ഇന്ത്യൻ വിപണിയിൽ അരങ്ങേറ്റത്തിനൊരുങ്ങി സിറ്റിക്യു ഇലക്ട്രിക്

വ്യക്തിഗത ഉപയോഗത്തിന് ഒരു പതിപ്പും വാണിജ്യ ആപ്ലിക്കേഷനുകൾക്കായി കാർഗോ വേരിയന്റുമായി ഇബൈക്കിന്റെ രണ്ട് പതിപ്പുകൾ വിപണിയിൽ എത്തുമെന്ന് പ്രതീക്ഷിക്കുന്നു.

ഇലക്ട്രിക് വെഹിക്കിൾ വെബ്.ഇൻ പുറത്തുവിട്ട റിപ്പോർട്ടിൽ സിറ്റിക്യു സ്ഥാപകനും സിഇഒയുമായ മോർട്ടൻ റൈനിംഗ്, കമ്പനി ഇന്ത്യൻ വിപണിയിൽ പ്രവേശിക്കാൻ ആഗ്രഹിക്കുന്നുവെന്ന് സ്ഥിരീകരിച്ചു.

MOST READ: എക്സിഗ് സ്‌പോർട്‌സ്കാറിന്റെ സ്പെഷ്യൽ എഡിഷൻ അവതരിപ്പിച്ച് ലോട്ടസ്

ഇന്ത്യയിലെ ഇബൈക്കിന്റെ പ്രാദേശിക നിർമ്മാണത്തിനായി നിലവിൽ ലൈസൻസിംഗ് പങ്കാളിയെ തിരയുകയാണ്. ഇലക്ട്രിക് ക്വാഡ്രിസൈക്കിളിന് ആകർഷകമായ വില നിശ്ചയിക്കാൻ ഇത് കമ്പനിയെ സഹായിക്കും.

ഫോർ വീലർ, ടൂ-വീലർ കമ്മ്യൂണിറ്റികളിൽ നിന്നുള്ള വിദഗ്ധരുമായും അന്താരാഷ്ട്ര പങ്കാളികളുമായും കമ്പനി ഉൽപ്പന്നം വികസിപ്പിച്ചുകൊണ്ടിരിക്കുന്നു. ഒരു കാറിന് സമാനമായി പ്രവർത്തിക്കാനാണ് വാഹനം രൂപകൽപ്പന ചെയ്തിരിക്കുന്നത്.

MOST READ: രണ്ടും കല്‍പ്പിച്ച് എംജി; ഗ്ലോസ്റ്ററിന്റെ ടീസര്‍ ചിത്രവും വെബ്‌സൈറ്റില്‍ പങ്കുവെച്ചു

സിറ്റിക്യു ഇബൈക്കിൽ പെഡലുകൾ ഫീച്ചർ ചെയ്യുന്നു, പക്ഷേ വീലുകൾക്ക് ശക്തി പകരാൻ ഒരു ചെയിൻ ഡ്രൈവ് സംവിധാനം അവതരിപ്പിക്കുന്നില്ല. പകരം, പവർ ട്രാൻസ്മിഷനെ സഹായിക്കാൻ കമ്പനി സോഫ്റ്റ്‌വെയർ ഉപയോഗിക്കുന്നു. സാധാരണ തെയ്മാനങ്ങൾക്ക് വിധേയമായ മെക്കാനിക്കൽ ഘടകങ്ങളുടെ ഉപയോഗവും ഇത് ഒഴിവാക്കുന്നു.

റിവേർസ്, ക്രൂയിസ് കൺട്രോൾ, റീജനറേറ്റിംഗ് ബ്രേക്കുകൾ, ഹെവി കാർഗോ മോഡ്, ഓട്ടോമാറ്റിക് ഗിയറിംഗ് എന്നിവ പോലുള്ള നിരവധി ഡ്രൈവ് മോഡുകളും ഇതിലുണ്ട്.

MOST READ: സമൂഹ മാധ്യമങ്ങളിൽ ഹിറ്റായി ലൂസിഫർ മാതൃകയിൽ നിർമ്മിച്ച കുഞ്ഞൻ നെടുംമ്പള്ളി ജീപ്പ്

ഇലക്ട്രിക്-ക്വാഡ്രിസൈക്കിളിൽ ഇബൈക്ക് തുറക്കാനും ലോക്കുചെയ്യാനും ട്രാക്കുചെയ്യാനും റെന്റിന് കൊടുക്കാനുമുള്ള ഒരു സ്മാർട്ട്‌ഫോൺ ആപ്ലിക്കേഷനും ഉണ്ട്.

സിറ്റിക്യു ഇബൈക്കിലെ പവർട്രെയിനിനെക്കുറിച്ച് പറയുമ്പോൾ, 800W ലിഥിയം പോളിമർ ബാറ്ററി പായ്ക്കിലേക്ക് ജോടിയാക്കിയ രണ്ട്-വശങ്ങളുള്ള 48V / 125W ഇലക്ട്രിക് മോട്ടോറുകൾ ഇതിൽ ഉൾക്കൊള്ളുന്നു.

MOST READ: കോംപാക്ട് എസ്‌യുവി ശ്രേണിയിലേക്ക് ജീപ്പ് ഉടനില്ല, പുത്തൻ മോഡലിന്റെ അരങ്ങേറ്റം 2022-ൽ

ഒരൊറ്റ ചാർജിൽ നിന്ന് 70 കിലോമീറ്റർ മുതൽ 100 ​​കിലോമീറ്റർ വരെ മൈലേജ് വാഹനം അവകാശപ്പെടുന്നു. കൂടാതെ ഇലക്ട്രിക്-ക്വാഡ്രിസൈക്കിളിന്റെ പരമാവധി വേഗത മണിക്കൂറിൽ 25 കിലോമീറ്ററായി പരിമിതപ്പെടുത്തിയിരിക്കുന്നു.

ഭാഗികമായോ പൂർണ്ണമായോ മൂടുന്ന ചുറ്റിക്കങ്ങുന്ന സൈഡ് ഡോറുകൾ, യാത്രക്കാരെ കയറ്റാനുള്ള ശേഷി, കുട്ടികൾക്കുള്ള പിൻ സീറ്റ്, ഒരു സ്റ്റോറേജ് കമ്പാർട്ട്മെന്റ്, വ്യത്യസ്ഥ കാലാവസ്ഥകളിൽ നിന്ന് സംരക്ഷണത്തിനായി ഒരു ക്യാബിൻ എന്നിവ ഇബൈക്കിന്റെ സവിശേഷതയാണ്. 70 കിലോഗ്രാം ഭാരം, 20 ഇഞ്ച് വീലുകളുള്ള ഒരു കോമ്പോസിറ്റ്, അലുമിനിയം ചേസിസ് എന്നിവ ഉൾക്കൊള്ളുന്നു.

നോർ‌വേയിലെ സിറ്റിക്യൂവിനായി വില ആരംഭിക്കുന്നത് 7,450 യൂറോയിൽ നിന്നാണ്, ഇത് ഏകദേശം 6.3 ലക്ഷം രൂപയോളം വരും. എന്നിരുന്നാലും ഇന്ത്യയിൽ ലോവർ വേരിയന്റുകൾ അവതരിപ്പിക്കാൻ ഒരുങ്ങുന്നതായി കമ്പനി അറിയിച്ചു. ഒരു മാസത്തിനുള്ളിൽ കമ്പനിക്ക് 500 പ്രീഓർഡർ റിക്വസ്റ്റുകൾ ലഭിച്ചു.