ഹീറോയുമായുള്ള പങ്കാളിത്തം; പുതിയ പരസ്യ ക്യാമ്പയിനുമായി ഹാർലി ഡേവിഡ്‌സൺ

വിസ്കോൺ‌സിൻ ആസ്ഥാനമായുള്ള ബൈക്ക് നിർമാതാക്കളായ മിൽ‌വാക്കിക്ക് ഇന്ത്യയിൽ കാര്യമായ പുരോഗതിയൊന്നും ഉണ്ടായിരുന്നില്ല. തുടർന്നാണ് പിൻമാറ്റത്തിനായി കമ്പനി നീക്കങ്ങൾ തുടങ്ങിയത്.

എന്നാൽ ഉടകളിൽ നിന്നും ഡീലർമാരിൽ നിന്നും ശക്തമായ എതിർപ്പുകൾ ഉടലെടുത്തതിനെ തുടർന്ന് ഹാർലി ഹീറോയുമായി സഹകരിച്ച് ഇന്ത്യയിൽ പ്രവർത്തിക്കാനുള്ള തീരുമാനം കൈക്കൊണ്ടു.

MOST READ: കവസാക്കി ബൈക്കുകൾക്കും വില കൂടും; വർധനവ് 10,000 രൂപ മുതൽ

ഹീറോ മോട്ടോകോർപ്പുമായുള്ള നോൺ ഇക്വിറ്റി പങ്കാളിത്തത്തിന്റെ ഭാഗമായി HD ബാനറിൽ ഹാർലി മോഡലുകൾ വിൽക്കും. അതിന്റെ ഭാഗമായി ഹാർലി-ഡേവിഡ്സൺ ഇന്ത്യ "എച്ച്-ഡി ഇന്ത്യ ഫോറെവർ" എന്നൊരു വീഡിയോ പുറത്തിറക്കി.

വാങ്ങുന്നവർക്കിടയിൽ കെട്ടിച്ചമച്ച സാഹോദര്യത്തിലേക്കും സൗഹൃദത്തിലേക്കുമാണ് വീഡിയോ വിരൽ ചൂണ്ടുന്നത്. 118 വർഷങ്ങൾ പഴക്കമുള്ളതാണ് ഹാർലി-ഡേവിഡ്‌സണിന്റെ പാരമ്പര്യം. 4.69 ലക്ഷം മുതൽ 18.25 ലക്ഷം രൂപ വരെയുള്ള ശ്രേണിയിൽ 10 മോഡലുകളാണ് കമ്പനി നിരയിലുള്ളത്.

MOST READ: പുതിയ 310 സിസി മോട്ടോർസൈക്കിൾ പുറത്തിറക്കാനൊരുങ്ങി ടിവിഎസ്

ഏറ്റവും ജനപ്രിയ മോഡലുകൾ ആരംഭിക്കുന്നത് വിലകുറഞ്ഞ സ്ട്രീറ്റ് 750 ൽ നിന്നാണ്. ഈ മോഡലിന് 4.69 ലക്ഷം രൂപയാണ് ഇന്ത്യയിലെ എക്സ്ഷോറൂം വില. 9.38 ലക്ഷം രൂപയിൽ അയൺ മാൻ, 10.61 ലക്ഷം രൂപയ്ക്ക് 48, ഏറ്റവും വിലയേറിയ ഫാറ്റ് ബോയ് 18.25 ലക്ഷം രൂപ എന്നിങ്ങനെയാണ് വില.

പുതിയ വിലനിർണയം 2021 ജനുവരി ഒന്നു മുതൽ പ്രഖ്യാപിക്കും. ഹാര്‍ലി ബൈക്കുകളുടെ സർവീസിംഗ്, പാര്‍ട്‌സുകൾ, ആക്സെസറികൾ, റൈഡിംഗ് ഗിയറുകൾ എന്നിവ ഹീറോയുടെ തെരഞ്ഞെടുക്കപ്പെട്ട ഔട്ട്‌ലെറ്റുകളിലൂടെയാകും ഇനി ലഭിക്കുക.

MOST READ: MVD ഉദ്യോഗസ്ഥർക്ക് പ്രിയങ്കരനായി ടാറ്റ നെക്സോൺ ഇവി

ഇരു കമ്പനികളും ഇക്കാര്യത്തില്‍ ധാരണയായതായി അമേരിക്കൻ പ്രീമിയം മോട്ടോർസൈക്കിൾ നിർമാതാക്കൾ അടുത്തിടെ ഔദ്യോഗികമായി പ്രഖ്യാപിച്ചിരുന്നു. പദ്ധതി പ്രകാരം ഹാർലി-ഡേവിഡ്‌സണിന്റെ ഇന്ത്യയിലെ പ്രവർത്തനം തുടരുമെന്ന് വ്യക്തമാക്കുന്നു.

അതോടൊപ്പം ഹാർലി ഓണേഴ്‌സ് ഗ്രൂപ്പ് (HOG) പ്രവർത്തനങ്ങളും പുനരാരംഭിക്കുകയാണ് ഹാർലി ലക്ഷ്യമിടുന്നത് എന്നതും ശ്രദ്ധേയമാണ്. അപ്‌ഡേറ്റുകൾ ലഭ്യമാകുമ്പോൾ റൈഡേഴ്‌സിനെ അറിയിക്കുമെന്നും അമേരിക്കൻ മോട്ടോർസൈക്കിൾ നിർമാതാക്കൾ അറിയിച്ചിട്ടുണ്ട്.

നിലവിലെ ഹാർലി-ഡേവിഡ്‌സൺ ഡീലർമാർ 2020 ഡിസംബർ 31 വരെ പ്രവർത്തനം തുടരും. തുടർന്നാകും പുതിയ ഡീലർഷിപ്പുകളും സർവീസ് പോയിന്റുകളും ബ്രാൻഡ് പ്രഖ്യാപിക്കുക.

1903 ല്‍ അമേരിക്കയിലെ വിസ്‌കോണ്‍സ് നഗരത്തിലെ മില്‍വാക്കിയില്‍ സ്ഥാപിതമായ ബൈക്ക് നിര്‍മാണ കമ്പനിയാണ് ഹാര്‍ലി. സാമ്പത്തികമാന്ദ്യത്തെ അതിജീവിച്ച രണ്ട് പ്രധാന അമേരിക്കന്‍ മോട്ടോര്‍സൈക്കിള്‍ ബ്രാൻഡുകളിൽ ഒന്നാണിത്. മറ്റൊന്ന് ഇന്ത്യൻ മോട്ടോർസൈക്കിൾസ് ആയിരുന്നു.