ആപ്പിൾ കാർപ്ലേ, ആൻഡ്രോയിഡ് ഓട്ടോ സവിശേഷതകൾ നൽകി സ്കോർപ്പിയോയെ പരിഷ്കരിച്ച മഹീന്ദ്ര

ലാൻഡർ ഫ്രെയിം എസ്‌യുവിയുടെ ടോപ്പ് എൻഡ് വേരിയന്റുകളിൽ ആപ്പിൾ കാർപ്ലേ, ആൻഡ്രോയിഡ് ഓട്ടോ സവിശേഷതകൾ നിർമ്മാതാക്കൾ ഒരുക്കുന്നു.

ഈ ഉത്സവ സീസണിൽ വാഹനത്തിന്റെ ആകർഷണം വർധിപ്പിക്കുകയെന്ന ഉദ്ദേശത്തിലാണ് പുതിയ സവിശേഷതകൾ കൂട്ടിച്ചേർത്തിരിക്കുന്നത്.

MOST READ: ഉത്സവ സീസൺ ആഘോഷമാക്കാൻ ഹോണ്ടയുടെ 'സൂപ്പർ 6' ഓഫർ; വാഗ്‌ദാനം 11,000 രൂപ വരെയുള്ള

അപ്ഡേറ്റ് ചെയ്ത ഇൻഫോടെയ്ൻമെന്റ് സിസ്റ്റം മഹീന്ദ്ര സ്കോർപിയോയുടെ S9, S11 ട്രിം ലെവലുകളിൽ ലഭ്യമാണ്. നിർമ്മാതാക്കൾ മറ്റ് അധിക മാറ്റങ്ങളൊന്നുമില്ലാതെ പുതിയ സവിശേഷതകൾ സംയോജിപ്പിച്ചിരിക്കുന്നു. സ്മാർട്ട്‌ഫോൺ കണക്റ്റിവിറ്റി സവിശേഷതകൾ സ്റ്റിയറിംഗ് മൗണ്ട് ചെയ്ത നിയന്ത്രണങ്ങളിലൂടെ ഡ്രൈവറിന് ആക്‌സസ്സ് ചെയ്യാൻ കഴിയും.

എസ്‌യുവിയിൽ മറ്റ് മാറ്റങ്ങളൊന്നുമില്ല. അതിന്റെ ആയുസ്സിലെ അവസാന കുറച്ച് മാസങ്ങളിലാണെങ്കിലും, നിലവിലെ തലമുറ മഹീന്ദ്ര സ്കോർപിയോ ലോക്ക്ഡൗണിന് ശേഷം മാന്യമായ വിൽപ്പനയാണ് കാഴ്ച്ചവയ്ക്കുന്നത്.

MOST READ: മിഡ്-സൈസ് എസ്‌യുവി ശ്രേണിയിലേക്ക് ഫോക്‌സ്‌വാഗൺ ടാവോസ് എത്തി

അൾട്രാ-പോപ്പുലർ ഹ്യുണ്ടായ് ക്രെറ്റ, കിയ സെൽറ്റോസ് എന്നിവയുമായി വാഹനം മത്സരിക്കുന്നുവെന്നത് കണക്കിലെടുക്കുമ്പോൾ ഇത് ശ്രദ്ധേയമായ ഒരു നേട്ടമാണ്.

140 bhp കരുത്തും 320 Nm torque ഉം വികസിപ്പിക്കുന്ന ബി‌എസ് VI -കംപ്ലയിന്റ് 2.2 ലിറ്റർ എംഹോക്ക് ഡീസൽ എഞ്ചിനാണ് മഹീന്ദ്ര സ്കോർപിയോയുടെ ഹൃദയം. ആറ് സ്പീഡ് മാനുവൽ ട്രാൻസ്മിഷൻ പിൻ വീലുകളിലേക്ക് പവർ അയയ്ക്കുന്നു.

