സെപ്റ്റംബറിൽ മോഡൽ നിരയിലുടനീളം വൻ ഓഫറുകളുമായി റെനോ

ക്വിഡ്, ട്രൈബർ, ഡസ്റ്റർ കോംപാക്ട്-എസ്‌യുവി എന്നിവയ്ക്ക് ആവേശകരമായ കിഴിവുകളും ആനുകൂല്യങ്ങളും വാഗ്ദാനം ചെയ്യുന്നു. യോഗ്യത അനുസരിച്ച് നാല് മാസത്തെ EMI മൊറട്ടോറിയവും കമ്പനി വാഗ്ദാനം ചെയ്യുന്നു. ഇപ്പോൾ ഒരു റെനോ കാർ വാങ്ങുന്ന ഉപയോക്താക്കൾക്ക് അടുത്ത വർഷം മുതൽ EMI അടയ്ച്ചു തുടങ്ങിയാൽ മതി.

ക്യാഷ് സേവിംഗ്സ്, എക്സ്ചേഞ്ച് ബോണസ്, കോർപ്പറേറ്റ് ഡിസ്കൗണ്ട്, ലോയൽറ്റി ബോണസ്, മെയിന്റനൻസ് പാക്കേജുകൾ, രാജ്യത്തിന്റെ ഗ്രാമപ്രദേശങ്ങളിൽ നിന്നുള്ള ഉപഭോക്താക്കൾക്ക് പ്രത്യേക ക്യാഷ് ഡിസ്കൗണ്ട് എന്നിവ 2020 സെപ്റ്റംബറിലെ ഓഫറുകളിൽ ഉൾപ്പെടുന്നു.

MOST READ: ഈക്കോ വിപണിയില്‍ എത്തിയിട്ട് 10 വര്‍ഷം; ഇതുവരെ വിറ്റത് 7 ലക്ഷം യൂണിറ്റുകള്‍

കമ്പനിയുടെ വെബ്‌സൈറ്റ് അനുസരിച്ച്, ഓഫറുകൾ സെപ്റ്റംബർ 30 വരെ സാധുവാണ്. മോഡൽ തിരിച്ചുള്ള ഓഫർ വിശദാംശങ്ങൾ ഇതാ:

റെനോ ക്വിഡ്

എൻട്രി ലെവൽ ഹാച്ച്ബാക്കായ ക്വിഡിന് ഈ മാസം 35,000 രൂപ വരെ ആനുകൂല്യങ്ങൾ വാഗ്ദാനം ചെയ്യുന്നു. 10,000 രൂപ ക്യാഷ് ഡിസ്കൗണ്ട്, 15,000 രൂപ എക്സ്ചേഞ്ച് ബോണസ്, 10,000 രൂപ ലോയൽറ്റി ബെനിഫിറ്റ് എന്നിവ ഇതിൽ ഉൾപ്പെടുന്നു.

MOST READ: ഹൈബ്രിഡ് എഞ്ചിനിലേക്ക് ചേക്കേറാൻ ജീപ്പ് റാങ്‌ലർ; അരങ്ങേറ്റം ഡിസംബറിൽ

കൂടാതെ, നഗര പ്രദേശങ്ങളിലെ ഉപഭോക്താക്കൾക്കായി 9,000 രൂപ കോർപ്പറേറ്റ് കിഴിവ് വാഗ്ദാനം ചെയ്യുന്നു. മറുവശത്ത്, ഗ്രാമപ്രദേശങ്ങളിലെ ഉപഭോക്താക്കൾക്ക് 5,000 രൂപ ക്യാഷ് ബോണസ് ലഭിക്കും.

കോർപ്പറേറ്റ് ഡിസ്കൗണ്ട് അല്ലെങ്കിൽ ഗ്രാമീണ ബോണസ് ഡോക്യുമെന്റിന്റെ സ്ഥിരീകരണത്തിനും യോഗ്യതയ്ക്കും ശേഷം മാത്രമേ ഉപഭോക്താക്കൾക്ക് വാഗ്ദാനം ചെയ്യൂ. 6.99 ശതമാനം കുറഞ്ഞ പലിശനിരക്കിൽ സവിശേഷമായ ഒരു ഫിനാൻസ് പദ്ധതിയും കമ്പനി വാഗ്ദാനം ചെയ്യുന്നു.

MOST READ: സ്പോർട്ട് രൂപത്തിൽ അണിഞ്ഞൊരുങ്ങി മാരുതി സ്വിഫ്റ്റ്

രണ്ട് എഞ്ചിൻ, ട്രാൻസ്മിഷൻ ഓപ്ഷനുകളാണ് റെനോ ക്വിഡ് വാഗ്ദാനം ചെയ്യുന്നത്. ക്വിഡ് ഹാച്ച്ബാക്കിന്റെ പ്രാരംഭ എക്സ്-ഷോറൂം വില 2.94 ലക്ഷം രൂപയാണ്. ടോപ്പ് എൻഡ് ക്വിഡ് ക്ലൈംബർ ഓട്ടോമാറ്റിക് വേരിയന്റിന് 5.07 ലക്ഷം രൂപ വില വരുന്നു.

