Click it and Unblock the Notifications
ടിഗുവാന് ഇ-ഹൈബ്രിഡ് ആഗോളതലത്തില് അവതരിപ്പിച്ച് ഫോക്സ്വാഗണ്
ഇലക്ട്രിക് മൊബിലിറ്റി സംരംഭത്തിന്റെ ഭാഗമായി ജര്മ്മന് വാഹന നിര്മ്മാതാക്കളായ ഫോക്സ്വാഗണ്. ഇതിന്റെ ഭാഗമായി ആഗോളതലത്തില് പുതിയ ടിഗുവാന് ഇ-ഹൈബ്രിഡ് എസ്യുവിയെ ഔദ്യോഗികമായി അവതരിപ്പിച്ചു.
ടിഗുവാന് എസ്യുവുയുടെ ഇ-ഹൈബ്രിഡ് പതിപ്പിന് ജര്മ്മനിയില് 42,413 യൂറോയാണ് വില. ഇത് ഇന്ത്യയില് ഏകദേശം 37.93 ലക്ഷം രൂപ എക്സ്ഷോറും വിലയായി വരും. എസ്യുവിയുടെ പ്രീ-ബുക്കിംഗ് ആരംഭിച്ചതായും നിര്മ്മാതാക്കള് അറിയിച്ചു.
പാരീസ് കാലാവസ്ഥാ കരാറില് കമ്പനി പ്രതിജ്ഞാബദ്ധമായതിനാല്, ടിഗുവാന് ഇ-ഹൈബ്രിഡ് പോലുള്ള പ്ലഗ്-ഇന് ഹൈബ്രിഡുകള് 2050-ഓടെ ഒരു CO2- ന്യൂട്രല് കമ്പനിയായി മാറുകയെന്ന ലക്ഷ്യം കൈവരിക്കുന്നതിനുള്ള പ്രധാന ഘട്ടങ്ങളാണ്.
MOST READ: ബുക്കിംഗ് 10,000 പിന്നിട്ടു; മാഗ്നൈറ്റില് വാനോളം പ്രതീക്ഷവെച്ച് നിസാന്
ലൈഫ്, എലഗന്സ്, R-ലൈന് എന്നിവയുള്പ്പെടെ മൂന്ന് ഉപകരണ പാക്കുകളാണ് പുതിയ ഫോക്സ്വാഗണ് ടിഗുവാന് ഇ-ഹൈബ്രിഡ് ലഭ്യമാക്കുന്നത്.
ഡിജിറ്റല് കോക്ക്പിറ്റ്, ത്രീ-സോണ് ഓട്ടോമാറ്റിക് എയര് കണ്ടീഷനിംഗ്, പാഡില്സ് ഉള്ള ലെതര് മള്ട്ടി-ഫംഗ്ഷന് സ്റ്റിയറിംഗ് വീല്, അഡാപ്റ്റീവ് ക്രൂയിസ് കണ്ട്രോള്, ഫ്രണ്ട് അസിസ്റ്റ്, ഫ്രണ്ട്, റിയര് പാര്ക്ക് ഡിസ്റ്റന്സ് കണ്ട്രോള്, 17 ഇഞ്ച് അലോയ് വീലുകള്, റൂഫ് റെയിലുകള് എന്നിവയാണ് എസ്യുവിയുടെ സവിശേഷതകള്.
എല്ലാ ടിഗുവാന് മോഡലുകളിലും ലെയ്ന് അസിസ്റ്റ്, ഒരു മൊബൈല് ഫോണ് ഇന്റര്ഫേസ്, മൊബൈല് സെന്സര്, എല്ഇഡി ഹെഡ്ലാമ്പുകള് എന്നിവയും അതിലേറെയും ഉള്പ്പെടുത്തിയിട്ടുണ്ട്.
