Click it and Unblock the Notifications
XUV700-യുടെ ഡീസല് AWD മോഡലുകള് തിരിച്ച് വിളിച്ച് Mahindra; കാരണം ഇതാണ്
XUV700 ഒരുപക്ഷേ ഇതുവരെ മഹീന്ദ്ര വിപണിയില് എത്തിച്ചതില് ഏറ്റവും ഹിറ്റായ വാഹനമായിരിക്കാം, വിപണിയില് എത്തിയതുമുതല് വലിയ ജനപ്രീതിയാണ് വാഹനത്തിന് ലഭിക്കുന്നത്. അനുദിനം ജനപ്രീതി വര്ധിച്ചതോടെ ഉല്പ്പാദനം അതിനൊപ്പം കൊണ്ടുപോകാന് പോലും മഹീന്ദ്രയ്ക്ക് കഴിയുന്നില്ലെന്ന് വേണം പറയാന്.
വില്പ്പന ചാര്ട്ടുകള് പരിശോധിക്കുമ്പോള്, ഇത് പ്രതിമാസം 6,000 യൂണിറ്റുകള് മാത്രമാണ് വില്ക്കുന്നത്. പ്രതിമാസം 9,000 മുതല് 10,000 എന്ന നിരക്കില് പുതിയ ബുക്കിംഗുകള് ഉള്ളതിനാല്, കാത്തിരിപ്പ് വര്ദ്ധിക്കുന്നത് തുടരുകയും ചെയ്യുന്നു. തിരഞ്ഞെടുത്ത വകഭേദങ്ങള്ക്കായി XUV700-ന് 2 വര്ഷം വരെ കാത്തിരിപ്പ് കാലയളവുണ്ടെന്നും ചില ഡീലര്ഷിപ്പുകള് വ്യക്തമാക്കുകയും ചെയ്യുന്നു.
ഉല്പ്പാദനവും ഡെലിവറിയും കൈകാര്യം ചെയ്യുന്നതിനിടയില്, മഹീന്ദ്ര അടുത്തിടെ XUV700-യുടെ AWD മോഡലുകളുമായി ബന്ധപ്പെട്ട് ഒരു തിരിച്ചുവിളിക്കല് നടത്തിയിരിക്കുകയാണ്. ഇതാദ്യമായാണ് മഹീന്ദ്രയില് നിന്ന് XUV700 തിരിച്ചുവിളിക്കുന്നത്.
XUV700-ന് ഡീസല് എഞ്ചിനുകള്ക്കൊപ്പം AWD വേരിയന്റുകളും ലഭിക്കുന്നു, ഈ AWD വേരിയന്റുകള് മാത്രമാണ് തിരിച്ചുവിളിക്കുന്നത്, ബാക്കി വേരിയന്റ് ലൈനപ്പല്ലെന്നും കമ്പനി വ്യക്തമാക്കിയിട്ടുണ്ട്. രണ്ട് എഞ്ചിന് ഓപ്ഷനുകളിലാണ് XUV700 വാഗ്ദാനം ചെയ്യുന്നത്.
2.0 ലിറ്റര് പെട്രോളും 2.2 ലിറ്റര് ഡീസലും. ഈ രണ്ട് എഞ്ചിനുകളും മറ്റ് മഹീന്ദ്ര ഉല്പ്പന്നങ്ങളായ സ്കോര്പിയോ N, ഥാര് എന്നിവയിലും കമ്പനി നല്കിയിട്ടുണ്ട്. പെട്രോള് എഞ്ചിന് 5,000 rpm-ല് 197 bhp കരുത്തും 1,750 rpm-ല് 380 Nm ടോര്ക്കും ഉല്പ്പാദിപ്പിക്കുകയും 6-സ്പീഡ് മാനുവല് അല്ലെങ്കില് 6-സ്പീഡ് ഓട്ടോമാറ്റിക് ട്രാന്സ്മിഷനുമായി ബന്ധിപ്പിച്ചിരിക്കുന്നു.
MOST READ: വിമാന പറത്തുമ്പോൾ മഴ പെയ്താൽ ഇടാൻ വൈപ്പർ ഉണ്ടോ? കൺഫ്യൂഷനുണ്ടോ...വരൂ തീർത്തുകളയാം
ഡീസല് എഞ്ചിന് താഴ്ന്ന വേരിയന്റുകളില് 3,750 rpm-ല് 153 bhp കരുത്തും 1,500 rpm-ല് 360 Nm ടോര്ക്കും ഉല്പ്പാദിപ്പിക്കുകയും ഉയര്ന്ന വേരിയന്റുകളില് 3,500 rpm-ല് 182 bhp പവറും 1,600 rpm-ല് 420 Nm ടോര്ക്കും സൃഷ്ടിക്കുകയും ചെയ്യുന്നു. ഇത് 6-സ്പീഡ് മാനുവല് അല്ലെങ്കില് 6-സ്പീഡ് ഓട്ടോമാറ്റിക് ട്രാന്സ്മിഷനുമായി ബന്ധിപ്പിച്ചിരിക്കുന്നു.
