Click it and Unblock the Notifications
കിഗർ കോംപാക്ട് എസ്യുവിയുടെ ആദ്യ ഔദ്യോഗിക ടീസർ പങ്കുവെച്ച് റെനോ
നിസാൻ മാഗ്നൈറ്റ് വിപണിയിൽ എത്തുന്നത് അടുത്തിരിക്കെ റെനോ ഇന്ത്യ തങ്ങളുടെ കോംപാക്ട് എസ്യുവി അവതരിപ്പിക്കാനുള്ള ആദ്യ നീക്കം നടത്തിയിരിക്കുകയാണ്. വാഹനത്തിന്റെ ഔദ്യോഗിക ടീസർ വീഡിയോ നിർമ്മാതാക്കൾ ഇപ്പോൾ പുറത്തിറക്കി.
ആരോഗ്യ പ്രതിസന്ധിയും സപ്ലൈ ചെയിൻ ശൃംഖലയുടെ തകരാറും സംഭവിച്ചില്ലായിരുന്നെങ്കിൽ, ബ്രാൻഡ് ഇതിനകം തന്നെ സബ് ഫോർ മീറ്റർ എസ്യുവി വിപണിയിൽ എത്തിക്കുമായിരുന്നു എന്ന് ഫ്രഞ്ച് നിർമ്മാതാക്കൾ മുമ്പ് പറഞ്ഞിരുന്നു.
യഥാർഥ മോഡലിന് മുന്നോടിയായി റെനോ അഞ്ച് സീറ്ററിന്റെ ഒരു കൺസെപ്റ്റ് പതിപ്പ് അടുത്ത വർഷം ആദ്യം പുറത്തിറക്കും. പുതിയ സാഹസങ്ങൾക്ക് തയാറാണെന്നും പുതിയ ഫൺ, സ്പോർട്ടി റെനോ ഷോകാർ നഗരത്തിലോ പുറത്തോ നിങ്ങളുടെ പ്രിയപ്പെട്ട സ്ഥലങ്ങളിലേക്ക് നിങ്ങളെ നയിക്കുമെന്നും കമ്പനി വ്യക്തമാക്കി.
MOST READ: എക്സ്റ്റിൻഷൻ Mk1 ഇലക്ട്രിക് കാറിനെ അടുത്ത മാസത്തോടെ അവതരിപ്പിക്കാൻ പ്രവാഗ് ഡൈനാമിക്സ്
ഹ്യുണ്ടായി വെന്യു, മാരുതി സുസുക്കി വിറ്റാര ബ്രെസ, കിയ സോനെറ്റ്, ടൊയോട്ട അർബൻ ക്രൂസർ, ടാറ്റ നെക്സോൺ, മഹീന്ദ്ര XUV300, ഹോണ്ട WR-V എന്നിവയ്ക്കെതിരെ മത്സരിക്കുന്ന കോംപാക്ട് എസ്യുവിയുടെ നിർമ്മാണ നാമം കിഗർ എന്നാണെന്ന് ബ്രാൻഡ് ഈയിടെ വെളിപ്പെടുത്തിയിരുന്നു.
മാഗ്നൈറ്റുമായി താരതമ്യപ്പെടുത്തുമ്പോൾ കിഗറിന് സ്പോർടി അപ്പീലുണ്ട്. കൂടാതെ വാഹനത്തിന്റെ ടീസർ നിരവധി സ്റ്റൈലിംഗ് ഘടകങ്ങളുടെ സാന്നിധ്യം സൂചിപ്പിക്കുന്നു.
MOST READ: 2022-ഓടെ 10 പുതിയ ഹൈബ്രിഡ്, PHEV, ഇലക്ട്രിക് വാഹനങ്ങള് പുറത്തിറക്കാന് ഹ്യുണ്ടായി
സ്കൾപ്റ്റഡ് ടെയിൽഗേറ്റ്, ഡബിൾ ബബിൾ ടൈപ്പ് സ്പോയ്ലർ, 3D എൽഇഡി ടെയിൽ ലാമ്പുകൾ, ബൂമറാങ് ആകൃതിയിലുള്ള മെലിഞ്ഞ എൽഇഡി ഹെഡ്ലാമ്പുകൾ, അതുല്യമായ പച്ച നിറത്തിലുള്ള മിന്നുന്ന ലൈറ്റുകൾ, ബ്ലാക്ക് പില്ലറുകൾ, വിംഗ് മിററുകൾ, റൂഫ് എന്നിവ കൂപ്പെ പോലുള്ള സിലൗറ്റ് വെളിപ്പെടുത്തുന്നു.
കൂടാതെ ഫ്ലോയിംഗ് ബോഡി പാനലുകളും ക്യാരക്ടർ ലൈനുകളും, റാക്ക്ഡ് റിയർ വിൻഡ്ഷീൽഡ്, ഫ്ലഷ്-ടൈപ്പ് ഗ്ലിറ്ററിംഗ് ഡോർ ഹാൻഡിലുകൾ എന്നിവ മികച്ച രൂപഭാവം വെളിപ്പെടുത്തുന്നു.
MOST READ: കൊവിഡ് കാലത്തും കാർപ്രേമികൾക്ക് ആവേശമേകി മെർസിഡീസ്; ക്ലാസിക് കാർ റാലി ഡിസംബർ 13-ന്
കോംപാക്ട് എസ്യുവിയുടെ പ്രിവ്യൂ കാണിക്കുന്ന ‘റെനോ ഷോകാർ' വരും ആഴ്ചകളിൽ വെളിപ്പെടുമെന്ന് ഞങ്ങൾ പ്രതീക്ഷിക്കുന്നു. ഓൺ റോഡ് മോഡൽ കിഗറിന് നിസ്സാൻ മാഗ്നൈറ്റുമായി ധാരാളം സാമ്യമുണ്ടാകും.
കൂടാതെ റെനോ ട്രൈബറിൽ ഇതിനകം ഉപയോഗിച്ച CMF-A+ പ്ലാറ്റ്ഫോം മൊത്തത്തിലുള്ള ചെലവുകൾ കുറയ്ക്കാൻ സഹായിക്കുന്നു.
മാഗ്നൈറ്റ് പോലെ, കിഗറിനും നിർമ്മാതാക്കൾ 5.75 ലക്ഷം രൂപ മുതൽ 9.50 ലക്ഷം രൂപ വരെ അഗ്രസ്സീവായി വില നിശ്ചയിക്കും. പ്രകടനത്തെ സംബന്ധിച്ചിടത്തോളം, 1.0 ലിറ്റർ നാച്ചുറലി ആസ്പിറേറ്റഡ് പെട്രോളും 1.0 ലിറ്റർ ടർബോ ത്രീ-പോട്ട് പെട്രോൾ യൂണിറ്റും ഉപയോഗിക്കും. ടോപ്പ് എൻഡ് വേരിയന്റുകൾ CVT ട്രാൻസ്മിഷനുമായി ജോടിയാക്കപ്പെടും.
Continue with Google