Just In
- 45 min ago സ്റ്റെഡി ലൈക്ക് എ വടി! 3 വർഷം തുടർച്ചയായി മികച്ച നേട്ടം; ഇന്ത്യയിൽ മാഗ്നൈറ്റുമായി നാഴികക്കലുകൾ കീഴടക്കി നിസാൻ
- 1 hr ago ചുവപ്പ് മാത്രമല്ല, 'വെള്ള' കണ്ടാലും കലിപ്പ്! വൈറ്റ് എല്ഇഡി ലൈറ്റുള്ള വാഹനങ്ങള്ക്ക് പണി കിട്ടും
- 1 hr ago ആഡംബര കാറിനായി മുടക്കിയത് 1.50 കോടി രൂപ, ചലിക്കുന്ന കൊട്ടാരം സ്വന്തമാക്കി ഹിന്ദി സിനിമയുടെ 'വിക്കി ഡോണർ'
- 2 hrs ago ഏപ്രിൽ 30 മുതൽ ഈ മോഡലുകൾക്ക് വില കൂടുന്നുണ്ടേ, ഇഷ്ടവാഹനം സ്വന്തമാക്കാൻ സുവർണാവസരം
Don't Miss
- Movies ഞാന് കെട്ടാന് ആഗ്രഹിച്ചിരുന്ന കുട്ടിയാണ്, വിവാഹിതയായെങ്കില് അണ്ഫോളോ ചെയ്യുന്നു! അപര്ണയോട് ആരാധകര്
- Technology തീ തുപ്പും തുപ്പാക്കി പോലെ ഉശിരന്മാർ! റിയൽമി നാർസോ 70x 5ജിയും നാർസോ 70 5ജിയും എത്തി
- Lifestyle ചര്മ്മത്തിലെ വെളുത്ത പാടുകള് കൂടുന്നോ? വെള്ളപ്പാണ്ട് അല്ല, പക്ഷേ ശ്രദ്ധിക്കണം
- Sports IPL 2024: ജയം തുടരാന് ഡല്ഹി, കണക്കുവീട്ടാന് ഗുജറാത്ത്; ടോസ് 7 മണിക്ക്
- News സത്യത്തില് ആര് തമ്മിലാണ് മല്സരം; സംശയം തീരാതെ നേതാക്കള്, ശശി തരൂരിന്റെ മറുപടി വൈറല്
- Finance ഏത് പൊതുമേഖലാ ഓഹരി വാങ്ങണം, ഐആർസിടിസിയും കൊച്ചിൻ ഷിപ്പ്യാർഡും നേട്ടം നൽകുമോ, വിശദമായി അറിയാം
- Travel ട്രെയിനുമുണ്ട്, ടിക്കറ്റുമുണ്ട്, വോട്ട് ചെയ്യാൻ നാട്ടിൽ വരാം... മടക്ക യാത്രയ്ക്കും തീവണ്ടി
ഗ്രോം മങ്കി ബൈക്കിനായുള്ള പേറ്റന്റ് നേടി ഹോണ്ട; ഒരുങ്ങുന്നത് നവിയുടെ കരുത്തുറ്റ മോഡലോ?
വർഷങ്ങളായി ഹോണ്ട ഇന്ത്യയിൽ അവതരിപ്പിക്കുമെന്ന് പ്രതീക്ഷിച്ചിരിക്കുന്ന മോഡലാണ് ഗ്രോം. പല തവണ വാഹനം എത്തുമെന്ന റിപ്പോർട്ടുകൾ പുറത്തുവന്നെങ്കിലും ഇതൊന്നും യാഥാർഥ്യമായില്ല.
എന്നാൽ പുതിയ റിപ്പോർട്ടുകൾ പ്രകാരം സ്കൂട്ടർ ശൈലിയിലുള്ള ഗ്രോം ബൈക്കിനായി ഹോണ്ട പേറ്റന്റ് സമർപ്പിച്ചിരിക്കുകയാണ്. പുതിയ സാങ്കേതികവിദ്യകൾക്കും വരാനിരിക്കുന്ന ഉൽപ്പന്നങ്ങൾക്കുമായി കമ്പനികൾ പേറ്റന്റ് നൽകുന്നത് പതിവാണ്.
എന്നിരുന്നാലും ഇവയെല്ലാം യാഥാർഥ്യമാകണമെന്നുമില്ല. കുറച്ച് വർഷങ്ങൾക്ക് മുമ്പ് ഗ്രോമിനായുള്ള പേറ്റന്റ് കമ്പനി നേടിയിരുന്നെങ്കിലും നവി എന്ന മോഡലാണ് വിപണിയിൽ എത്തിയത്.
