേ ഓഹരികൾ, ഇപ്പോൾ വാങ്ങിയാൽ 30% നേട്ടമുണ്ടാക്കാം, കൂടെക്കൂട്ടുന്നോ
- Travel മഞ്ഞുപെയ്യും മുന്നേ കാശ്മീരിലേക്ക് ട്രെയിൻ യാത്ര, 12 ദിവസ പാക്കേജ്, ഇതാണ് പറ്റിയ സമയം
ഇന്ത്യയിലെ ഏറ്റവും ഇന്ധനക്ഷമതയുള്ള ബിഎസ് VI പെട്രോള് കാറുകള്
2020 ഏപ്രില് ഒന്നു മുതല് രാജ്യത്ത് ബിഎസ് VI പ്രാബല്യത്തില് വന്നു. അന്തരീക്ഷ മലിനീകരണം കുറയ്ക്കുക എന്ന ലക്ഷ്യത്തോടെയാണ് ബിഎസ് VI മലിനീകരണ മാനദണ്ഡങ്ങള് പ്രാബല്യത്തില് വരുത്തിയിരിക്കുന്നത്.
മിക്ക നിര്മ്മാതാക്കളും അവരുടെ മോഡലുകളെ ബിഎസ് VI എഞ്ചിനിലേക്ക് നവീകരിക്കുകയും ചെയ്തു. എഞ്ചിന് നവീകരിക്കുന്നതിന്റെ ഭാഗമായി ഡീസല് എഞ്ചിന് ഉത്പാദനം മിക്ക നിര്മ്മാതാക്കളും അവസാനിപ്പിക്കുകയും ചെയ്തു.
വിപണിയില് ഡീസല് പതിപ്പുകള്ക്ക് ആവശ്യക്കാര് കുറയുന്നു എന്ന് മനസ്സിലാക്കിയതോടെയാണ് ചില നിര്മ്മാതാക്കള് വില്പ്പന അവസാനിപ്പിക്കുന്നത്. ചില ബ്രാന്ഡുകള് വില്പ്പന അവസാനിപ്പിച്ചത് ചെലവ് ഉയരും എന്നതു ചൂണ്ടിക്കാട്ടിയാണ്.
നിലവില് ബിഎസ് VI പെട്രോള് കരുത്തിലാണ് മിക്ക മോഡലുകളും വിപണിയില് എത്തുന്നത്. ഇവയില് കൂടുതല് ഇന്ധനക്ഷമത വാഗ്ദാനം ചെയ്യുന്ന മോഡലുകള് ഏതൊക്കെയെന്ന് പരിശോധിക്കാം.
മാരുതി സുസുക്കി ഡിസയര് AMT (24.12 kpl)
ഡിസയറിന്റെ ഫെയ്സ്ലിഫ്റ്റ് പതിപ്പിനെ അടുത്തിടെയാണ് മാരുതി വിപണിയില് അവതരിപ്പിക്കുന്നത്. വിപണിയില് എത്തിയ നാള് മുതല് മൈലേജിന്റെ കാര്യത്തില് മുമ്പനാണ് ഡിസയര്.
MOST READ: ടര്ബോ പെട്രോള് വാഹനങ്ങളോടും വിപണിക്ക് പ്രിയം! രണ്ടും കല്പ്പിച്ച് മഹീന്ദ്ര
ബിഎസ് VI -ലേക്ക് നവീകരിച്ചെങ്കിലും മൈലേജിന് കുറവൊന്നും ഉണ്ടായിട്ടില്ല. ഈ പട്ടികയില് ഒന്നാം സ്ഥാനത്തുണ്ട് മാരുതിയുടെ ഈ തുറുപ്പ് ചീട്ട്. 1.2 ലിറ്റര് K12B പെട്രോള് എഞ്ചിന് പകരം 1.2 ലിറ്റര് K12C യൂണിറ്റ് പെട്രോള് എഞ്ചിനാണ് പുതിയ പതിപ്പിന്റെ കരുത്ത്.
സ്റ്റാര്ട്ട് / സ്റ്റോപ്പ് സംവിധാനവു വാഹനത്തിലുണ്ട്. 6000 rpm-ല് 90 bhp കരുത്തും 113 Nm torque ഉം ആണ് പുതിയ 2020 ഡിസയര് ഉത്പാദിപ്പിക്കുന്നത്. മാനുവല് പതിപ്പില് 23.26 കിലോമീറ്ററും ഓട്ടോമാറ്റിക് വകഭേദത്തിന് 24.12 കിലോമീറ്റര് ഇന്ധനക്ഷമതയുമാണ് മാരുതി വാഗ്ദാനം ചെയ്യുന്നത്.
