റാപ്പിഡിന്റെ എൻട്രി ലെവൽ വേരിയന്റ് റൈഡർ തിരിച്ചെത്തി; വില 7.79 ലക്ഷം രൂപ

ഉയർന്ന ഡിമാൻഡിനെ തുടർന്ന് 2020 ഡിസംബറിൽ സ്കോഡ റാപ്പിഡ് റൈഡറിനെ താത്ക്കാലികമായി പിൻവലിക്കുകയായിരുന്നു. ലഭിച്ച ബുക്കിംഗുകൾ പൂർത്തീകരിക്കുന്നതിന് മുൻഗണ കൊടുക്കാനായിരുന്നു കമ്പനി ഇത്തരത്തിലൊരു തീരുമാനം കൈക്കൊണ്ടത്.

എങ്കിലും ഈ വിടവ് നികത്താനായി സ്കോഡ റൈഡർ പ്ലസ് വേരിയന്റും പുറത്തിറക്കിയിരുന്നു. ബേസ് മോഡലിനെക്കാൾ 50,000 രൂപ അധികം മുടക്കേണ്ടിയിരുന്ന റൈഡർ പ്ലസിന് 7.99 ലക്ഷം രൂപയാണ് കമ്പനി നിശ്ചയിച്ചത്.

MOST READ: നിരത്തില്‍ പരിക്ഷണയോട്ടത്തിനിറങ്ങി ഔഡി Q5 ഫെയ്‌സ്‌ലിഫ്റ്റ്; അവതരണം ഉടന്‍

ഇപ്പോൾ ഏകദേശം ഒന്നര മാസത്തെ ഇടവേളയ്ക്ക് ശേഷം സ്കോഡ തങ്ങളുടെ വെബ്‌സൈറ്റിൽ റാപ്പിഡ് റൈഡർ പതിപ്പ് വീണ്ടും അവതരിപ്പിച്ചു. നിലലവിൽ 7.79 ലക്ഷം രൂപയാണ് സി-സെഗ്മെന്റ് സെഡാന്റെ പ്രാരംഭ വിലയായി മുടക്കേണ്ടത്.

ഇന്ത്യയിലെ ചില സബ് 4 മീറ്റർ സെഡാനുകളേക്കാളും വില കുറവായിരുന്നു എന്ന കാര്യമാണ് സ്കോഡ റാപ്പിഡ് റൈഡറിനെ ഇത്രയും ജനപ്രിയമാക്കിയത്. കൂടാതെ മിഡ്-സൈസ് സെഡാനിൽ പ്രതീക്ഷിക്കുന്ന അവശ്യ സവിശേഷതകളിൽ ഭൂരിഭാഗവും ചെക്ക് റിപ്പബ്ളിക്കൻ ബ്രാൻഡ് വാഗ്ദാനം ചെയ്‌തും കരുത്തേകി.

MOST READ: ഐ-ടർബോ പതിപ്പുമായി കൂടുതൽ കരുത്താർജിച്ച് ആൾട്രോസ്; ആദ്യ ഡ്രൈവ് റിവ്യൂ

ഇപ്പോൾ 30,000 രൂപയുടെ അധിക വിലയുള്ള എൻ‌ട്രി ലെവൽ റാപ്പിഡ് ഇപ്പോഴും വിപണിയിൽ ഏറ്റവും വാല്യൂ ഫോർ മണി വാഹനമാണ്. റാപ്പിഡ് വേരിയന്റിൽ ബ്ലൂടൂത്ത് കണക്റ്റിവിറ്റിയുള്ള 2-ഡിൻ ഓഡിയോ സിസ്റ്റം, ഇലക്ട്രിക് ഒആർവിഎം, എബിഎസ്, ഡ്യുവൽ ഫ്രണ്ട് എയർബാഗുകൾ, റിയർ പാർക്കിംഗ് സെൻസറുകൾ, ഒരു ഓട്ടോമാറ്റിക് ക്ലൈമറ്റ് കൺട്രോൾ എന്നിവയെല്ലാം അടങ്ങിയിരിക്കുന്നു.

സി-സെഗ്മെന്റ് ശ്രേണിയിലെ ഏറ്റവും വിലകുറഞ്ഞ റാപ്പിഡ് റൈഡറിന് 1.0 ലിറ്റർ 3 സിലിണ്ടർ ടർബോചാർജ്ഡ് പെട്രോൾ എഞ്ചിനാണ് കരുത്തേകുന്നത്. ഇത് പരമാവധി 108 bhp പവറും 175 Nm torque ഉം ഉത്പാദിപ്പിക്കാൻ ശേഷിയുള്ളതാണ്.

MOST READ: പുത്തൻ കോമ്പസ് എസ്‌യുവിയുടെ വേരിയന്റ് തിരിച്ചുള്ള സവിശേഷതകൾ ഇങ്ങനെ

ഓട്ടോമാറ്റിക് ഗിയര്‍ബോക്‌സ് ഓപ്ഷന്‍ ഇല്ലാതെ ഇത് ആറ് സ്പീഡ് മാനുവൽ ഗിയർബോക്‌സുമായാണ് ജോടിയാക്കിയിരിക്കുന്നത്. റൈഡർ വേരിയന്റ് തിരിച്ചെത്തിയത് വാഹന പ്രേമികൾക്ക് സന്തോഷകരമായ വാർത്തയാണ്.

എന്നിരുന്നാലും നിലവിലെ തലമുറ റാപ്പിഡ് നിർത്തലാക്കാൻ സ്കോഡയ്ക്ക് പദ്ധതിയുണ്ട്. പകരം 2021-ൽ ഇന്ത്യയ്ക്കായി പുതിയ വലിയ മിഡ് സൈസ് സെഡാൻ അവതരിപ്പിക്കാനാണ് കമ്പനി പദ്ധതിയിടുന്നത്.