Click it and Unblock the Notifications
സ്കോഡ റാപ്പിഡിന് പിന്ഗാമി എത്തുന്നു; എതിരാളി ഹോണ്ട സിറ്റി
വര്ഷങ്ങളായി ഇന്ത്യന് വിപണിയില് സ്കോഡയുടെ വിശ്വസ്തനായ മോഡലാണ് റാപ്പിഡ്. എന്നാല് ഈ വര്ഷം ഫോക്സ്വാഗണനെ ഒപ്പം ചേര്ത്ത് നിരവധി പദ്ധതികളാണ് സ്കോഡ അണിയറയില് ഒരുക്കുന്നത്.
റാപ്പിഡിന്റെ പിന്ഗാമിയാകാന് തയ്യാറായ ഒരു പുതിയ സെഡാനില് കമ്പനി പ്രവര്ത്തിക്കുന്നുവെന്നാണ് റിപ്പോര്ട്ട്. ഈ വര്ഷം തന്നെ അത് പുറത്തിറക്കാന് സാധ്യതയുണ്ടെന്നും റിപ്പോര്ട്ടില് പറയുന്നു.
പുതിയ മോഡല് റാപ്പിഡിനേക്കാള് വലുതാണെന്നും പ്രീമിയത്തില് ഫീച്ചര്, സവിശേഷതകളോടെ വരുമെന്നും സ്കോഡ ഇന്ത്യ സെയില്സ് ആന്റ് മാര്ക്കറ്റിംഗ് ഡയറക്ടര് സാക് ഹോളിസ് സ്ഥിരീകരിച്ചു.
ഏകദേശം ഒരു പതിറ്റാണ്ടിനുശേഷം കോംപാക്ട് സെഡാന് വിഭാഗത്തില് സ്കോഡയുടെ ആദ്യ ഓഫറാണ് വരാനിരിക്കുന്ന ഈ മോഡല്. ക്രെറ്റ-എതിരാളിയായ കോംപാക്ട് എസ്യുവി, കുഷാഖ് പോലെ, ഇത് പുതിയ MQB A0 (IN) പ്ലാറ്റ്ഫോമിനെ അടിസ്ഥാനമാക്കിയുള്ളതായിരിക്കും.
കാര് നിര്മ്മാതാവിന് സെഡാനെ 'സ്ലാവിയ' എന്ന് വിളിച്ചേക്കാമെന്നും റിപ്പോര്ട്ടില് പറയുന്നു. കഴിഞ്ഞ വര്ഷം ഈ പേരില് നിര്മ്മാതാക്കള് വ്യാപാരമുദ്ര സമര്പ്പിച്ചിരുന്നു. നിലവില് റാപ്പിഡിന്റെ പ്രാരംഭ പതിപ്പിന് 7.79 ലക്ഷം രൂപയും ഉയര്ന്ന പതിപ്പിന് 13.29 ലക്ഷം രൂപയുമാണ് എക്സ്ഷോറൂം വില.
MOST READ: ടൂറിസ്റ്റ് വാഹനങ്ങൾക്ക് ഇനി ഓൾ ഇന്ത്യ പെർമിറ്റ് ഓൺലൈനായി നേടാം
എന്നാല് പുതിയ സെഡാന് 10 ലക്ഷം മുതല് 15 ലക്ഷം രൂപ വരെ പ്രീമിയത്തില് വില്പ്പനയ്ക്കെത്തും. സ്കോഡയുടെ പിന്ഗാമിക്കൊപ്പം ദ്രുതഗതിയില് വില്പ്പനയുണ്ടാകുമെന്ന് കണക്കാക്കുന്നുവെന്ന് കമ്പനി വക്താവ് വെളിപ്പെടുത്തി.
അഞ്ചാം തലമുറ ഹോണ്ട സിറ്റിയുടെ കാര്യത്തിലും ഇതുതന്നെയാണ് സംഭവിച്ചതെന്ന് സ്കോഡ ഓര്മ്മിപ്പിച്ചു. പുതിയ സിറ്റി, കൂടുതല് സവിശേഷതകള്, ഒരു ഡീസല് എഞ്ചിന്, കൂടുതല് വിശാലമായ ക്യാബിന് എന്നിവ ഉള്ക്കൊള്ളുന്ന ഉയര്ന്ന വിലയ്ക്ക് വില്പ്പനയ്ക്ക് എത്തി.
MOST READ: വരാനിരിക്കുന്ന സിട്രൺ C5 എയർക്രോസിലെ ചില കൗതുക സവിശേഷതകൾ
6 സ്പീഡ് മാനുവല്, ടോര്ക്ക് കണ്വെര്ട്ടര് ഓട്ടോമാറ്റിക് ട്രാന്സ്മിഷനുകളുമായി ജോടിയാക്കിയ 110 bhp കരുത്തും 175 Nm torque ഉം ഉത്പാദിപ്പിക്കുന്ന റാപ്പിഡിന്റെ 1.0 ലിറ്റര് ടര്ബോ-പെട്രോള് എഞ്ചിന് പുതിയ സ്കോഡ സെഡാനിലും ഇടംപിടിക്കുമെന്ന് പ്രതീക്ഷിക്കുന്നു.
ഇതിന് കുഷാഖിന്റെ 150 bhp കരുത്ത് സൃഷ്ടിക്കുന്ന 1.5 ലിറ്റര് ടര്ബോ-പെട്രോള് എഞ്ചിന് ലഭിക്കും. വിപണിയില് എത്തിയാല് ഹ്യുണ്ടായി വെര്ണ, മാരുതി സുസുക്കി സിയാസ്, ഫോക്സ്വാഗണ് വെന്റോ, ടൊയോട്ട യാരിസ് തുടങ്ങിയ കോംപാക്ട് സെഡാനുകളുമായി മത്സരിക്കും.
എന്നിരുന്നാലും, അതിന്റെ പ്രധാന എതിരാളികള് അഞ്ചാം തലമുറ ഹോണ്ട സിറ്റിയും വരാനിരിക്കുന്ന ഫോക്സ്വാഗണ് സെഡാനും ആയിരിക്കും (വെന്റോയുടെ പിന്ഗാമി).
Continue with Google