MOST READ: 20 ലക്ഷം രൂപയില് താഴെ വിപണിയിലേക്ക് എത്തുന്ന 7 സീറ്റര് എസ്യുവികള്
ടൊയോട്ട ഗ്ലാന്സ (23.87 kpl)
സുസുക്കി-ടൊയോട്ട കമ്പനികളുടെ സഹകരണത്തിന്റെ ഭാഗമായി ബലേനോയുടെ റീ ബാഡ്ജ്ഡ് ചെയ്ത മോഡലാണ് ടൊയോട്ട ഗ്ലാന്സ. വിപണിയില് വന് സ്വീകാര്യതയാണ് വാഹനത്തിന് ലഭിച്ചത്.
ഉയര്ന്ന മൈലേജും ആരെയും ആകര്ഷിക്കുന്ന ഡിസൈനും ഫീച്ചറുകളുമാണ് വാഹനത്തിന് വിപണിയില് ഇപ്പോഴും ആവശ്യക്കാരെ കൂട്ടുന്നത്. തുടക്കം മുതല് പെട്രോള് എഞ്ചിനിലാണ് വാഹനം വിപണിയില് എത്തുന്നത്.
MOST READ: കിക്ക്സ്, മാഗ്നൈറ്റ് മോഡലുകളെ ചലിപ്പിക്കാന് ടര്ബോ എഞ്ചിനുമായി നിസാന്
1.2 ലിറ്റര് K12B ബിഎസ് VI എഞ്ചിനാണ് ഗ്ലാന്സയുടെ കരുത്ത്. ഈ എഞ്ചിന് 83 bhp കരുത്തും 113 Nm torque ഉം ഉത്പാദിപ്പിക്കും. ഉപഭോക്താക്കള്ക്ക് 1.2 ലിറ്റര് ഡ്യുവല്ജെറ്റ് VVTi പെട്രോള് എഞ്ചിനും വാഹനത്തില് ലഭ്യമാണ്.
ഈ എഞ്ചിന് 90 bhp കരുത്തും 113 Nm torque ഉം ഉത്പാദിപ്പിക്കും. ഇത് അധികമായി 7 bhp പവര് ഔട്ട്പുട്ട് ഉത്പാദിപ്പിക്കാന് വാഹനത്തെ സഹായിക്കുന്നു. ഇന്ത്യയില് വാങ്ങാന് കഴിയുന്ന ഏറ്റവും താങ്ങാവുന്ന മൈല്ഡ്-ഹൈബ്രിഡ് കാറാണ് ടൊയോട്ട ഗ്ലാന്സ.
ARAI സാക്ഷ്യപ്പെടുത്തിയതനുസരിച്ച് ഹൈബ്രിഡ് എഞ്ചിനില് 23.87 കിലോമീറ്റര് മൈലേജാണ് വാഗ്ദാനം ചെയ്യുന്നത്. മാനുവല് പതിപ്പില് 21.01 കിലോമീറ്ററും, സിവിടി പതിപ്പില് 19.56 കിലോമീറ്ററും വാഗ്ദാനം ചെയ്യുന്നുണ്ട്.
റെനോ ക്വിഡ് 1.0 AMT (22.5 kpl)
ഇന്ത്യന് വിപണിയില് വലിയ ജനപ്രീതി നേടിയ റെനോയുടെ മോഡലാണ് ക്വിഡ്. അടുത്തിടെ ബിഎസ് VI പതിപ്പിലേക്ക് വാഹനത്തെ നവീകരിച്ച് കമ്പനി വിപണിയില് എത്തിച്ചിരുന്നു.
എഞ്ചിന് നവീകരണത്തിനൊപ്പം ഡിസൈനിലും കാര്യമായ മാറ്റങ്ങളാണ് കമ്പനി വരുത്തിയിരിക്കുന്നത്. ബിഎസ് VI പെട്രോള് കരുത്തില് എത്തുന്ന വാഹനങ്ങളില് ഏറ്റവും കൂടുതല് മൈലേജ് വാഗ്ദാനം ചെയ്യുന്നവരുടെ പട്ടികയില് മുന്നാം സ്ഥാനക്കാരനാണ് ക്വിഡ്.
