വിപണിയിലെത്തി നാല് ദിവസം കൊണ്ട് 9000 ബുക്കിംഗ് പിന്നിട്ട് മഹീന്ദ്ര ഥാർ

ഉപഭോക്താക്കൾക്ക് 4x4 എസ്‌യുവി ഓൺലൈനായോ മഹീന്ദ്ര ഡീലർഷിപ്പുകളിൽ ഓഫ്‌ലൈനിലോ ബുക്ക് ചെയ്യാനാകും. ഡെലിവറികൾ 2020 നവംബർ മുതൽ ആരംഭിക്കും.

വാഹനത്തിന് നിലവിലുള്ള ഡിമാന്റ് തുടരുകയാണെങ്കിൽ കാത്തിരിപ്പ് കാലയളവും കൂടുതലായിരിക്കും. ദീർഘനേരം കാത്തിരിക്കാതെ ഥാർ വീട്ടിലേക്ക് കൊണ്ടുപോകാൻ നിങ്ങൾ ആഗ്രഹിക്കുന്നുവെങ്കിൽ, എസ്‌യുവി ഉടൻ തന്നെ ബുക്ക് ചെയ്യാൻ ഞങ്ങൾ നിർദ്ദേശിക്കുന്നു.

MOST READ: ഏഥര്‍ 450 -യുടെ ഉത്പാദനം അവസാനിപ്പിച്ചു; 450X വില്‍പ്പന വര്‍ധിപ്പിക്കുക ലക്ഷ്യം

പുതുതലമുറ ഥാർ സൃഷ്ടിച്ച അമിതമായ പ്രതികരണത്തിലും ആവേശത്തിലും തങ്ങൾ അതീവ സന്തുഷ്ടരാണ് എന്ന് മഹീന്ദ്ര ആൻഡ് മഹീന്ദ്ര ലിമിറ്റഡ് ഓട്ടോമോട്ടീവ് ഡിവിഷൻ ചീഫ് എക്സിക്യൂട്ടീവ് ഓഫീസർ വീജയ് നക്ര പറഞ്ഞു.

2020 ഥാർ, ലൈഫ്‌സ്റ്റൈൽ വാഹനം അന്വേഷിക്കുന്നവരുമായും കുടുംബങ്ങളുമായും വനിതാ ഉപഭോക്താക്കളുമായും നന്നായി പ്രതിധ്വനിക്കുന്നുവെന്നത് വാഹനത്തിനെ പ്രോത്സാഹിപ്പിക്കുന്നതും അതുവഴി ഈ ഐതിഹാസിക ലൈഫ് സ്റ്റൈൽ 4x4 എസ്‌യുവിക്കായി ഒരു പുതിയ നിര ഉപഭോക്താക്കളെ തുറക്കുകയും ചെയ്യുന്നു.

MOST READ: ഇനി 10 നഗരങ്ങളിൽ കൂടി എംജി ZS ഇലക്‌ട്രിക് ലഭ്യമാകും; ബുക്കിംഗ് ആരംഭിച്ചു

പ്രാരംഭ ഘട്ടത്തിൽ വെറും 18 നഗരങ്ങളിൽ മാത്രമാണ് ടെസ്റ്റ് ഡ്രൈവുകൾ ലഭ്യമായിട്ടുള്ളതെങ്കിലും, പുതു തലമുറ ഥാർ വിപണിയിൽ എത്തിയതിന് ശേഷം 9,000 ബുക്കിംഗുകൾ കരസ്ഥമാക്കി.

ഇത് വളരെ മികച്ച ഒരു നേട്ടമാണ്. ടെസ്റ്റ് ഡ്രൈവ് വാഹനങ്ങൾ രാജ്യത്തിന്റെ മറ്റു ഭാഗങ്ങളിൽ എത്രയും വേഗം ലഭ്യമാവുമെന്ന് ഉറപ്പുവരുത്തുക എന്നതാണ് തങ്ങളുടെ ശ്രമം, കൂടുതൽ ആളുകൾക്ക് 2020 ഥാറിന്റെ പ്രകടനം അനുഭവിക്കാനും വാഹനം ബുക്ക് ചെയ്യാനും ഇത് അനുവദിക്കും എന്നും അദ്ദേഹം കൂട്ടിച്ചേർത്തു.

