Click it and Unblock the Notifications
മീറ്റിയര് 350 ഫിലിപ്പൈന്സ് വിപണിയില് അവതരിപ്പിച്ച് റോയല് എന്ഫീല്ഡ്
ജനപ്രീയ മോഡലായ മീറ്റിയര് 350-യെ ഫിലിപ്പൈന്സ് വിപണിയില് അവതരിപ്പിച്ച് നിര്മ്മാതാക്കളായ റോയല് എന്ഫീല്ഡ്. PHP 232,000 ആണ് ആരംഭ മോഡലിന്റെ വില. ഏകദേശം 3.45 ലക്ഷം രൂപ.
350 സിസി മോട്ടോര്സൈക്കിളിന്റെ മൂന്ന് വേരിയന്റുകളും (ഫയര്ബോള്, സ്റ്റെല്ലാര്, സൂപ്പര്നോവ) വിപണിയില് വില്പ്പനയ്ക്ക് എത്തുമെന്നും കമ്പനി അറിയിച്ചു. റോയല് എന്ഫീല്ഡ് മീറ്റിയര് 350 കഴിഞ്ഞ നവംബറില് ഇന്ത്യയില് അവതരിപ്പിച്ചു.
അതേ മാസം തന്നെ ചെന്നൈ ആസ്ഥാനമായുള്ള കമ്പനി തായ്ലന്ഡില് ഈ പതിപ്പിനെ പുറത്തിറക്കി. മോട്ടോര് സൈക്കിള് ഡിസംബറില് യൂറോപ്യന് വിപണിയിലേക്കും പ്രവേശിച്ചു, ഇപ്പോള് ഇതാ ഫിലിപ്പൈന്സിലും ലഭ്യമാക്കിയിരിക്കുകയാണ് നിര്മ്മാതാക്കള്.
MOST READ: ടൈഗൂണ് പ്രൊഡക്ഷന് പതിപ്പിനെ അവതരിപ്പിക്കുന്ന തീയതി വെളിപ്പെടുത്തി ഫോക്സ്വാഗണ്
ഫയര്ബോള് വേരിയന്റിനായി PHP 232,000 (ഏകദേശം 3.45 ലക്ഷം രൂപ), സ്റ്റെല്ലറിന് PHP 242,000 (ഏകദേശം 3.60 ലക്ഷം രൂപ), റേഞ്ച്-ടോപ്പിംഗ് സൂപ്പര്നോവ മോഡലിന് PHP 252,000 (3.75 ലക്ഷം രൂപ) എന്നിങ്ങനെയാണ് വിപണയിലെ വില.
ബൈക്കിന് കരുത്ത് നല്കുന്നത് ഒരു പുതിയ 349 സിസി സിംഗിള് സിലിണ്ടര് എഞ്ചിനാണ്. ഇത് 20.2 bhp പരമാവധി പവറും 27 Nm torque ഉം ആണ് ഉത്പാദിപ്പിക്കുന്നത്. അഞ്ച് സ്പീഡാണ് ഗിയര്ബോക്സ്.
MOST READ: മിലിറ്ററി തീം ഫ്രീഡം എഡിഷനുമായി 2021 ജീപ്പ് ചെറോക്കി
പഴയ 350 സിസി എഞ്ചിനുകളില് കമ്പനി ഉപയോഗിച്ചിരുന്ന പരമ്പരാഗത പുഷ്റോഡ് സംവിധാനമല്ല ഇത് ഒരു നൂതന SOHC സജ്ജീകരണമാണ് ഉപയോഗിക്കുന്നത്. പുതിയ മീറ്റിയര് 350-ലെ വൈബ്രേഷന് ലെവലുകള് നന്നായി നിയന്ത്രിച്ചിരിക്കുന്നു.
ട്രിപ്പര് നാവിഗേഷന് സംവിധാനമാണ് റോയല് എന്ഫീല്ഡ് മീറ്റിയര് 350 മോട്ടോര്സൈക്കിളിന്റെ സവിശേഷതകളിലൊന്ന്. ഈ സവിശേഷത ലഭിക്കുന്ന കമ്പനിയുടെ ആദ്യ മോഡലാണിത്.
MOST READ: I-പേസ് ഇലക്ട്രിക് എസ്യുവിയെ അവതരിപ്പിച്ച് ജാഗ്വര്; വില 1.05 കോടി രൂപ
പ്രാഥമിക ഉപകരണ ക്ലസ്റ്ററിനടുത്തായി സ്ഥിതിചെയ്യുന്ന ഒരു ചെറിയ സ്ക്രീനാണ് ട്രിപ്പര് നാവിഗേഷന്. ഉപയോക്താക്കള്ക്ക് അവരുടെ സ്മാര്ട്ട്ഫോണുകള് ബ്ലൂടൂത്ത് വഴി കണക്റ്റുചെയ്യാനും ടേണ്-ബൈ-ടേണ് നാവിഗേഷനില് നിന്ന് പ്രയോജനം നേടുന്നതിന് റോയല് എന്ഫീല്ഡ് മൊബൈല് ആപ്ലിക്കേഷന് ഉപയോഗിക്കാനും കഴിയും.
ഫിലിപ്പൈന്സ് വിപണിയില് എത്തുന്ന മോഡലും ഇന്ത്യന് പതിപ്പിന് സമാനമായിരിക്കും. മോട്ടോര്സൈക്കിളിനെ കൂടുതല് കര്ക്കശവും സുസ്ഥിരവുമാക്കി മാറ്റുന്ന എന്വിഎച്ച് ലെവലുകള്ക്കൊപ്പം മെച്ചപ്പെട്ട രീതിയില് കൈകാര്യം ചെയ്യുന്നതിനായി ഒരു പുതിയ ഇരട്ട-തൊട്ടില് ഫ്രെയിമിലാണ് നിര്മ്മാണം.
MOST READ: കൈഗറിനായി ഇനി അധികം മുടക്കേണ്ടി വരും; ഏപ്രിലിൽ വില വർധിക്കുമെന്ന് റെനോ
മോട്ടോര് സൈക്കിളിലെ സസ്പെന്ഷന് ഡ്യൂട്ടികള് കൈകാര്യം ചെയ്യുന്നത് മുന്വശത്ത് 41 mm ടെലിസ്കോപ്പിക് യൂണിറ്റാണ്, 130 mm പിന്-പ്രീലോഡിനായി 6-ഘട്ട ക്രമീകരണക്ഷമതയുള്ള ഇരട്ട-ഷോക്ക് സജ്ജീകരണം പിന്നിലും ലഭിക്കുന്നു.
പരമ്പരാഗത ബോക്സ് തരത്തിലുള്ള സ്വിംഗാര്മാണ് മോട്ടോര്സൈക്കിളിന്റെ സവിശേഷത. മുന്നില് രണ്ട് പിസ്റ്റണ് ഫ്ലോട്ടിംഗ് കാലിപ്പര് ഉള്ള 300 mm ഡിസ്ക് ബ്രേക്കും പിന്നില് സിംഗിള് പിസ്റ്റണ് ഫ്ലോട്ടിംഗ് കോളിപ്പറുള്ള 260 mm ഡിസ്ക് ബ്രേക്കും സുരക്ഷയ്ക്കായി നല്കിയിട്ടുണ്ട്. സ്റ്റാന്ഡേര്ഡായി ഡ്യുവല് ചാനല് എബിഎസും മോട്ടോര്സൈക്കിളില് ഉണ്ട്.
Continue with Google