Creta എസ്‌യുവിയുടെ SX വേരിയന്റിനെ നവീകരിച്ച് Hyundai; പുതിയ മാറ്റം ഇങ്ങനെ

ക്രെറ്റ ലൈനപ്പിലെ രണ്ടാമത്തെ ടോപ്പ്-സ്പെക്ക് വേരിയന്റിനെ പുതിയ ഫീച്ചർ ഓൺബോർഡ് ഉപയോഗിച്ച് ഹ്യുണ്ടായി വിവേകപൂർവം നവീകരിച്ചിരിക്കുകയാണ് ഹ്യുണ്ടായി. മിഡ്-സൈസ് എസ്‌യുവിയുടെ ലൈനപ്പിലെ രണ്ടാമത്തെ ഏറ്റവും പ്രീമിയം വേരിയന്റായ SX പതിപ്പിൽ ഒരു അധിക സവിശേഷത കൂട്ടിച്ചേർത്താണ് കമ്പനി ഇപ്പോൾ മുന്നോട്ടു വന്നിരിക്കുന്നത്.

ക്രെറ്റയുടെ SX വേരിയന്റിൽ പുതിയ പാക്കേജിൽ അപ്‌ഡേറ്റുകൾ കൂടുതലും ക്യാബിനിനുള്ളിൽ ലഭ്യമായ സവിശേഷതകളുമായാണ് ബന്ധപ്പെട്ടിരിക്കുന്നത്. ഇന്ത്യൻ പാസഞ്ചർ വാഹന വിപണിയിൽ മത്സരം അടുത്ത കാലത്തായി വ്യാപകമാണ്. പ്രത്യേകിച്ച് എസ്‌യുവി സെഗ്‌മെന്റുകളിൽ. അതിനാൽ ഫീച്ചർ അപ്‌ഡേറ്റുകൾ നൽകിക്കൊണ്ട് അല്ലെങ്കിൽ ചില പ്രത്യേക പതിപ്പ് മോഡലുകൾ അവതരിപ്പിച്ചുകൊണ്ട് വാഹന നിർമാതാക്കൾ തങ്ങളുടെ ഉൽപ്പന്ന ലൈനപ്പ് പുതുക്കാൻ തയാറാവുകയാണ്.

ഈ സാഹചര്യത്തിൽ കൊറിയൻ കാർ ബ്രാൻഡ് ക്രെറ്റ എസ്‌യുവിയുടെ ഡ്രൈവർ ഡിസ്പ്ലേയിൽ ഒരു സെമി-ഡിജിറ്റൽ ഇൻസ്ട്രുമെന്റ് കൺസോൾ ചേർത്താണ് പുതിയ പരിഷ്ക്കരണം നടപ്പിലാക്കിയത്. അത് ടോപ്പ് SX ഓപ്ഷൻ വേരിയന്റിൽ നിന്ന് കടമെടുത്തതാണ് വരുന്നത് എന്നതും ശ്രദ്ധേയമാണ്. താഴ്ന്ന വേരിയന്റുകളിൽ കാണുന്ന അനലോഗ് ക്ലസ്റ്ററിനെ ഇത് മാറ്റിസ്ഥാപിച്ചിട്ടുണ്ട്.

ഇത് കൂടാതെ SX വേരിയന്റിന്റെ ഫീച്ചർ ലിസ്റ്റ് മാറ്റമില്ലാതെ തുടരുന്നു. എസ്‌യുവിയുടെ ടോപ്പ്-എൻഡ് വേരിയന്റിൽ ലഭ്യമായ വെന്റിലേറ്റഡ് ഫ്രണ്ട് സീറ്റുകൾ, ഓട്ടോ-ഡിമ്മിംഗ് ഐആർവിഎമ്മുകൾ, ലെതർ അപ്ഹോൾസ്റ്ററി എന്നിവ പോലുള്ള ചില രസകരമായ ഫീച്ചറുകൾ ഈ വേരിയന്റി നഷ്‌ടപ്പെടുത്തുന്നു എന്നതും ശ്രദ്ധേയമാണ്.

ചില ഫീച്ചർ സൗകര്യങ്ങൾ ഒഴികെ ആൻഡ്രോയിഡ് ഓട്ടോ, ആപ്പിൾ കാർപ്ലേ എന്നിവ ഉപയോഗിച്ച് പ്രവർത്തനക്ഷമമാക്കിയ 10.25 ഇഞ്ച് ടച്ച്‌സ്‌ക്രീൻ ഇൻഫോടെയ്ൻമെന്റ് ഡിസ്‌പ്ലേ, ഓട്ടോമാറ്റിക് ക്ലൈമറ്റ് കൺട്രോൾ, എഞ്ചിൻ സ്റ്റാർട്ട്/സ്റ്റോപ്പ് ബട്ടൺ, പവർ അഡ്ജസ്റ്റ് ചെയ്യാവുന്ന ORVM-കൾ, മൾട്ടിഫങ്ഷൻ സ്റ്റിയറിംഗ് വീൽ എന്നിവ പോലുള്ള ഫീച്ചറുകൾ ക്രെറ്റയുടെ SX വകഭേദങ്ങളിലും വളരെ മികച്ചതാണ്.

