ഫൈബർഗ്ലാസിൽ നിർമിച്ച എസ്‌യുവി, പരിചയപ്പെടാം വാലിസ് ഐറിസിനെ

ടുണീഷ്യ പോലുള്ള രാജ്യങ്ങളിൽ ഒരു കാർ വാങ്ങുന്നത് ഇപ്പോഴും സാധാരണ പൗരന്മാരുടെ സ്വപ്നമാണ്. രാജ്യത്തിന് സ്വന്തമായി ഉത്‌പാദന ശേഷി ഇല്ലാത്തതിനാൽ തന്നെ ടുണീഷ്യൻ റോഡുകളിൽ ഓടുന്ന മിക്കവാറും എല്ലാ വാഹനങ്ങളും നേരിട്ടുള്ള ഇറക്കുമതികളാണ്.

അതിനാൽ തന്നെ ഇറക്കുമതി ചെയ്യുന്ന എല്ലാ വാഹനങ്ങൾക്കും സർക്കാർ കനത്ത നികുതിയുമാണ് ചുമത്തുന്നത്. അതിനാൽ തന്നെ രാജ്യത്തെ കൂടുതൽ ആളുകളും യൂസ്ഡ് കാർ വിപണിയെയാണ് ആശ്രയിക്കുന്നത്.

MOST READ: ലൈസൻസും രജിസ്ട്രേഷനുമില്ലാതെ ഓടിക്കാവുന്ന ഇലക്‌ട്രിക് സ്‌കൂട്ടറുകൾ

എന്നാൽ ടുണീഷ്യയിലെ ഒരു ആഭ്യന്തര നിർമാതാക്കളായ വാലിസ് കാർ രാജ്യത്തെ സാധാരണക്കാരിലെ സ്വപ്നത്തെ യാഥാർഥ്യമാക്കാൻ ഒരുങ്ങുകയാണ്. അതിന്റെ ഭാഗമായി കമ്പനി ഐറിസ് എന്ന പേരിൽ ഒരു പുതിയ കോം‌പാക്‌ട് എസ്‌യുവി അവതരിപ്പിച്ചിരിക്കുകയാണ്.

രാജ്യത്തെ ഏറ്റവും വിലകുറഞ്ഞ കാർ എന്ന ഖ്യാതിയോടെയാണ് വാലിസ് കാർ വിപണിയിൽ എത്തുന്നത്. ഏകദേശം 13,000 ഡോളറാണ് എസ്‌യുവിയുടെ വില. അതായത് ഏകദേശം 9.70 ലക്ഷം രൂപ. ഈ എസ്‌യുവി പൂർണമായും കൈകൊണ്ട് നിർമിച്ചതാണെന്നതും ശ്രദ്ധേയം.

MOST READ: ദീപാവലിക്ക് മുമ്പ് നിരത്തിലെത്താൻ ഒരുങ്ങുന്നത് ടാറ്റയുടെ പുതിയ 7 കാറുകൾ

കാറിന്റെ മുഴുവൻ ചെലവും ഫ്രാൻസിൽ നിന്നും ഇറക്കുമതി ചെയ്ത അതിന്റെ എഞ്ചിനിലേക്കാണ് മുടക്കിയിരിക്കുന്നത്. കാറിന്റെ ബോഡി വർക്ക് മുഴുവനും ഫൈബർഗ്ലാസിൽ നിന്നാണ് നിർമിച്ചിരിക്കുന്നത്.

പരിമിതമായ ബജറ്റ് വിലയിരുത്തിയാൽ ഗുണനിലവാരം കെട്ടിപ്പടുക്കുന്നത് കാറിൽ സാധ്യമായ ഒന്നല്ലെന്ന് എളുപ്പത്തിൽ അനുമാനിക്കാം. എന്നിരുന്നാലും അധിക വില ചെലവഴിക്കാൻ തയാറുള്ളവർക്ക് മാത്രം നിരവധി സവിശേഷതകൾ ഓപ്ഷണൽ ആക്സസറികളായി വാഗ്ദാനം ചെയ്യുന്നതിലൂടെ വാലിസ് ഐറിസ് മികച്ച തീരുമാനത്തിലെത്തി.

MOST READ: തെരഞ്ഞെടുത്ത മോഡലുകളിൽ കിടിലൻ ഓഫറുകളുമായി ടാറ്റ മോട്ടോർസ്

എൽഇഡി ഹെഡ്‌ലൈറ്റുകൾ, എൽഇഡി ഫോഗ് ലൈറ്റുകൾ, റിയർ പാർക്കിംഗ് സെൻസറുകൾ, റിയർവ്യൂ ക്യാമറ, 16 ഇഞ്ച് അലോയ് വീലുകൾ എന്നിവ വാഹനത്തിന്റെ പുറംമോടിയിൽ കമ്പനി കൂട്ടിച്ചേർത്തിട്ടുണ്ട്. അവയിൽ മിക്കതും ഓപ്ഷണൽ പാക്കേജിന്റെ ഭാഗമാണ്.

ചാസി ഗാൽവാനൈസ്ഡ് സ്റ്റീൽ കൊണ്ടാണ് നിർമിച്ചിരിക്കുന്നത്. മേൽക്കൂര പൂർണമായും ഗ്ലാസിലാണ് പൂർത്തിയാക്കിയിരിക്കുന്നത്. അതിനാൽ വേനൽക്കാലത്ത് ഇത് വളരെ ബുദ്ധിമുട്ടുണ്ടാക്കിയേക്കാം. രണ്ട് സീറ്റ് അല്ലെങ്കിൽ നാല് സീറ്റ് കോൺഫിഗറേഷനിൽ എസ്‌യുവി തെരഞ്ഞെടുക്കാനും സാധിക്കും.

1.2 സിലിണ്ടർ 3 സിലിണ്ടർ നാച്ചുറലി ആസ്പിറേറ്റഡ് എഞ്ചിനാണ് വാലിസ് ഐറിസിന് തുടിപ്പേകുന്നത്. 5 സ്പീഡ് മാനുവൽ ഗിയർബോക്സുമായി ജോടിയാക്കിയിരിക്കുന്ന എഞ്ചിൻ പരമാവധി 82 bhp കരുത്ത് ഉത്പാദിപ്പിക്കാൻ പ്രാപ്തമാണ്. ഏകദേശം 15.4 കിലോമീറ്റർ ഇന്ധനക്ഷമത നൽകുന്ന കാറിന് 158 കിലോമീറ്റർ വേഗത കൈവരിക്കാനും 13.2 സെക്കൻഡിനുള്ളിൽ 0-60 മൈൽ വേഗത കൈവരിക്കാനും കഴിയും.

Image Courtesy: Business Insider