ഇന്ത്യയില്‍ നിന്നുള്ള ലെഫ്റ്റ് ഹാന്‍ഡ് ഡ്രൈവ് സിറ്റിയുടെ കയറ്റുമതി ആരംഭിച്ച് ഹോണ്ട

ഇതാദ്യമായാണ് ജാപ്പനീസ് കാര്‍ നിര്‍മ്മാതാവ് പ്രാദേശികമായി ഉത്പാദിപ്പിക്കുന്ന ലെഫ്റ്റ് ഹാന്‍ഡ് ഡ്രൈവ് കാറുകള്‍ കയറ്റുമതി ചെയ്യുന്നത്.

ഗുജറാത്തിലെ പിപാവവ് തുറമുഖത്തുനിന്നും ചെന്നൈയിലെ എന്‍നോര്‍ തുറമുഖത്തുനിന്നും മിഡില്‍ ഈസ്റ്റ് രാജ്യങ്ങളിലേക്ക് പ്രാരംഭ ബാച്ച് അയച്ചതോടെ ഹോണ്ട പുതിയ സിറ്റിയുടെ കയറ്റുമതി ആരംഭിച്ചു.

MOST READ: കോമ്പസ് ഫെയ്‌സ്‌ലിഫ്റ്റിന്റെ ഡെലിവറിയും, ടെസ്റ്റ് ഡ്രൈവും ആരംഭിക്കാനൊരുങ്ങി ജീപ്പ്

എന്നിരുന്നാലും, 2021-ല്‍ പുതിയ സിറ്റി സെഡാന്‍ 12-ലധികം ലെഫ്റ്റ് ഹാന്‍ഡ് ഡ്രൈവ് രാജ്യങ്ങളിലേക്ക് കയറ്റുമതി ചെയ്യുമെന്ന് കമ്പനി അറിയിച്ചു. ''ഹോണ്ട സിറ്റി ഇന്ത്യയിലെ സെഡാനുകളുടെ മാനദണ്ഡമാണ്, കൂടാതെ ലെഫ്റ്റ് ഹാന്‍ഡ് ഡ്രൈവ് മോഡലിന്റെ കയറ്റുമതി പൂര്‍ണ്ണമായും പുതിയ ലക്ഷ്യസ്ഥാനങ്ങളിലേക്ക് ചേര്‍ക്കുന്നതിനുള്ള മികച്ച അവസരമാണെന്ന് ഹോണ്ട കാര്‍ ഇന്ത്യ ലിമിറ്റഡിന്റെ പ്രസിഡന്റും സിഇഒയുമായ ഗക്കു നകാനിഷി പറഞ്ഞു.

ആഭ്യന്തര, അന്തര്‍ദ്ദേശീയ ഉപഭോക്താക്കളുടെ ആവശ്യം നിയന്ത്രിക്കാന്‍ അനുവദിക്കുന്ന വലത്, ഇടത് ഡ്രൈവ് മോഡലുകള്‍ നിര്‍മ്മിക്കാന്‍ കഴിയുന്ന വിപുലമായ ലോകോത്തര ഉത്പാദന കേന്ദ്രം തപുകരയില്‍ സൃഷ്ടിക്കാന്‍ നിക്ഷേപം നടത്തിയിട്ടുണ്ട്.

MOST READ: നിസാൻ മാഗ്നൈറ്റിന് വെല്ലുവിളിയായി കിഗർ കോംപാക്ട് എസ്‌യുവി അവതരിപ്പിച്ച് റെനോ

ഇന്ത്യന്‍ വിപണിയില്‍ വളരെയധികം പ്രശംസ പിടിച്ചുപറ്റി, ഈ വിജയം ആവര്‍ത്തിക്കാനും ആഗോള ഉപഭോക്താക്കളെ അതിന്റെ മികച്ച ഗുണനിലവാരവും പ്രകടനവും കൊണ്ട് തൃപ്തിപ്പെടുത്താനും കഴിയുമെന്ന് പ്രതീക്ഷിക്കുന്നതായും അദ്ദേഹം പറഞ്ഞു.

