എർട്ടിഗയ്ക്കും മറാസോയ്ക്കും ഒരു പുതിയ എതിരാളി കൂടെ എത്തും; കിയ എംപിവിയുടെ അരങ്ങേറ്റം 2022-ൽ

2022-ന്റെ തുടക്കത്തിൽ ഒരു പുതിയ മിഡ്-സൈസ് എം‌പിവി പുറത്തിറക്കാനാണ് കിയയുടെ പദ്ധതി. വരാനിരിക്കുന്ന മോഡൽ പെട്രോൾ, ഡീസൽ എഞ്ചിനുകളോടെ ലഭ്യമാക്കും എന്നതും ശ്രദ്ധേയമാണ്.

കിയ സെൽറ്റോസിന്റെ പ്ലാറ്റ്‌ഫോമിനെ അടിസ്ഥാനമാക്കി ഒരുങ്ങുന്ന എംപിവി മാരുതി സുസുക്കി എർട്ടിഗയ്ക്കും ടൊയോട്ട ഇന്നോവ ക്രിസ്റ്റയ്ക്കും ഇടയിലായിരിക്കും സ്ഥാനം പിടിക്കുക. കൂടാതെ മഹീന്ദ്ര മറാസോയ്ക്ക് സമാനമായ 4,585 മില്ലീമീറ്റർ അളവുകളാകും ഉണ്ടാവുക.

MOST READ: രണ്ട് വർഷത്തിനുള്ളിൽ ആറ് പുതിയ ഇവികൾ വിപണയിലെത്തിക്കാൻ മെർസിഡീസ്

അതേസമയം കിയയുടെ സ്വന്തം ലൈനപ്പിൽ എം‌പിവി സെൽറ്റോസിനേക്കാൾ അല്പം വലുതായിരിക്കും. എന്നിരുന്നാലും 5,115 മിമി നീളമുള്ള കാർണിവലിനേക്കാൾ വലിപ്പം കുറവായിരിക്കും. കഴിവുള്ള ഒരു പീപ്പിൾ കാരിയറിന്റെ മുഖമുദ്ര എന്ന നിലയിൽ മോഡലിന് ഏഴ് സീറ്ററായാകും വിപണിയിൽ എത്തുക.

സ്റ്റൈലിംഗിന്റെ കാര്യത്തിൽ കമ്പനിയുടെ ഏറ്റവും പുതിയ ഡിസൈൻ ഭാഷ്യമായിരിക്കും കിയ എം‌പി‌വി പിന്തുടരുമെന്ന് പ്രതീക്ഷിക്കുന്നത്. ബ്രാൻഡിന്റെ സിഗ്‌നേച്ചർ ‘ടൈഗർ നോസ്' ഗ്രില്ലും ഷാർപ്പ് ഹെഡ്‌ലാമ്പുകളും മുൻവശത്തെ ആകർഷകമാക്കാൻ സഹായിക്കും.

MOST READ: സ്ലാവിയ എന്ന നെയിംപ്ലേറ്റിനായി ഫയല്‍ രജിസ്റ്റര്‍ ചെയ്ത് സ്‌കോഡ

മികച്ച സ്റ്റൈലിംഗിനും വൈവിധ്യമാർന്ന എഞ്ചിൻ ഓപ്ഷനുകൾക്ക് പുറമെ കിയ സോനെറ്റിലും സെൽ‌റ്റോസിലും വളരെയധികം പ്രീതി നേടിയ ഒന്നാണ് പൂർണമായി ലോഡുചെയ്‌ത ഉപകരണങ്ങളുടെ പട്ടിക. അതിനാൽ തന്നെ കിടിലൻ ഫീച്ചറുകളുമായാകും എം‌പിവി സജ്ജമാക്കുക.

വരാനിരിക്കുന്ന മോഡലിന് സെൽറ്റോസിന്റെ അതേ സവിശേഷതകൾ ഉണ്ടായിരിക്കുമെന്നാണ് സൂചന. അതിൽ റിയർ വ്യൂ ക്യാമറ, സ്മാർട്ട്‌ഫോൺ കണക്റ്റിവിറ്റി, അലോയ് വീലുകൾ, ഡിആർഎൽ, പുഷ് ബട്ടൺ സ്റ്റാർട്ട്, ക്രൂയിസ് കൺട്രോൾ, പവർ വിൻഡോകൾ, ആംബിയന്റ് ലൈറ്റിംഗ് എന്നിവ പോലുള്ള എല്ലാ സവിശേഷതകളും കിയയുടെ വാഹനത്തിൽ ഇടംപിടിക്കും.

MOST READ: നിരത്തിലിറങ്ങി പ്രവൈഗ് എക്സ്റ്റൻഷൻ ഇലക്‌ട്രിക് സെഡാൻ

കണക്റ്റുചെയ്ത കാർ ടെക്, സൺറൂഫ്, വെന്റിലേറ്റഡ് ഫ്രണ്ട് സീറ്റുകൾ, എയർ പ്യൂരിഫയർ, 360 ഡിഗ്രി ക്യാമറ, ബ്ലൈൻഡ് സ്പോട്ട് മോണിറ്റർ, ഹെഡ്-അപ്പ് ഡിസ്പ്ലേ എന്നിവയുൾപ്പെടെയുള്ള ഉപകരണങ്ങളുള്ള ഉയർന്ന വേരിയന്റുകളും എംപിവിക്ക് ഉണ്ടാകും.

ഡീസൽ മോഡലുകൾക്ക് വിശാലമായ പ്രേക്ഷകരെ ആകർഷിക്കുന്നതിനായി കിയ ഡീസൽ, പെട്രോൾ എന്നിങ്ങനെ രണ്ട് എഞ്ചിൻ ഓപ്ഷനുകളും എംപിവിയിൽ വാഗ്ദാനം ചെയ്യും. അത് കിയ സെൽറ്റോസ് എസ്‌യുവിയിൽ നിന്ന് കടമെടുക്കുമെന്നാണ് പ്രതീക്ഷിക്കുന്നത്.

MOST READ: 100 കിലോമീറ്റർ വരെ മൈലേജ്; പുതിയ രണ്ട് ഇലക്‌ട്രിക് സ്‌കൂട്ടറുമായി ഈവ് ഇന്ത്യ

എംപിവി ശ്രേണിയിലെ പ്രധാന ആകർഷണം 1.5 ലിറ്റർ ഡീസൽ യൂണിറ്റാകും. 1.5 ലിറ്റർ പെട്രോൾ യൂണിറ്റ് അടിസ്ഥാന വേരിയന്റുകൾക്ക് കരുത്ത് പകരും. ഇവ 115 bhp കരുത്ത് ഉത്പാദിപ്പിക്കാൻ ശേഷിയുള്ളതായിരിക്കും.

വൈവിധ്യമാർന്ന എഞ്ചിൻ ഓപ്ഷനുകൾ എം‌പിവി വിഭാഗത്തിൽ കിയയ്ക്ക് ഒരു മേൽകൈ നൽകണം. താരതമ്യപ്പെടുത്തുമ്പോൾ എർട്ടിഗയ്ക്ക് ഇപ്പോൾ പെട്രോൾ മാത്രമുള്ള മോഡലാണ്. മറാസോയ്ക്ക് 1.5 ലിറ്റർ ഡീസൽ എഞ്ചിൻ മാത്രമാണ് ലഭിക്കുന്നത്. എന്നാൽ ഉടൻ തന്നെ മഹീന്ദ്ര വാഹനത്തിന് ഒരു 1.5 ലിറ്റർ ടർബോ-പെട്രോൾ യൂണിറ്റ് സമ്മാനിക്കും.