Click it and Unblock the Notifications
2030 ഓടെ പ്രധാന വിപണികളിലെല്ലാം ഇലക്ട്രിക് വാഹനം അവതരിപ്പിക്കാനൊരുങ്ങി നിസാന്
2050-ഓടെ കമ്പനിയുടെ പ്രവര്ത്തനങ്ങളിലും ഉത്പ്പന്ന നിരയിലുടനീളം കാര്ബണ് നിഷ്പക്ഷത കൈവരിക്കുമെന്ന് അറിയിച്ച് ജാപ്പനീസ് നിര്മ്മാതാക്കളായ നിസാന്.
ഈ ശ്രമത്തിന്റെ ഭാഗമായി, പ്രധാന വിപണികളില് എല്ലാം 2030-കളുടെ തുടക്കത്തില് മോഡലുകള് ഇലക്ടിക് പരിവേഷത്തിലേക്ക് മാറ്റുമെന്നും കമ്പനി അറിയിച്ചു. വൈദ്യുതീകരണത്തിലും നിര്മ്മാണ സാങ്കേതികവിദ്യയിലും കമ്പനി പുതുമകള് സൃഷ്ടിക്കും.
ചെലവ്-മത്സരാധിഷ്ഠിതവും കൂടുതല് കാര്യക്ഷമവുമായ ഇലക്ട്രിക് വാഹനങ്ങള് വികസിപ്പിക്കുന്നതിന് സോളിഡ്-സ്റ്റേറ്റ്, അനുബന്ധ സാങ്കേതികവിദ്യകള് ഉള്പ്പെടെയുള്ള ബാറ്ററി നവീകരണങ്ങളില് ഇത് നിക്ഷേപിക്കും.
MOST READ: ടൊയോട്ട ഹിലക്സ് പിക്കപ്പ് ട്രക്ക് യാഥാർഥ്യമാകുന്നു; അരങ്ങേറ്റം ഈ വർഷം പകുതിയോടെ
നിസാന്റെ ഇ-പവര് വൈദ്യുതീകരിച്ച പവര്ട്രെയിനുകളുടെ കൂടുതല് വികസനം കൂടുതല് ഊര്ജ്ജ കാര്യക്ഷമത കൈവരിക്കാന് സഹായിക്കും. പുനരുപയോഗ ഊര്ജ്ജ സ്രോതസ്സുകളുള്ള വൈദ്യുതി ഉല്പാദനം പിന്തുണയ്ക്കുന്നതിനായി ഒരു ബാറ്ററി ഇക്കോസിസ്റ്റം വികസിപ്പിക്കുന്നതിന് നിസാന് പ്രവര്ത്തിക്കും.
ദീര്ഘകാല കാര്ബണ് ന്യൂട്രാലിറ്റി അഭിലാഷങ്ങളെ പിന്തുണയ്ക്കുന്നതിനായി കൂടുതല് ഊര്ജ്ജവും ഭൗതിക കാര്യക്ഷമതക്കായും കമ്പനി പരിശ്രമിക്കും.
MOST READ: 2021 സ്പീഡ് ട്രിപ്പിള് 1200 RS ഇന്ത്യയില് അവതരിപ്പിച്ച് ട്രയംഫ്; വില 16.95 ലക്ഷം രൂപ
മലിനീകരണം കുറയ്ക്കുന്നതിനും പരിസ്ഥിതിക്കും സമൂഹത്തിനും പ്രയോജനം ചെയ്യുന്ന ഇലക്ട്രിക് വാഹന സാങ്കേതികവിദ്യകള് നല്കുന്നതിനും കമ്പനി പതിറ്റാണ്ടുകളായി തുടരുന്ന പദ്ധതിയാണിതെന്നും റിപ്പോര്ട്ടില് പറയുന്നു.
ഒരു കാര്ബണ് ന്യൂട്രല് സൊസൈറ്റി സൃഷ്ടിക്കുന്നതിനും കാലാവസ്ഥാ വ്യതിയാനത്തിനെതിരായ ആഗോള ശ്രമം ത്വരിതപ്പെടുത്തുന്നതിനും ഞങ്ങള് തീരുമാനിച്ചുവെന്നാണ് നിസാന് സിഇഒ മക്കോടോ ഉചിഡ വ്യക്തമാക്കിയത്.
MOST READ: ക്വിഡിനെ കൂടുതൽ ഉപഭോക്താക്കളിലേക്ക് എത്തിക്കാൻ റെനോ; കാണാം പുതിയ പരസ്യ വീഡിയോ
ലോകത്തിലെ ആദ്യത്തെ ബഹുജന മാര്ക്കറ്റ് ഇലക്ട്രിക് കാറാണ് നിസാന് ലീഫ്. സീറോ മലിനീകരണ വാഹനങ്ങളുടെ 500,000 യൂണിറ്റുകള് ഇന്നുവരെ വിറ്റഴിച്ചിരുന്നു.
ആഗോള വിപണിയില് ഇന്ന് ഏറ്റവും കൂടുതല് വിറ്റഴിക്കപ്പെടുന്ന ഇലക്ട്രിക് ഹാച്ച്ബാക്ക് മോഡല് കൂടിയാണ് ലീഫ്. ഒറ്റ ചാര്ജില് ഏകദേശം 400 കിലോമീറ്റര് ശ്രേണിയും മോഡലില് കമ്പനി വാഗ്ദാനം ചെയ്യുന്നുണ്ട്.
148 bhp കരുത്തും 320 Nm torque ഉം ഉത്പാദിപ്പിക്കുന്ന 40kWh ബാറ്ററിയാണ് വാഹനത്തിന് കരുത്ത്. സാധാരണ ചാര്ജിംഗ് 8 മുതല് 16 മണിക്കൂര് വരെ സമയമെടുക്കുമ്പോള് ഫാസ്റ്റ് ചാര്ജിംഗ് സംവിധാനത്തിലൂടെ 40 മിനിറ്റിനുള്ളില് 80 ശതമാനം വരെ ചാര്ജ് ചെയ്യാനും സാധിക്കുന്നു.
വ്യവസായ സഖ്യങ്ങളുമായും അധികാരികളുമായും അടിസ്ഥാന സൗകര്യങ്ങള് വികസിപ്പിക്കുന്നതിനും ഇലക്ട്രിക് വാഹനങ്ങളുടെ നേട്ടങ്ങളെക്കുറിച്ച് പൊതുജന അവബോധം വളര്ത്തുന്നതിനും ഇത് തുടരുകയാണെന്ന് കാര് നിര്മ്മാതാവ് പറയുന്നു.
Continue with Google