MOST READ: സിഗ്നസ് X125 -ന് മോണ്‍സ്റ്റര്‍ എനര്‍ജി മോട്ടോജിപി പതിപ്പ് സമ്മാനിക്കാന്‍ യമഹ

അടുത്ത തലമുറ മഹീന്ദ്ര സ്കോർപിയോ പ്ലാറ്റ്‌ഫോമിനെ അടിസ്ഥാനമാക്കിയുള്ള പുതിയ ഥാറിനെ ചുറ്റിപ്പറ്റിയുള്ള താൽപ്പര്യം 2020 ഓഗസ്റ്റ് 15 -ന് ആദ്യമായി എസ്‌യുവി അനാച്ഛാദനം ചെയ്ത ദിവസം മുതൽ വളരെ ഉയർന്നതാണ്.

2020 ഒക്ടോബർ 2 -ന് സമാരംഭിച്ചതിനുശേഷം, പുതിയ ഥാറിന് 36,000 എൻക്വൈറികളും 3.3 ലക്ഷത്തിലധികം വെബ്‌സൈറ്റ് സന്ദർശകരേയും ലഭിച്ചു.

MOST READ: ക്രെറ്റയ്ക്ക് പുതിയ എൻട്രി ലെവൽ വേരിയന്റ് സമ്മാനിച്ച് ഹ്യുണ്ടായി; ഒപ്പം വില വർധനയും

ലോഞ്ച് ദിനത്തിലെ ഫാർപ്പ് വില, റോഡിലും പുറത്തും മികച്ച പ്രകടനം കാഴ്ചവയ്ക്കുന്ന ലൈഫ്‌സ്റ്റൈൽ എസ്‌യുവി തേടുന്നവരുടെ താൽപ്പര്യത്തെ കൂടുതൽ ആകർഷിക്കുന്നു.

9.8 ലക്ഷം രൂപ പ്രാരംഭ വിലയ്ക്ക് എത്തുന്ന പുതിയ മഹീന്ദ്ര ഥാർ പെട്രോൾ, ഡീസൽ എഞ്ചിൻ ഓപ്ഷനുകൾ വാഗ്ദാനം ചെയ്യുന്നു. പെട്രോൾ, ഡീസൽ എഞ്ചിനുകളിൽ ആറ് സ്പീഡ് മാനുവൽ, ആറ് സ്പീഡ് ടോർക്ക് കൺവെർട്ടർ ഓട്ടോമാറ്റിക് എന്നിങ്ങനെ രണ്ട് ഗിയർബോക്സ് ഓപ്ഷനുകളും നിർമ്മാതാക്കൾ ഒരുക്കുന്നു.

2020 ഥാറിന്റെയും എല്ലാ വകഭേദങ്ങൾക്കും ഫോർ വീൽ ഡ്രൈവ് (4x4) ട്രാൻസ്ഫർ കേസ് ലഭിക്കും. സോഫ്റ്റ്-ടോപ്പ്, കൺവേർട്ടിബിൾ, ഹാർഡ്-ടോപ്പ് ഓപ്ഷനുകൾ ഉപയോഗിച്ചാണ് പുതിയ ഥാർ കമ്പനി വാഗ്ദാനം ചെയ്യുന്നത്.

സോഫ്റ്റ്-ടോപ്പ് പതിപ്പിനാണ് വേരിയന്റുകളിൽ ഏറ്റവും താങ്ങാവുന്ന വിലയുള്ളത്, അതേസമയം ഹാർഡ്-ടോപ്പ്, ഓട്ടോമാറ്റിക് ഗിയർബോക്സ് ഉള്ളവയാണ് കൂട്ടത്തിൽ വിലയേറിയത്.