പുതിയ ഹോണ്ട സിറ്റിയുടെ റൈറ്റ്-ഹാന്‍ഡ് ഡ്രൈവ് (RHD) മോഡലുകള്‍ 2020 ഓഗസ്റ്റ് മുതല്‍ ദക്ഷിണാഫ്രിക്കയിലേക്കും, പിന്നീട് അയല്‍രാജ്യങ്ങളായ നേപ്പാളിലേക്കും ഭൂട്ടാനിലേക്കും 2020 ഒക്ടോബര്‍ മുതലും കയറ്റുമതി ചെയ്തിരുന്നു.

MOST READ: ഇന്‍ഫോടെയ്ന്‍മെന്റ് സംവിധാനമില്ലാത്ത മഹീന്ദ്ര ഥാര്‍; കാരണം ഇതാണ്

ഇപ്പോള്‍ കമ്പനി ലെഫ്റ്റ് ഹാന്‍ഡ് ഡ്രൈവ് വിപണികളിലേക്ക് കയറ്റുമതി ചെയ്യാന്‍ ആരംഭിക്കുമ്പോള്‍, രാജ്യത്ത് നിന്നുള്ള കയറ്റുമതി അളവില്‍ മൂന്നിരട്ടി വര്‍ധനയാണ് ഹോണ്ട ലക്ഷ്യമിടുന്നത്.

മറ്റ് മോഡലുകളെ സംബന്ധിച്ചിടത്തോളം നേപ്പാള്‍, ഭൂട്ടാന്‍, ദക്ഷിണാഫ്രിക്ക, SADC രാജ്യങ്ങളിലേക്ക് അമേസ്, WR-V എന്നിവ കയറ്റുമതി ചെയ്യുന്നു. 90 ശതമാനത്തിലധികം പ്രാദേശികവല്‍ക്കരണത്തോടെ ഇന്ത്യയില്‍ എല്ലാ വോളിയം മോഡലുകളും നിര്‍മ്മിക്കുന്നുണ്ടെന്ന് കമ്പനി പറയുന്നു.

MOST READ: ആഗോള അരങ്ങേറ്റത്തിന് മുന്നോടിയായി കുഷാഖിന്റെ പ്രോട്ടോടൈപ്പ് വെളിപ്പെടുത്തി സ്കോഡ

ഇന്ത്യയില്‍, 2020 ഹോണ്ട സിറ്റി പെട്രോള്‍, ഡീസല്‍ എഞ്ചിന്‍ ഓപ്ഷനുകളില്‍ ലഭ്യമാണ്. 118 bhp കരുത്തും 145 Nm torque ഉം ട്യൂണ്‍ ചെയ്യുന്ന 1.5 ലിറ്റര്‍ i-VTEC DOHC എഞ്ചിന്‍. 1.5 ലിറ്റര്‍ i-DTEC യൂണിറ്റായ ഓയില്‍ ബര്‍ണര്‍ 99 bhp കരുത്തും 200 Nm torque ഉം ആണ് വാഗ്ദാനം ചെയ്യുന്നത്.

രണ്ട് എഞ്ചിനും 6 സ്പീഡ് മാനുവല്‍ ഗിയര്‍ബോക്‌സിലാണ് വരുന്നത്, എന്നിരുന്നാലും, പെട്രോള്‍ ഓപ്ഷന് സിവിടി ഓട്ടോമാറ്റിക് ട്രാന്‍സ്മിഷനും ലഭിക്കും. നിലവില്‍ ഇന്ത്യയില്‍ 11 ലക്ഷം മുതല്‍ 14.85 ലക്ഷം വരെയാണ് പുതുതലമുറ സിറ്റിയുടെ എക്‌സ്‌ഷോറൂം വില.