MOST READ: പുതിയ ബിഗ്സ്റ്റർ കൺസെപ്റ്റ് അവതരിപ്പിച്ച് ഡാസിയ
എന്നാൽ വീണ്ടും പ്രതീക്ഷ നൽകി ഇന്ത്യയിലെ ഏറ്റവും പുതിയ ആവർത്തനത്തിനായി കമ്പനി വീണ്ടും പേറ്റന്റ് ഫയൽ ചെയ്തിരിക്കുകയാണ്. ഹോണ്ട ഇന്ത്യയിലെ നവി മോണിക്കറെ പുനരുജ്ജീവിപ്പിക്കാനുള്ള ഒരു ചെറിയ സാധ്യതയാണ് ഇതിലൂടെ തെളിയുന്നത്.
2016 ഓട്ടോ എക്സ്പോയിലാണ് നവിയെ കമ്പനി പ്രദർശിപ്പിക്കുന്നത്. വളരെ കൗതുകമായ ശൈലിയുള്ള മോഡൽ ഏറെ ശ്രദ്ധനേടുകയും ചെയ്തു. എന്നിരുന്നാലും വിൽപനയ്ക്ക് എത്തിയപ്പോൾ ആ താളം കണ്ടെത്താൻ നവിക്ക് സാധിച്ചതുമില്ല.
MOST READ: അരീന ഉപഭോക്താക്കള്ക്കായി സ്മാര്ട്ട് ഫിനാന്സ് പ്ലാറ്റ്ഫോം അവതരിപ്പിച്ച് മാരുതി
കർശനമായ മലിനീകരണ മാനദണ്ഡങ്ങൾ നടപ്പിലാക്കുന്നതിന് മുന്നോടിയായി കഴിഞ്ഞ വർഷം ആദ്യം ഹോണ്ട ഇന്ത്യയുടെ നിരയിൽ നവി കളമൊഴിഞ്ഞു. എന്നാൽ കയറ്റുമതി വിപണികൾക്കായി ഹോണ്ട നവിയുടെ നിർമ്മാണം ഇന്ത്യയിൽ തുടരുകയാണ്.
ആക്ടിവയിൽ നിന്ന് കടമെടുത്ത 110 സിസി എഞ്ചിനാണ് നവി ഉപയോഗിച്ചിരുന്നത്. ഇത് 8,000 rpm-ൽ 7.8 bhp കരുത്തും 5,500 rpm-ൽ 8.96 Nm torque ഉം ഉത്പാദിപ്പിക്കാൻ ശേഷിയുള്ളതായിരുന്നു. ഒരു സിവിടി ഗിയർബോക്സുമായാണ് എഞ്ചിൻ ജോടിയാക്കിയിരുന്നത്.
18 നും 25 നും ഇടയിൽ പ്രായമുള്ള ഒരു ചെറിയ ഉപഭോക്താക്കളെയാണ് നവി ലക്ഷ്യമിട്ടത്. അതിനാൽ ലഡാക്ക് ബ്രൗൺ, സ്പാർക്കി ഓറഞ്ച്, ബ്ലാകക്, ശാസ്ത വൈറ്റ്, റേഞ്ചർ ഗ്രീൻ, പാട്രിയറ്റ് റെഡ് എന്നിങ്ങനെ നിരവധി വർണാഭമായ കളർ ഓപ്ഷനുകളിൽ മങ്കി ബൈക്ക് ഒരുങ്ങി.
മെക്കാനിക്കലുകളുടെ കാര്യത്തിൽ മങ്കി ബൈക്കിൽ ടെലിസ്കോപ്പിക് ഫോർക്കുകൾ മുന്നിലും ഒരു ഹൈഡ്രോളിക് മോണോ ഷോക്ക് പിന്നിലും ഇടംപിടിച്ചു. 12 ഇഞ്ച് ഫ്രണ്ട്, 10 ഇഞ്ച് വീലുകളിൽ ഇരുവശത്തും ഡ്രം ബ്രേക്കുകളുപയോഗിച്ചാണ് നവി നിരത്തിലെത്തിയിരുന്നത്.
ഓട്ടോമാറ്റിക് ട്രാൻസ്മിഷനോടുകൂടിയ അപൂർവ ബൈക്കുകളിൽ ഒന്നായിരുന്നു ഇത്. നവിയെ ഇന്ത്യയിലേക്ക് തിരികെ കൊണ്ടുവരാൻ ഹോണ്ട തീരുമാനിക്കുകയാണെങ്കിൽ ആക്ടിവ 125-ൽ നിന്നുള്ള 124 സിസി യൂണിറ്റ് സജ്ജീകരിച്ചാൽ മികച്ച വിൽപ്പന കണക്കുകൾ നേടിയെടുക്കാൻ ബ്രാൻഡിന് സാധിച്ചേക്കും.