പെട്രോൾ സിവിടി വേരിയന്റുമായി എംജി ഹെക്‌ടർ; അരങ്ങേറ്റം ഫെബ്രുവരി 11-ന്

ഒരേ വിപണിയിൽ രണ്ട് ഓട്ടോമാറ്റിക് ഗിയർബോക്സുകൾ വാഗ്ദാനം ചെയ്യുന്ന ആദ്യത്തെ വാഹനമായിരിക്കും ഹെക്ടർ പെട്രോൾ സിവിടി. അടുത്തിടെ ഫെയ്‌സ്‌ലിഫ്റ്റ് ചെയ്ത ഹെക്‌ടറിനെ അടിസ്ഥാനമാക്കിയായിരിക്കും ഇത് മോഡൽ ഇന്ത്യയിൽ അരങ്ങേറ്റം കുറിക്കുക.

നിലവിൽ അഞ്ച് സ്പീഡ് മാനുവൽ ഗിയർബോക്സ് അല്ലെങ്കിൽ ഡിസിടി ഓട്ടോമാറ്റിക് ഉപയോഗിച്ചാണ് എസ്‌യുവിയുടെ പെട്രോൾ പതിപ്പ് വിൽക്കുന്നത്. 141 bhp കരുത്തിൽ 250 Nm torque ഉത്പാദിപ്പിക്കാൻ ശേഷിയുള്ള 1.5 ലിറ്റർ ടർബോ പെട്രോൾ എഞ്ചിൻ ആറ് സ്പീഡ് മാനുവൽ അല്ലെങ്കിൽ ഏഴ് സ്പീഡ് ഡിസിടി ഉപയോഗിച്ചാണ് എംജി വിപണിയിൽ എത്തിക്കുന്നത്.

MOST READ: സ്ക്രാപ്പേജ് നയം; കേരളത്തിൽ ആശങ്കയിലുള്ളത് 35 ലക്ഷം വാഹനങ്ങൾ

ഹെക്‌ടറിന്റെ മികച്ച രണ്ട് വേരിയന്റുകളായ സൂപ്പർ, ഷാർപ്പ് സിവിടി ഗിയർബോക്‌സിനൊപ്പം ലഭ്യമാകും. എന്നാൽ പുതിയ സിവിടി യൂണിറ്റിന് ഒരു മാനുവൽ മോഡും സ്‌പോർട്‌സ് മോഡും ലഭിക്കും എന്ന കാര്യമാണ് ശ്രദ്ധേയമാകുന്നത്.

എസ്‌യുവിയുടെ സിവിടി പെട്രോളിന് ഡിസിടി സജ്ജീകരിച്ച വേരിയന്റിനേക്കാൾ 50,000 മുതൽ 60,000 രൂപ കുറവായിരിക്കുമെന്നാണ് റിപ്പോർട്ടുകൾ. കൂടാതെ സിവിടി ഗിയർ‌ബോക്സ് കൂടുതൽ ഇന്ധനക്ഷമതയുള്ളതാണെന്നും ഡിസിടിയേക്കാൾ സുഗമമാകുമെന്നും പ്രതീക്ഷിക്കുന്നു.

MOST READ: എം-പ്ലസ് മെഗാ സർവീസ് ക്യാമ്പയിനുമായി മഹീന്ദ്ര, അറിയാം കൂടുതൽ വിവരങ്ങൾ

അടുത്തിടെയാണ് 2021 മോഡൽ പരിഷ്ക്കരണവുമായി ഹെക്‌ടർ നിരത്തിലെത്തുന്നത്. പുറത്തും അകത്തും കുറച്ച് നവീകരണങ്ങൾ കൂട്ടിച്ചേർത്തതോടെ വിപണിയിൽ വേറിട്ടു നിൽക്കാൻ എസ്‌യുവിക്ക് സാധിച്ചിട്ടുണ്ട്.

6 സ്പീഡ് മാനുവൽ, ഡിസിടി, സിവിടി എന്നീ ഗിയർബോക്‌സ് ഓപ്ഷനുകളുള്ള 1.5 ലിറ്റർ പെട്രോൾ എഞ്ചിന് പുറമേ 1.5 ലിറ്റർ ഹൈബ്രിഡ് പെട്രോളും 2.0 ലിറ്റർ ഫോർ സിലിണ്ടർ യൂണിറ്റും ഹെക്‌ടറിലുണ്ട്.

MOST READ: 2021 റോയൽ‌ എൻ‌ഫീൽ‌ഡ് ഹിമാലയൻ ഫെബ്രുവരി 10-ന് വിപണിയിലെത്തും; കൂട്ടിന് നിരവധി മാറ്റങ്ങളും

ഹൈബ്രിഡ് പെട്രോൾ മോഡലും ഡീസൽ മോഡലും ആറ് സ്പീഡ് മാനുവൽ ഗിയർബോക്‌സ് ഉപയോഗിച്ച് തെരഞ്ഞെടുക്കാം. ഹെക്‌ടർ സിവിടി ഓട്ടോമാറ്റിക് വേരിയന്റിൽ മറ്റ് മാറ്റങ്ങളൊന്നും വരുത്താൻ എം‌ജി തയാറാകില്ല.

പുതുക്കിയ ഗ്രിൽ, 18 ഇഞ്ച് വലുപ്പമുള്ള അലോയ് വീലുകൾ, ഫ്രണ്ട്, റിയർ സ്കഫ് പ്ലേറ്റുകൾ, ടെയ്‌ലാമ്പുകൾക്കിടയിൽ പ്രവർത്തിക്കുന്ന ബ്ലാക്ക് ആപ്ലിക് എന്നിവ എസ്‌യുവിയുടെ പുറംമോടിയുടെ മാറ്റുകൂട്ടാൻ അതേപടി നിലനിർത്തും.

അതേസമയം ഫെയ്‌സ്‌ലിഫ്റ്റ് ചെയ്‌ത ഹെക്‌ടിന്റെ അകത്തളത്തിൽ ഷാംപെയിൻ, ബ്ലാക്ക് ഡ്യുവൽ-ടോൺ കളറാണ് എംജി ഒരുക്കിയിരിക്കുന്നത്. അതിൽ വയർലെസ് ഫോൺ ചാർജിംഗ്, വെന്റിലേറ്റഡ് ഫ്രണ്ട് സീറ്റുകൾ, ഓട്ടോ ഡിമ്മിംഗ് റിയർ വ്യൂ മിററുകൾ എന്നിവ പോലുള്ള സവിശേഷതകൾ കൂട്ടിച്ചേർത്തിട്ടുമുണ്ട്.

എംജിയിൽ നിന്നുള്ള ഈ അഞ്ച് സീറ്റർ എസ്‌യുവിയുടെ പെട്രോൾ സിവിടി വേരിയന്റ് ഇന്ത്യൻ വിപണിയിലെ ഹ്യുണ്ടായി ക്രെറ്റ, കിയ സെൽറ്റോസ്, നിസാൻ കിക്‌സ് തുടങ്ങിയ മോഡലുകളുമായാകും മാറ്റുരയ്ക്കുക.