ഓട്ടോമാറ്റിക് ട്രാന്സ്മിഷനോട് കൂടിയ ടോപ്പ്-സ്പെക്ക് AX 7 വേരിയന്റില് ഉയര്ന്ന ഔട്ട്പുട്ട് ഉള്ള ഈ ഡീസല് എഞ്ചിനുമായി മാത്രമേ AWD സിസ്റ്റം ഘടിപ്പിച്ചിട്ടുള്ളൂ.
MOST READ: വീഴ്വേൻ എൻട്ര് നിനൈത്തായോ? ജൂൺ വിൽപ്പനയിൽ മിന്നി തിളങ്ങിയ സെഡാനുകൾ
ഫലത്തില്, AWD സിസ്റ്റത്തില് AX 7 ഡീസല് AT AWD 7 STR ഉം AX 7 ഡീസല് AT AWD ലക്ഷ്വറി പാക്ക് 7 STR ഉം മാത്രമേ സജ്ജീകരിച്ചിട്ടുള്ളൂ. മഹീന്ദ്ര അടുത്തിടെ പുറത്തിറക്കിയ തിരിച്ചുവിളിക്കലിന് വിധേയമായിരിക്കുന്നത് ഈ രണ്ട് വകഭേദങ്ങള് മാത്രമാണ്.
ഈ തിരിച്ചുവിളിച്ച വാഹനങ്ങളുടെ കൃത്യമായ എണ്ണം കമ്പനി ഇതുവരെ വെളിപ്പെടുത്തിയിട്ടില്ല. എന്നാല് ഇത് മഹീന്ദ്രയുടെ നിര്ണായക സര്വീസ് നടപടിയായാണ് പുറപ്പെടുവിച്ചിരിക്കുന്നത്. പ്രത്യക്ഷത്തില്, എഞ്ചിനെ റിയര് ആക്സിലുമായി ബന്ധിപ്പിക്കുന്ന പ്രൊപ്പല്ലര് ഷാഫ്റ്റ് തകരാറിലായതാണ് ഈ തിരിച്ചുവിളിക്കലിന് കാരണമെന്ന് പറയപ്പെടുന്നു.
MOST READ: ബജാജ് ഇലക്ട്രിക് സ്കൂട്ടറിന് കൂടുതൽ മുടക്കേണ്ടി വരും; ചേതക് ഇവിയുടെ വില വർധിപ്പിച്ചു
മുകളില് സൂചിപ്പിച്ച AWD വേരിയന്റുകളുള്ള ഉപഭോക്താക്കള്ക്ക് അവരുടെ വാഹനം അടുത്തുള്ള മഹീന്ദ്ര സര്വീസ് സെന്ററിലേക്ക് കൊണ്ടുപോയി ഈ പ്രശ്നം പരിശോധിക്കാവുന്നതാണ്. സര്വീസ് സെന്ററില് എത്തിക്കഴിഞ്ഞാല്, പ്രൊപ്പല്ലര് ഷാഫ്റ്റ് പിടിച്ചിരിക്കുന്ന ബോള്ട്ടുകളുമായി ബന്ധപ്പെട്ട ഒരു പരിശോധന സര്വീസ് ടീം നടത്തും.
പരിശോധനയ്ക്ക് ശേഷം, ബോള്ട്ടുകള് പുതിയവ ഉപയോഗിച്ച് മാറ്റിസ്ഥാപിക്കണമെങ്കില്, അവ മാറ്റി നല്കുമെന്നും റിപ്പോര്ട്ടില് പറയുന്നു. എന്താണ് സംഭവിച്ചതെന്ന് മഹീന്ദ്ര വ്യക്തമാക്കിയിട്ടില്ല. എന്നാല് ഒരു നിര്ണായക സേവന നടപടിയായി അവര് ഈ തിരിച്ചുവിളിക്കല് പുറപ്പെടുവിച്ചതിനാല്, അത് എന്തെങ്കിലും പ്രധാനമായിരിക്കാമെന്ന് നമുക്ക് ഊഹിക്കാം.
ഇതുവരെ, ഈ തിരിച്ചുവിളിക്കലിന് പിന്നില് കണ്ടെത്താനും ചൂണ്ടിക്കാണിക്കാനും കഴിയുന്ന സംഭവങ്ങളൊന്നും ഉണ്ടായിട്ടില്ല. ഇത്തരത്തില് എന്തെങ്കിലും പ്രശ്നങ്ങള് സംഭവിക്കുന്നതിന് മുമ്പ് മഹീന്ദ്ര പ്രവര്ത്തിച്ച് തുടങ്ങിയതാകമെന്നും റിപ്പോര്ട്ടില് പറയുന്നു. കൂടുതല് വിവരങ്ങള് വരും ദിവസങ്ങളില് പുറത്തുവരുമെന്നാണ് പ്രതീക്ഷിക്കുന്നത്.
Source: teambhp
Continue with Google