റെനോ ട്രൈബർ

30,000 രൂപ വരെ ആനുകൂല്യങ്ങളോടെയാണ് ബ്രാൻഡിന്റെ കോംപാക്ട്-എംപിവി ട്രൈബർ റെനോ വാഗ്ദാനം ചെയ്യുന്നത്. 20,000 രൂപ എക്‌സ്‌ചേഞ്ച് ബോണസും 10,000 രൂപ ലോയൽറ്റി ബോണസും ഇതിൽ ഉൾപ്പെടുന്നു.

MOST READ: സര്‍ക്കാര്‍ ഏജന്‍സികള്‍ക്കായി 250 ഇലക്ട്രിക് വാഹനങ്ങള്‍ സ്വന്തമാക്കാന്‍ ഇഇഎസ്എല്‍

ക്വിഡ് മോഡലിനൊപ്പം വാഗ്ദാനം ചെയ്യുന്ന അതേ കോർപ്പറേറ്റ് ഡിസ്കൗണ്ടും അല്ലെങ്കിൽ 4,000 രൂപ ഗ്രാമീണ ബോണസും ട്രൈബർ എംപിവിയിലേക്കും വ്യാപിപ്പിക്കും. കൂടാതെ, 6.99% പലിശ നിരക്കിൽ ഉപഭോക്താക്കൾക്ക് കമ്പനി എളുപ്പത്തിൽ ഫിനാൻസ് പരിഹാരം വാഗ്ദാനം ചെയ്യുന്നു.

1.0 ലിറ്റർ മൂന്ന് സിലിണ്ടർ പെട്രോൾ എഞ്ചിനാണ് ട്രൈബറിന്റെ ഹൃദയം. 6250 rpm -ൽ പരമാവധി 71 bhp കരുത്തും 3500 rpm -ൽ 96 Nm പീക്ക് ടോർക്കുമാണ് ഉത്പാദിപ്പിക്കുന്നത്. അഞ്ച് സ്പീഡ് മാനുവൽ ഗിയർബോക്സ് അല്ലെങ്കിൽ ഓപ്ഷണൽ AMT ഓട്ടോമാറ്റിക് ട്രാൻസ്മിഷനുമായി എഞ്ചിൻ ഇണചേരുന്നു.

റെനോ ഡസ്റ്റർ

70,000 രൂപ വരെ പരമാവധി ആനുകൂല്യങ്ങളോടെയാണ് ബ്രാൻഡ് ഫ്ലാഗ്ഷിപ്പ് മോഡൽ ഡസ്റ്റർ വാഗ്ദാനം ചെയ്യുന്നത്. 25,000 രൂപ ക്യാഷ് ഡിസ്കൗണ്ട്, 25,000 രൂപ എക്സ്ചേഞ്ച് ബെനിഫിറ്റ്, 20,000 രൂപ ലോയൽറ്റി ബെനിഫിറ്റ് എന്നിവ ഇതിൽ ഉൾപ്പെടുന്നു. വേരിയന്റിനെ ആശ്രയിച്ച് ഓഫറുകൾ വ്യത്യാസപ്പെടുന്നു.

അടുത്തിടെ പുറത്തിറക്കിയ ഡസ്റ്റർ ടർബോ വേരിയന്റിലും കമ്പനി കിഴിവുകൾ വാഗ്ദാനം ചെയ്യുന്നു. 20,000 രൂപയുടെ ലോയൽറ്റി ബോണസും മൂന്ന് വർഷം അല്ലെങ്കിൽ 50,000 കിലോമീറ്ററിനുള്ള ഈസി കെയർ മെയിന്റനൻസ് പാക്കേജും ഇതിൽ ഉൾപ്പെടുന്നു.

ഇതിനുപുറമെ, ഒരു കോർപ്പറേറ്റ് ബോണസ് അല്ലെങ്കിൽ ഗ്രാമീണ ഓഫറിൽ യഥാക്രമം 22,000 രൂപ അല്ലെങ്കിൽ 15,000 രൂപ കിഴിവ് ഉൾപ്പെടുന്നു. റെനോ ഡസ്റ്ററിനറെ ആരംഭ വില 8.49 ലക്ഷം രൂപയാണ്, ഡസ്റ്റർ ടർബോയുടെ എക്സ്-ഷോറൂം വില ആരംഭിക്കുന്നത് 10.49 ലക്ഷം രൂപയിൽ നിന്നാണ്.