ബെവര്‍ലിയുടെ നവീകരിച്ച മോഡലിനെ വെളിപ്പെടുത്തി പിയാജിയോ

നവീകരിച്ച 2021 മോഡലില്‍ പുതിയ സ്‌റ്റൈലിംഗ്, കൂടുതല്‍ സാങ്കേതികവും പുതുക്കിയ ചേസിസ് ഭാഗങ്ങളും ഉപയോഗിച്ചാണ് പിയാജിയോ ബെവര്‍ലി സ്‌കൂട്ടര്‍ ശ്രേണി അപ്ഡേറ്റ് ചെയ്തിരിക്കുന്നത്.

300 സിസി അല്ലെങ്കില്‍ 400 സിസി ഫോര്‍-വാല്‍വ് സിംഗിള്‍ സിലിണ്ടര്‍ എഞ്ചിനുകളില്‍ വാഗ്ദാനം ചെയ്യുന്ന സ്‌കൂട്ടര്‍ സ്റ്റാന്‍ഡേര്‍ഡ്, സ്പോര്‍ട്ടിയര്‍ ബെവര്‍ലി S മോഡലുകളില്‍ ലഭ്യമാണ്.

MOST READ: ഇലക്‌ട്രിക് പരിവേഷമണിയാൻ ടാറ്റ നാനോ; ആദ്യ പരീക്ഷണ ചിത്രങ്ങൾ പുറത്ത്

വെസ്പയുടെയും അപ്രീലിയായുടെയും മാതൃ കമ്പനിയാണ് പിയാജിയോ. ഇറ്റലിയില്‍ സ്വന്തമായി സ്‌കൂട്ടറുകളും ബ്രാന്‍ഡ് വാഗ്ദാനം ചെയ്യുന്നു. അവ വളരെ ജനപ്രിയമാണ്, മാത്രമല്ല കൂടുതല്‍ സമകാലിക സ്‌റ്റൈലിംഗുമായിട്ടാണ് ഈ മോഡലുകള്‍ വരുന്നത്.

പുതിയ 300 സിസി ലിക്വിഡ്-കൂള്‍ഡ് ഫ്യുവല്‍ ഇഞ്ചക്ഡ് എഞ്ചിന്‍ 8,000 rpm-ല്‍ 25.5 bhp കരുത്ത് ഉത്പാദിപ്പിക്കുന്നു. നിലവിലെ മോഡലിനെ അപേക്ഷിച്ച് 23 ശതമാനമാണ് കരുത്ത് വര്‍ദ്ധിപ്പിച്ചിരിക്കുന്നത്.

MOST READ: 2022 ഓടെ റഷ്യയില്‍ കാറുകള്‍ വില്‍ക്കുന്നത് നിര്‍ത്താനൊരുങ്ങി ഹോണ്ട

പരമാവധി ടോര്‍ക്ക് ഇപ്പോള്‍ 6,250 rpm-ല്‍ 26 Nm ആണ്. ഇത് നിലവില്‍ വിപണിയില്‍ ഉള്ള മോഡലിനേക്കാള്‍ 15 ശതമാനം വര്‍ദ്ധനവ് നേടുന്നുവെന്നും കമ്പനി അറിയിച്ചു.

പുതിയ 400 സിസി എഞ്ചിന്‍ 7,500 rpm-ല്‍ 34.9 bhp കരുത്തും 5,500 rpm-ല്‍ 37.69 Nm torque ഉം സൃഷ്ടിക്കുന്നു. പുതുക്കിയ സ്റ്റീല്‍ ട്യൂബുലാര്‍ ഫ്രെയിമിനൊപ്പം പുതിയ 35 mm ക്രമീകരിക്കാവുന്ന ഷോവ ഫോര്‍ക്കുകളും അഞ്ച് ഘട്ട പ്രീ-ലോഡ് ക്രമീകരിക്കാവുന്ന ഡ്യുവല്‍ ഷോക്കുകളും ഉള്‍പ്പെടുത്തിയാണ് പുതിയ മോഡല്‍ വില്‍പ്പനയ്ക്ക് എത്തുക.

MOST READ: ആറ്, ഏഴ് സീറ്റർ ഓപ്ഷനുകളിൽ ഗ്രാവിറ്റാസ് എത്തും; വിപണിയിലേക്ക് ഏപ്രിലിൽ

ഭാരം കുറഞ്ഞ അലോയ് ആണ് റിംസ്, 16 ഇഞ്ച് ഫ്രണ്ട് വീലും 14 ഇഞ്ച് പിന്‍ ചക്രവുമുള്ള ഏഴ് സ്‌പോക്ക് ഡിസൈന്‍ ഇതിന് ലഭിക്കും. ബോഡി വര്‍ക്ക് ഗ്ലോസ്സ് അല്ലെങ്കില്‍ മാറ്റ് ഫിനിഷ് നിറങ്ങളില്‍ സ്‌കൂട്ടര്‍ ലഭ്യമാകും.

കൂടാതെ സ്‌കൂട്ടറുകള്‍ക്ക് ഇപ്പോള്‍ എല്‍ഇഡി ലൈറ്റിംഗ്, കീലെസ് ഇഗ്‌നിഷന്‍, 5.5 ഇഞ്ച് എല്‍സിഡി ഡിസ്‌പ്ലേ എന്നിവയും മൊബൈല്‍ ഫോണ്‍ കണക്റ്റിവിറ്റിയും ലഭിക്കുന്നു.

MOST READ: ബിഎസ് VI യൂണികോണിനും ക്യാഷ്ബാക്ക് ഓഫറുമായി ഹോണ്ട

കീ ഫോബ് റിമോര്‍ട്ട് ഫ്യുവല്‍ ലിഡ് ഓപ്പണിംഗ്, സീറ്റ് ലോക്ക്, സ്റ്റിയറിംഗ് ലോക്ക് എന്നിവയും വാഗ്ദാനം ചെയ്യുന്നു. സ്റ്റാന്‍ഡേര്‍ഡ് വേരിയന്റും S വേരിയന്റും തമ്മിലുള്ള ഏറ്റവും വ്യത്യസ്തമായ വ്യത്യാസങ്ങള്‍ S-ലെ വിന്‍ഡ്സ്‌ക്രീന്‍, വ്യത്യസ്ത കളര്‍ ചോയ്സുകള്‍, മാറ്റ് ഫിനിഷുകള്‍, റിംസിന്റെ നിറം എന്നിവയാണ്.

ഇതുവരെ, മോഡലുകളുടെ വിലകള്‍ പിയാജിയോ പ്രഖ്യാപിച്ചിട്ടില്ല. ബെവര്‍ലി പോലുള്ള ഒരു സ്‌കൂട്ടര്‍ ഇന്ത്യയില്‍ അവതരിപ്പിക്കാന്‍ സാധ്യതയില്ലെന്നും റിപ്പോര്‍ട്ടില്‍ പറയുന്നു.