1.4 ലിറ്റര് TSI എഞ്ചിനാണ് പുതിയ ടിഗുവാന് ഇ-ഹൈബ്രിഡ് എസ്യുവിയുടെ കരുത്ത്. ഇലക്ട്രിക് മോട്ടോര് പിന്തുണയ്ക്കുന്ന ഇത് 6 സ്പീഡ് ഡ്യുവല് ക്ലച്ച് ഗിയര്ബോക്സുമായി ജോടിയാക്കുന്നു.
MOST READ: പത്ത് മിനിറ്റിനുള്ളിൽ ഒരു വർഷത്തേക്കുള്ള വിൽപ്പന പൂർത്തിയാക്കി ഹമ്മർ ഇവി
ടിഗുവാന് ഇ-ഹൈബ്രിഡിലെ ഡ്രൈവര്മാര്ക്ക് GTE മോഡ് സ്വമേധയാ സജീവമാക്കാന് കഴിയും. അതില് ഇലക്ട്രിക് മോട്ടോര്, TSI എഞ്ചിന് എന്നിവയ്ക്ക് സംയുക്തമായി പരമാവധി 400 Nm torque സൃഷ്ടിക്കാന് കഴിയും.
പ്ലഗ്-ഇന് ഹൈബ്രിഡ് ഡ്രൈവ് 241 bhp സിസ്റ്റം പവര് സൃഷ്ടിക്കുന്നു. ഹൈബ്രിഡ് മോഡില് ഇത് ഒരു അധിക ബൂസ്റ്ററായി പ്രവര്ത്തിക്കുന്നു, മാത്രമല്ല അതിന്റെ ഇലക്ട്രിക് സിസ്റ്റത്തില് മാത്രം 50 കിലോമീറ്റര് ദൂരം സഞ്ചരിക്കാനും കഴിയും.
MOST READ: ഇന്ത്യയില് പരീക്ഷണയോട്ടം നടത്തി റെനോ സോയി ഇലക്ട്രിക്
റിയര് ആക്സിലിന് മുന്നില് സ്ഥാപിച്ചിരിക്കുന്ന ബാറ്ററി പായ്ക്ക് AC ചാര്ജര് ഉപയോഗിച്ചും പരമ്പരാഗത, ഗാര്ഹിക സോക്കറ്റുകള് അല്ലെങ്കില് ചാര്ജിംഗ് സ്റ്റേഷനിലോ, ഹോം ചാര്ജിംഗ് സ്റ്റേഷനിലോ 3.6 കിലോവാട്ട് വരെ ചാര്ജര് ഉപയോഗിച്ച് ചാര്ജ് ചെയ്യാം.
ബാറ്ററി ആവശ്യത്തിന് ചാര്ജ്ജ് ചെയ്തിട്ടുണ്ടെങ്കില് പ്ലഗ്-ഇന് ഹൈബ്രിഡ് ഡ്രൈവ് പ്രോഗ്രാം ചെയ്തതിനാല് കാര് ഇവി മോഡില് ആരംഭിക്കാന് കഴിയും. അടുത്തിടെയാണ് നിര്മ്മാതാക്കള് മോഡലിന് ഒരു പെര്ഫോമെന്സ് വേരിയന്റ് സമ്മാനിച്ചത്.
ടിഗുവാന് R എന്നറിയപ്പെടുന്ന പുതിയ മോഡല് ശക്തമായ 315 bhp കരുത്ത് ഉത്പാദിപ്പിക്കുന്ന എഞ്ചിന് കൊണ്ടാണ് സജ്ജീകരിച്ചിരിക്കുന്നത്. ഇത് വെറും 4.9 സെക്കന്ഡിനുള്ളില് 0-100 കിലോമീറ്റര് വേഗത കൈവരിക്കാന് വാഹനത്തെ സഹായിക്കും.
പുതിയ ഓള്-വീല് ഡ്രൈവ് സംവിധാനം ഉള്ക്കൊള്ളുന്ന ടിഗുവാന് R-ന് പരമാവധി 250 കിലോമീറ്റര് വേഗത കൈവരിക്കാനാകുമെന്നും ഫോക്സ് വാഗണ് അവകാശപ്പെടുന്നു.
Continue with Google