0.8 ലിറ്റര്, 1.0 ലിറ്റര് എഞ്ചിനുകളാണ് ബിഎസ് VI മാനദണ്ഡങ്ങളോടെ പുതിയ പതിപ്പില് ഇടംപിടിക്കുക. കരുത്തിലും ടോര്ഖിലും കമ്പനി മാറ്റങ്ങള് ഒന്നും തന്നെ വരുത്തിയിട്ടില്ല. 0.8 ലിറ്റര് ത്രീ സിലിണ്ടര് പെട്രോള് എഞ്ചിന് 54 bhp കരുത്തും 72 Nm torque ഉം സൃഷ്ടിക്കും.
1.0 ലിറ്റര് ത്രീ സിലിണ്ടര് പെട്രോള് എഞ്ചിന് 5,500 rpm -ല് 68 bhp കരുത്തും 4,250 rpm -ല് 91 Nm torque ഉം സൃഷ്ടിക്കും. അഞ്ച് സ്പീഡ് എഎംടി ഓട്ടോമാറ്റിക്ക്, അഞ്ച് സ്പീഡ മാനുവല് ഗിയര്ബോക്സില് ലഭ്യമാണ്.
റിപ്പോര്ട്ട് അനുസരിച്ച് ക്വിഡിന്റെ 1.0 ലിറ്റര് എഎംടി പതിപ്പ് 22.5 കിലോമീറ്റര് മൈലേജാണ് വാഗ്ദാനം ചെയ്യുന്നത്. മാരുതി സുസുക്കി ആള്ട്ടോ, ആള്ട്ടോ K10, ഡാറ്റ്സണ് റെഡിഗോ, മാരുതി സുസുക്കി എസ്സ്-പ്രസ്സോ എന്നിവരാണ് വിപണിയിലെ ക്വിഡിന്റെ എതിരാളികള്.
മാരുതി സുസുക്കി ആള്ട്ടോ (22.05 kpl)
മാരുതി സുസുക്കി നിരയിലെ ജനപ്രീയ മോഡലാണ് ആള്ട്ടോ. പട്ടികയില് നാലാം സ്ഥാനക്കാരനാണ് മാരുതി ആള്ട്ടോ. 0.8 ലിറ്റര് എഞ്ചിനാണ് വാഹനത്തിന്റെ കരുത്ത്.
ARAI സക്ഷ്യപ്പെടുത്തുന്നതനുസരിച്ച് 22.05 കിലോമീറ്റര് ഇന്ധനക്ഷമതയാണ് ആള്ട്ടോയില് ലഭിക്കുന്നത്. 2.95 ലക്ഷം രൂപ മുതല് 3.90 ലക്ഷം രൂപ വരെയാണ് വാഹനത്തിന്റെ എക്സ്ഷോറും വില. ആള്ട്ടോയുടെ സിഎന്ജി പതിപ്പും വിപണിയില് ലഭ്യമാണ്.
മാരുതി സുസുക്കി വാഗണ് ആര് 1.0 (21.79 kpl)
മാരുതിയുടെ വില്പ്പനയില് ഏറെ മുന്നിലുള്ള മോഡലാണ് വാഗണ് ആര്. പോയ വര്ഷമാണ് ഉയച്ചുവാര്ത്ത വാഹനത്തെ കമ്പനി വിപണിയില് അവതരിപ്പിക്കുന്നത്.
1.0 ലിറ്റര്, 1.2 ലിറ്റര് എന്നിങ്ങനെ രണ്ട് എഞ്ചിന് ഓപ്ഷനുകളില് വാഹനം വിപണിയില് ലഭ്യമാകും. ARAI സാക്ഷ്യപ്പെടുത്തുന്നതനുസരിച്ച് 1.0 ലിറ്റര് പെട്രോള് എഞ്ചിനില് 21.79 കിലോമീറ്റര് ഇന്ധനക്ഷമതയാണ് ലഭിക്കുന്നത്.
അതേസമയം 1.2 ലിറ്റര് എഞ്ചിനില് 20.52 കിലോമീറ്റര് ഇന്ധനക്ഷമതയും കമ്പനി വാഗ്ദാനം ചെയ്യുന്നുണ്ട്. 1.0 ലിറ്റര് എഞ്ചിന് സിഎന്ജി ഓപ്ഷനിലും വിപണിയില് ലഭിക്കും.