MOST READ: 2021 ഇന്നോവ ക്രിസ്റ്റ ഫെയ്‌സ്‌ലിഫ്റ്റിന്റെ ബ്രോഷർ വിവരങ്ങൾ പുറത്ത്

പ്രൊജക്ടർ ഹെഡ്‌ലാമ്പുകൾ, അലോയി വീലുകൾ, ഓട്ടോമാറ്റിക് ക്ലൈമറ്റ് കൺട്രോൾ, റിവേർസ് പാർക്കിംഗ് ക്യാമറ, വോയ്‌സ് അസിസ്റ്റ് സിസ്റ്റം, ക്രൂയിസ് കൺട്രോൾ, ഓട്ടോമാറ്റിക് വൈപ്പർ, ഹെഡ്‌ലാമ്പുകൾ, നാവിഗേഷൻ തുടങ്ങിയവ ടോപ്പ് എൻഡ് S11 വേരിയന്റിലെ സവിശേഷതകളിൽ ഉൾപ്പെടുന്നു.

ഈ വർഷം ആദ്യം പുറത്തിറക്കാനിരുന്ന പുതുതലമുറ മോഡൽ ഇപ്പോൾ 2021 -ന്റെ ആദ്യ പകുതിയിൽ തയ്യാറാകും. മികച്ച ക്രാഷ് പ്രകടനത്തോടെ മെച്ചപ്പെട്ട ലാൻഡർ ഫ്രെയിം ചാസി ഈ വാഹനത്തിന് പിന്തുണ നൽകും.

MOST READ: ഇസൂസു D-മാക്സ്, S-ക്യാബ് ബിഎസ് VI മോഡലുകൾ പുറത്തിറക്കി; വില 7.84 ലക്ഷം രൂപ

പുതിയ സ്കോർപിയോ, പ്രോട്ടോടൈപ്പുകൾക്ക് ഒരു ഓവർഹോൾഡ് എക്സ്റ്റീരിയർ സ്റ്റൈലിംഗ് ലഭിക്കും, മാത്രമല്ല വിപണിയിൽ നിന്ന് പിൻവാങ്ങുന്ന പതിപ്പിനേക്കാൾ അല്പം നീളമേറിയതുമായിരിക്കും.

ഇന്റീരിയർ പൂർണ്ണമായും നവീകരിക്കുമെന്ന് പ്രതീക്ഷിക്കാം. നിലവിലുള്ള സവിശേഷതകളുടെ പട്ടികയ്‌ക്ക് പുറമേ നിരവധി പുതിയ ഫീച്ചറുകളും എസ്‌യുവി വാഗ്ദാനം ചെയ്യും.

2.0 ലിറ്റർ ഡീസൽ എഞ്ചിനാണ് പുതിയ മോഡലിന് ശക്തി പകരുന്നത്, ഇത് 160 bhp കരുത്ത് പുറപ്പെടുവിക്കുന്നു. ആറ് സ്പീഡ് മാനുവൽ ട്രാൻസ്മിഷൻ സ്റ്റാൻഡേർഡ് ആയിരിക്കും, എന്നാൽ എസ്‌യുവിക്ക് ഓപ്ഷണലായി ഒരു ഓട്ടോമാറ്റിക് ഗിയർബോക്‌സും ലഭിക്കാം.

സമീപകാല റിപ്പോർട്ടുകൾ പ്രകാരം, സ്കോർപിയോയുടെ പുതിയതും പഴയതുമായ പതിപ്പുകൾ ഒന്നിച്ച് വിപണിയിൽ വിൽക്കാൻ മഹീന്ദ്ര തീരുമാനിച്ചേക്കാം. നിലവിലെ മോഡൽ ഇപ്പോഴും വളരെ പ്രചാരത്തിലായതിനാൽ, നിർമ്മാതാക്കൾക്ക് കുറച്ച് വർഷങ്ങൾ കൂടി ഇതിന്റെ ആയുസ്സ് നീട്ടാൻ കഴിയും.