Click it and Unblock the Notifications
മരുഭൂമിയില് ഓഫ്റോഡ് കഴിവ് തെളിയിച്ച് പുതുതലമുറ സ്കോര്പിയോ; വീഡിയോ കാണാം
വരും മാസങ്ങളില് നിര്മാതാക്കളായ മഹീന്ദ്ര അതിന്റെ മുഴുവന് നിരയും നവീകരിക്കാന് ഒരുങ്ങുകയാണ്. പുതുതലമുറ ഥാര് അവതരിപ്പിച്ചുകൊണ്ട് കമ്പനി അവരുടെ മോഡലുകള് അപ്ഡേറ്റ് ചെയ്യാന് തുടങ്ങി.
എന്നിരുന്നാലും, ബ്രാന്ഡിന്റെ ശ്രേണിയിലേക്ക് നിരവധി മോഡലുകളാണ് എത്താനൊരുങ്ങുന്നത്. ഇതില് പുതുതലമുറ സ്കോര്പിയോയും ഉള്പ്പെടുന്നു. ഇന്സ്റ്റാഗ്രാമില് രാജസ്ഥാന് മോട്ടോര്സ്പോര്ട്സ് അടുത്തിടെ പോസ്റ്റ് ചെയ്ത വീഡിയോ മരുഭൂമിയില് പരീക്ഷണയോട്ടം നടത്തുന്ന പുതുതലമുറ സ്കോര്പിയോയെ വെളിപ്പെടുത്തുന്നു.
സ്കോര്പിയോ വീഡിയോയില് ശരിയായി കാണുന്നില്ലെങ്കിലും, വരാനിരിക്കുന്ന എസ്യുവിയുടെ പുതിയ എല്ഇഡി ഡിആര്എല് സജ്ജമാക്കിയിരിക്കുന്നത് വീഡിയോയില് ശ്രദ്ധിക്കാനാകും.
MOST READ: ദക്ഷിണാഫ്രിക്കയിലെ ഏറ്റവും വില കുറഞ്ഞ കാർ ഒരു മെയ്ഡ് ഇൻ ഇന്ത്യ മോഡൽ
പുതിയ മഹീന്ദ്ര ഥാറില് നിന്ന് കടമെടുത്ത 4x4 സംവിധാനവുമായി 2021 സ്കോര്പിയോ എത്തുമെന്നാണ് ഇതിനര്ത്ഥം. ഈ വര്ഷം എപ്പോഴെങ്കിലും കമ്പനി പുതിയ തലമുറ സ്കോര്പിയോ അവതരിപ്പിക്കുമെന്ന് പ്രതീക്ഷിക്കുന്നു.
പുതിയ എസ്യുവിയുടെ ലോഞ്ചിന് മുന്നോടിയായി രാജ്യത്തിന്റെ വിവിധ ഇടങ്ങളില് വിവിധ സാഹചര്യങ്ങളില് വാഹനം പരീക്ഷിച്ച് വരികയാണ്. ഓരോ തവണയും, പരീക്ഷണ ചിത്രങ്ങള് പുറത്തുവരുമ്പോള് അടുത്ത തലമുറ സ്കോര്പിയോയില് പ്രതീക്ഷിക്കുന്ന പുതിയ സവിശേഷതകളും വ്യക്തമാകും.
അളവുകളില് നിന്ന് ആരംഭിച്ചാല്, 2121 സ്കോര്പിയോ നിലവിലുള്ള മോഡലിനെ അപേക്ഷിച്ച് ഒരു വലിയ മാറ്റങ്ങള് പ്രതീക്ഷിക്കാം. ഇത് എസ്യുവിയുടെ മൂന്നാം-നിര യാത്രക്കാര്ക്ക് കൂടുതല് ഇടം നല്കുന്നു. മൂന്നാം നിരയിലെ സീറ്റുകള് ന്യൂ-ജെന് മോഡലില് ഫോര്വേഡ് ഫേസിംഗ് സീറ്റുകള് നല്കാമെന്നും സൂചനയുണ്ട്.
