എതിരാളികളെ പിന്നിലാക്കി ഹെക്‌ടറിന്റെ തേരോട്ടം, നിരത്തിൽ എത്തിച്ചത് 26,242 യൂണിറ്റുകൾ

വിപണിയിൽ എത്തി 13-ാം മാസം പിന്നിടുമ്പോൾ വിൽപ്പന കണക്കുകളിൽ ഹെക്‌ടറിന്റെ മറ്റ് എതിരാളി മോഡലുകളേക്കാൾ ബഹുദൂരം മുന്നിലെത്താനും എംജിക്ക് കഴിഞ്ഞു. പ്രതിമാസ അടിസ്ഥാനത്തിൽ 2,000 യൂണിറ്റ് വിൽപ്പന നടത്തുന്ന കമ്പനി 26,242 യൂണിറ്റ് ഹെക്‌ടർ എസ്‌യുവിയെയാണ് ഇന്ത്യൻ നിരത്തിൽ എത്തിച്ചത്.

തുടക്കത്തിൽ ഹെക്‌ടർ ബിഎസ്-IV കരുത്തിലാണ് വിപണിയിൽ എത്തിയിരുന്നതെങ്കിലും രാജ്യത്ത് ലോക്ക്ഡൌൺ പ്രഖ്യാപിക്കുന്നതിനു തൊട്ടു മുമ്പായി പുതിയ ബിഎസ്-VI മലിനീകരണ മാനദണ്ഡങ്ങൾക്ക് അനുസൃതമായി വാഹനം ഷോറൂമുകളിൽ ഇടംപിടിച്ചു.

MOST READ: 2020 ജീപ്പ് കോമ്പസിന്റെ 547 യൂണിറ്റുകൾ തിരിച്ചുവിളിച്ച് FCA ഇന്ത്യ

തുടർന്ന് പ്രവർത്തനം പുനരാരംഭിച്ച് രണ്ട് മാസം പിന്നിടുമ്പോൾ എല്ലാ വാഹന നിർമാതാക്കളും ഏറ്റവും കൂടുതൽ വിൽപ്പന നേടുന്ന കാലയളവായി 2020 ജൂലൈ മാറി. എം‌ജി ഹെക്ടർ വിൽ‌പന 2,023 യൂണിറ്റാണ് ഈ മാസം രേഖപ്പെടുത്തിയത്. ഇത്തവണ വിൽപ്പനയിൽ ഹെക്ടർ പ്ലസും ഉൾപ്പെടുന്നു എന്നത് ശ്രദ്ധേയമാണ്.

ഹെക്ടർ അഞ്ച് സീറ്ററിന്റെ പ്രധാന എതിരാളികളായ ഹാരിയർ 985 യൂണിറ്റും മഹീന്ദ്ര XUV500 813, കോമ്പസ് 400 യൂണിറ്റും മാത്രമാണ് നിരത്തിൽ എത്തിയത്. ഹെക്ടർ ആരംഭിച്ചതിനുശേഷം മൊത്തം വിൽപ്പന 26,242 യൂണിറ്റായിരുന്നു. ഇതേ കാലയളവിൽ XUV500 വിൽപ്പന 9,850 ആയിരുന്നു.

MOST READ: 2020 ജൂലൈയില്‍ പ്രീമിയം സെഡാന്‍ ശ്രേണിയില്‍ തിളങ്ങി ഹോണ്ട സിറ്റി

ടാറ്റ ഹാരിയറിന്റെ വിൽപ്പന 9,634 ഉം കോമ്പസ് വിൽപ്പന 6,220 ഉം ആണ്. അതായത് ഈ സെഗ്മെന്റിലെ കേമൻ ഈ ചൈനീസ് ഉൽപ്പനം തന്നെയെന്ന് ചുരുക്കം. എം‌ജി ഹെക്ടറിന് 50 ശതമാനത്തിൽ കൂടുതൽ വിപണി വിഹിതമാണ് വിഭാഗത്തിൽ ഉള്ളത്.

വിൽപ്പനയിൽ ശ്രദ്ധേയമായ നേട്ടം കൈവരിക്കാൻ സാധിക്കുമായിരുന്നെങ്കിലും ഗുജറാത്തിലെ ഹാലോൾ പ്ലാന്റിലെ ഉത്പാദന ശേഷിയുടെ പരിമിതി കാരണം ഈ നേട്ടം കൈവിട്ടുകളയുകയായിരുന്നു കമ്പനി.

MOST READ: ലിമിറ്റഡ് എഡിഷൻ ബുഗാട്ടി സെന്റോഡീസി സ്വന്തമാക്കി ക്രിസ്റ്റ്യാനോ റൊണാൾഡോ

ഇതൊക്കെയാണെങ്കിലും എം‌ജി ഹെക്ടറിന്റെ വിൽ‌പന അതിന്റെ എതിരാളികളായ ടാറ്റ ഹാരിയർ, ജീപ്പ് കോമ്പസ്, മഹീന്ദ്ര XUV500 എന്നിവയേക്കാൾ വളരെ കൂടുതലാണെന്ന് കണക്കുകൾ ശരിവെക്കുന്നു.

2019 ജൂൺ മുതൽ 2020 ജൂലൈ വരെയുള്ള കാലയളവിൽ ഹെക്‌ടറിന്റെ 26,242 യൂണിറ്റുകൾ വിറ്റഴിച്ചപ്പോൾ മഹീന്ദ്ര XUV500 മോഡലിന്റെ 9,850 യൂണിറ്റുകളും ഹാരിയറിന്റെ 9,634 യൂണിറ്റുകളും ജീപ്പ് കോമ്പിന്റെ 6,220 യൂണിറ്റുകളുമാണ് ഇന്ത്യൻ നിരത്തിൽ എത്തിയത്.