ഒരു പിൻ പാർക്കിംഗ് ക്യാമറ വരെ ക്രെറ്റയുടെ ഈ വേരിയന്റിൽ ലഭ്യമാണ്. മാത്രമല്ല വാഹനത്തിന്റെ സുരക്ഷക്കായി ഡ്യുവൽ എയർബാഗുകൾ, ഇബിഡി ഉള്ള എബിഎസ്, ISOFIX ചൈൽഡ് സീറ്റ് മൗണ്ടുകൾ, ESC മുതലായ സുരക്ഷാ ഫീച്ചറുകളാണ് ഇതിൽ രാജ്യത്തെ ഏറ്റവും വലിയ രണ്ടാമത്തെ വാഹന നിർമാതാക്കളായ ഹ്യുണ്ടായി സജ്ജീകരിച്ചിരിക്കുന്നത്.

1.5 ലിറ്റർ നാച്ചുറലി ആസ്പിറേറ്റഡ് പെട്രോൾ യൂണിറ്റ്, 1.5 ലിറ്റർ CRDi ഡീസൽ, 1.4 ലിറ്റർ GDi ടർബോ പെട്രോൾ എന്നിവയുൾപ്പെടെ മൂന്ന് എഞ്ചിൻ ഓപ്ഷനുകളിലും ക്രെറ്റയുടെ SX വേരിന്റ് ഉപഭോക്താക്കൾക്ക് തെരഞ്ഞെടുക്കാം. 1.5 ലിറ്റർ പെട്രോളിലും ഡീസലിലും ആറ് സ്പീഡ് മാനുവൽ ഗിയർബോക്‌സ് സ്റ്റാൻഡേർഡായി വാഗ്ദാനം ചെയ്യുന്നു.

ക്രെറ്റയുടെ 1.5 ലിറ്റർ പെട്രോൾ യൂണിറ്റിന് സിവിടി ഓട്ടോമാറ്റിക് ഗിയർബോക്‌സും ഓയിൽ ബർണറിന് 6 സ്പീഡ് ടോർഖ് കൺവെർട്ടർ ഗിയർബോക്‌സിനൊപ്പം ലഭ്യമാണ്. മറുവശത്ത് ടർബോചാർജ്ഡ് പെട്രോൾ മോട്ടോർ 7 സ്പീഡ് ഡിസിടി ഓട്ടോമാറ്റിക് ഗിയർബോക്സിൽ മാത്രമായി പരിമിതപ്പെടുത്തിയിരിക്കുകയാണ് ഹ്യുണ്ടായി.

ഫാന്റം ബ്ലാക്ക്, പോളാർ വൈറ്റ്, ടൈഫൂൺ സിൽവർ, റെഡ് മൾബറി, ടൈറ്റൻ ഗ്രേ എന്നിവയുൾപ്പെടെ അഞ്ച് കളർ ഓപ്ഷനുകളിലാണ് ഹ്യുണ്ടായി ക്രെറ്റ SX വേരിയന്റ് കമ്പനി വാഗ്ദാനം ചെയ്യുന്നത്. 2020 ഓട്ടോ എക്‌സ്‌പോയിൽ പുറത്തിറക്കിയ ക്രെറ്റയുടെ രണ്ടാംതലമുറ മോഡൽ 7 ലക്ഷം യൂണിറ്റുകളോളമാണ് ഈ രണ്ട് വർഷ കാലയളവിൽ വിറ്റഴിച്ചിരിക്കുന്നത്.

നിലവിൽ 10.22 ലക്ഷം മുതൽ 17.93 ലക്ഷം രൂപ വരെ എക്‌സ്‌ഷോറൂം വിലയുള്ള ഹ്യുണ്ടായി ക്രെറ്റ ഇന്ത്യയിലെ എസ്‌യുവി വിപണിയിൽ കിയ സെല്‍റ്റോസ്, നിസാന്‍ കിക്ക്‌സ്, റെനോ ഡസ്റ്റര്‍ എന്നീ കൊലകൊമ്പൻമാരുമായാണ് നേരിട്ട് മത്സരിക്കുന്നത്. അതേസമയം എംജി ഹെക്ടര്‍, ടാറ്റ ഹാരിയര്‍ എന്നിവയുടെ എൻട്രി ലെവൽ വേരിയന്റുകളും ക്രെറ്റയുടെ എതിരാളികളാണ്.

ഈ വർഷം അവസാനത്തോടെയോ അല്ലെങ്കിൽ അടുത്ത വർഷം തുടക്കത്തോടെയോ എസ്‌യുവിയുടെ മുഖംമിനുക്കിയ ഫെയ്‌സ്‌ലിഫ്റ്റ് പതിപ്പിനെയും ഹ്യുണ്ടായി ഇന്ത്യയിൽ അവതരിപ്പിക്കും. കഴിഞ്ഞ വർഷം അവസാനം 2021ഗൈക്കിൻഡോ ഇന്തോനേഷ്യ ഇന്റർനാഷണൽ ഓട്ടോ ഷോയിൽ പുതുക്കിയ മോഡലിനെ കമ്പനി പരിചയപ്പെടുത്തിയിരുന്നു.

വരാനിരിക്കുന്ന ഹ്യുണ്ടായി ക്രെറ്റ ഫെയ്‌സ്‌ലിഫ്റ്റ് ആഗോളതലത്തിൽ കമ്പനി പിന്തുടരുന്ന ഏറ്റവും പുതിയ സെൻസസ് സ്‌പോർട്ടിനസ് ഡിസൈൻ ഭാഷ്യത്തിലാണ് അണിഞ്ഞൊരുങ്ങിയിരിക്കുന്നത്. നിലവിലെ പതിപ്പിനേക്കാൾ കൂടുതൽ സ്പോർട്ടിയർ ഭാവത്തിലാണ് വരവെന്ന് ചുരുക്കി പറയാം.