മോഡൽ Y എസ്‌യുവിയുടെ വിലകുറഞ്ഞ വേരിയന്റ് പുറത്തിറക്കി ടെസ്‌ല

പുതിയ സ്റ്റാൻഡേർഡ് റേഞ്ച് മോഡൽ Y -യുടെ വില 41,990 ഡോളറാണ്, കമ്പനിയുടെ വെബ്‌സൈറ്റ് പ്രകാരം ഇത് എൻട്രി ലെവൽ മോഡൽ 3 -യേക്കാൾ 4,000 ഡോളർ മാത്രം കൂടുതലാണ്.

ചെറിയ മോഡൽ 3 -ൽ നിന്നുള്ള ചാസി, ഇന്റീരിയർ, പവർട്രെയിൻ എന്നിവ ഉപയോഗിച്ച് 2021 ടെസ്‌ല മോഡൽ Y അധിക കാർഗോ സ്പെയ്സ്, ഓപ്ഷണൽ മൂന്നാം നിര സീറ്റുകൾ, എസ്‌യുവി സ്റ്റൈലിംഗ് എന്നിവ ബ്രാൻഡിന്റെ ഓഫറുകളുടെ താങ്ങാനാവുന്ന വശത്തേക്ക് ചേർക്കുന്നു.

MOST READ: പുതുക്കിയ വിലകൾ പ്രാബല്യത്തിൽ; മഹീന്ദ്ര മോഡലുകൾക്ക് 4,500 മുതൽ 40,000 രൂപ വരെ വർധിച്ചു

ഡ്യുവൽ ഓൺ-ബോർഡ് ഇലക്ട്രിക് മോട്ടോറുകളാണ് മോഡൽ Y -യുടെ ഹൃദയം, ഇവ മികച്ച പ്രകടനം കാഴ്ച്ചവെക്കുന്നു. അടിസ്ഥാന സ്റ്റാൻഡേർഡ് റേഞ്ച് മോഡലിന് റിയർ-വീൽ ഡ്രൈവ് സംവിധാനം ലഭിക്കുന്നു, എന്നാൽ ലോംഗ് റേഞ്ച്, പെർഫോമൻസ് മോഡലുകൾക്ക് ഓൾ-വീൽ ഡ്രൈവ് സ്റ്റാൻഡേർഡായി ലഭിക്കും.

പൂർണ്ണ ചാർജിൽ പരമാവധി 326 മൈൽ വരെ ഡ്രൈവിംഗ് ശ്രേണിയാണ് വാഹനം വാഗ്ദാനം ചെയ്യുന്നത്, കൂടുതൽ ചെലവേറിയ എതിരാളികളായ ഓഡി ഇ-ട്രോൺ, ജാഗ്വാർ ഐ-പേസ് എന്നിവ ഇതിലും കുറവ് ശ്രേണിയാണ് നൽകുന്നത്.

MOST READ: കളംനിറയാൻ ഹ്യുണ്ടായിയും; ജനുവരിയിൽ 1.50 ലക്ഷം രൂപ വരെയുള്ള കിടിലൻ ഓഫറുകൾ

അനുബന്ധ വാർത്തകളിൽ 2020 -ൽ 700 ശതമാനത്തിലധികം ഉയർന്ന കാർ നിർമാതാക്കളുടെ ഓഹരികൾ വെള്ളിയാഴ്ച്ച 5.0 ശതമാനം ഉയർന്ന് ഇപ്പോൾ 853.89 ഡോളറിലെത്തി.

ആമസോൺ.കോമിന്റെ ടോപ്പ് ബോസ് ജെഫ് ബെസോസിനെ മറികടന്ന് ലോകത്തെ ഏറ്റവും ധനികനായ വ്യക്തിയായി മാറാൻ ടെസ്‌ലയുടെ സ്ട്രാറ്റോസ്ഫെറിക് റാലി ചീഫ് എക്‌സിക്യൂട്ടീവ് ഓഫീസർ എലോൺ മസ്‌ക്കിനെ ഇത് സഹായിച്ചതായി ബ്ലൂംബർഗ് ന്യൂസ് റിപ്പോർട്ട് ചെയ്തു.

MOST READ: ഡെലിവറി ശൃംഖല മെച്ചപ്പെടുത്താൻ 11 ബോയിംഗ് ജെറ്റുകൾ സ്വന്തമാക്കി ആമസോൺ

വ്യാഴാഴ്ച്ച കമ്പനിയുടെ ഓഹരികൾ 8.0 ശതമാനം ഉയർന്ന് 816.04 ഡോളറിലെത്തിയിരുന്നു. വിപണി മൂലധനം 774 ബില്യൺ ഡോളറിലെത്തി വാൾസ്ട്രീറ്റിലെ അഞ്ചാമത്തെ ഏറ്റവും മൂല്യവത്തായ കമ്പനിയായി ടെസ്‌ല മാറി.

ടെസ്‌ലയുടെ പുതിയ മോഡൽ Y വേരിയന്റുകൾ, 2020 വാഹന ഡെലിവറികൾക്കായി വാൾസ്ട്രീറ്റ് ടാർഗെറ്റുകളെ മറികടന്ന് ദിവസങ്ങൾ കഴിഞ്ഞാണ് എത്തുന്നത്. ഇലക്ട്രിക് വാഹനങ്ങളിലേക്കുള്ള ചുവടുമാറ്റം ക്രമാതീതമായി ഉയരുമ്പോഴും അരദശലക്ഷം ഡെലിവറികൾ എന്ന ലക്ഷ്യം കമ്പനിക്ക് നിറവേറ്റാൻ കഴിഞ്ഞില്ല.