പുതിയ-ജെന് സ്കോര്പിയോയിലെ ബാഹ്യ രൂപകല്പ്പന മാറ്റങ്ങളെക്കുറിച്ച് പറയുമ്പോള്, ഇത് ഒരു പുതിയ ഫ്രണ്ട് ഫാസിയ ഉപയോഗിച്ച് പരിഷ്കരിക്കും. പുതിയ ഗ്രില്, ഡിആര്എല്ലുകളുള്ള എല്ഇഡി ഹെഡ്ലാമ്പുകള്, എല്ഇഡി ടെയില്ലാമ്പുകള് എന്നിവ ഇതില് ഉള്പ്പെടുന്നു. പുതിയ അലോയ് വീലുകള്ക്കൊപ്പം രണ്ട് അറ്റത്തും പുതിയ ബമ്പര് ഡിസൈന് അവതരിപ്പിക്കുമെന്നും പ്രതീക്ഷിക്കുന്നു.
MOST READ: പുതിയൊരു ഹാച്ച്ബാക്കുമായി ടൊയോട്ട എത്തുന്നോ? അഗ്യ മോഡലിനായുള്ള പേറ്റന്റ് സ്വന്തമാക്കി
അകത്ത്, പുതിയ സ്കോര്പിയോയുടെ ക്യാബിന് പൂര്ണ്ണമായും മാറ്റം വരുത്തുമെന്ന് പ്രതീക്ഷിക്കുന്നു. ഒരു വലിയ ടച്ച്സ്ക്രീന് ഇന്ഫോടെയ്ന്മെന്റ് സിസ്റ്റം, മൗണ്ട് ചെയ്ത നിയന്ത്രണങ്ങളുള്ള ഫ്ലാറ്റ്-ബോട്ടം സ്റ്റിയറിംഗ് വീല്, സെമി ഡിജിറ്റല് ഇന്സ്ട്രുമെന്റ് ക്ലസ്റ്റര് എന്നിവ ലഭ്യമാക്കും. കൂടാതെ, ഡാഷ്ബോര്ഡ് രൂപകല്പ്പന XUV300-ല് കാണുന്നതിനോട് സമാനമാണ്.
വലിയ ഇന്ഫോടെയ്ന്മെന്റ് ഡിസ്പ്ലേ, വയര്ലെസ് സ്മാര്ട്ട്ഫോണ് സാങ്കേതികവിദ്യകളായ ആന്ഡ്രോയിഡ് ഓട്ടോ, ആപ്പിള് കാര്പ്ലേ, ബ്രാന്ഡിന്റെ കണക്റ്റുചെയ്ത സാങ്കേതികവിദ്യ എന്നിവയെ പിന്തുണയ്ക്കുമെന്ന് പ്രതീക്ഷിക്കുന്നു.
MOST READ: അന്താരാഷ്ട്ര വിപണിയോടും ഗുഡ്-ബൈ പറയാൻ പജേറോ, ഫൈനൽ എഡിഷൻ മോഡലുമായി മിത്സുബിഷി തയാർ
വയര്ലെസ് സ്മാര്ട്ട്ഫോണ് ചാര്ജിംഗ്, ക്ലൈമറ്റ് കണ്ട്രോള്, റിയര് എസി വെന്റുകള്, യുഎസ്ബി ചാര്ജിംഗ് സ്ലോട്ടുകള്, പവര്-ഓപ്പറേറ്റഡ് ഡ്രൈവര് സീറ്റ്, പനോരമിക് സണ്റൂഫ് എന്നിവ പുതുതലമുറ എസ്യുവിയില് പ്രതീക്ഷിക്കുന്ന മറ്റ് സവിശേഷതകളാണ്.
പുതുതലമുറ ഥാറില് നിന്ന് കടമെടുത്ത പെട്രോള്, ഡീസല് എഞ്ചിന് ഓപ്ഷനുകള് ഉപയോഗിച്ചാകും സ്കോര്പിയോയും വാഗ്ദാനം ചെയ്യുന്നത്. 2.0 ലിറ്റര് T-GDi ടര്ബോ പെട്രോള് യൂണിറ്റും 2.2 ലിറ്റര് 'എംഹോക്ക്' ഡീസല് യൂണിറ്റും ഇതില് ഉള്പ്പെടുന്നു. രണ്ട് എഞ്ചിനുകളും സ്റ്റാന്ഡേര്ഡായി മാനുവല് ഗിയര്ബോക്സും ഓപ്ഷണല് ടോര്ക്ക് കണ്വെര്ട്ടര് ഓട്ടോമാറ്റിക്കുമായി വരും.
Continue with Google