Click it and Unblock the Notifications
'ഡിസൈര് വന്നപ്പോ ഇങ്ങനെയെങ്കില്, സ്വിഫ്റ്റ് എത്തുമ്പോ സ്ഥിതി എന്താകും'; ചരിത്രം കുറിച്ച് മാരുതി
പുതുതലമുറ മാരുതി ഡിസൈറിന്റെ വരവ്, മാരുതിയുടെ തലവര തന്നെ മാറ്റിയിരിക്കുകയാണ്. 'ഡിസൈര് വന്നപ്പോള് ഇങ്ങനെയെങ്കില്, സ്വിഫ്റ്റ് എത്തുമ്പോ എന്താകും അവസ്ഥ' - മാരുതിയുടെ പോക്ക് കണ്ട് അമ്പരന്ന് നില്ക്കുകയാണ് എതിരാളികള്.
ഇന്ത്യയില് ഏറ്റവുമധികം വില്ക്കപ്പെടുന്ന കാര് എന്ന പദവി കൈക്കലാക്കിയ പുതുതലമുറ ഡിസൈര്, പിന്നാലെ മറ്റൊരു പൊന്കിരീടം കൂടി ശിരസില് അണിഞ്ഞിരിക്കുകയാണ്.
ഇന്ത്യന് വാഹന ചരിത്രത്തില് അതിവേഗം ഒരു ലക്ഷം യൂണിറ്റുകളുടെ വില്പന പിന്നിട്ട കാര് എന്ന റെക്കോര്ഡ്, പുതുതലമുറ മാരുതി ഡിസൈര് സ്വന്തമാക്കി. കേവലം അഞ്ചര മാസം കൊണ്ടാണ് ഡിസൈര് ഈ നേട്ടം കൈവരിച്ചത്.
പുതുതലമുറ മാരുതി ഡിസൈര്, മാരുതിയുടെ യശസ്സ് പതിന്മടങ്ങ് ഉയര്ത്തിയിരിക്കുകയാണെന്ന് മാരുതി സുസൂക്കി ഇന്ത്യ സീനിയര് എക്സിക്യൂട്ടീവ് ഡയറക്ടര് ആര് എസ് ഖല്സി അഭിപ്രായപ്പെട്ടു.
സ്വിഫ്റ്റ് ബ്രാന്ഡിംഗ് ഉപേക്ഷിച്ച് ഒരുങ്ങിയ മാരുതി ഡിസൈര് ചെറിയ കാലയളവ് കൊണ്ട് തന്നെ വന്പ്രചാരം നേടിയെടുത്തു എന്നത് ശ്രദ്ധേയം.
ഉത്സവകാലം പ്രമാണിച്ച് ഡിസൈറിന് മേലുള്ള ബുക്കിംഗ് ക്രമാതീതമായി വര്ധിച്ചതോടെ, മൂന്ന് മാസത്തോളമാണ് മോഡലിന്റെ കാത്തിരിപ്പ് കാലവധി ഉയര്ന്നിരിക്കുന്നത്.
സുസൂക്കിയുടെ പുതുതലമുറ പ്ലാറ്റ്ഫോം 'HEARTECT' നെ അടിസ്ഥാനപ്പെടുത്തി ഒരുങ്ങുന്നതാണ് പുതിയ മാരുതി ഡിസൈര്. മുന്മോഡലിനെ അപേക്ഷിച്ച് പുതിയ ഏറെ ഭാരക്കുറവിലാണ് പുതിയ ഡിസൈര് അണിനിരക്കുന്നത്.
കമ്പനി ഇതുവരെയും അവതരിപ്പിച്ച ഡിസൈറുകളില് മികച്ച രൂപഭംഗി, പുതുതലമുറ ഡിസൈറിനാണെന്നാണ് ഉപഭോക്താക്കള് ഒരേ സ്വരത്തില് പറയുന്നതും.
Recommended Video
പ്രീമിയം ഫീച്ചറുകളാണ് ഡിസൈറിന്റെ പ്രചാരത്തിനുള്ള പ്രധാന കാരണങ്ങളില് ഒന്ന്.. ആപ്പിള് കാര്പ്ലേ, ആന്ഡ്രോയ്ഡ് ഓട്ടോ, മിറര്ലിങ്ക് കണക്ടിവിറ്റി ഉള്പ്പെടെയുള്ള ടച്ച്സ്ക്രീന് ഇന്ഫോടെയ്ന്മെന്റ് സിസ്റ്റമാണ് ഡിസൈറില് ഒരുങ്ങുന്നത്.
പെട്രോള് പതിപ്പില് മാരുതി ലഭ്യമാക്കുന്ന ഓട്ടോമേറ്റഡ് മാനുവല് ട്രാന്സ്മിഷന്, കോമ്പാക്ട് സെഡാന് ശ്രേണിയില് ഡിസൈറിന് മുതല്ക്കൂട്ടാവുന്നു.
Trending On DriveSpark Malayalam:
ഓഫ്റോഡിംഗാണോ താത്പര്യം; ഡ്രൈവിംഗില് ശ്രദ്ധിക്കേണ്ട ചില കാര്യങ്ങള്
പുതിയ കാര് വാങ്ങാന് പദ്ധതിയുണ്ടോ? കാറില് ഉറപ്പായും ഇടംപിടിക്കേണ്ട 5 സുരക്ഷാ ഫീച്ചറുകള്
ടാറ്റയുടേത് കേവലം വീരവാദമല്ല; കടപുഴകി വീണ ഭീമന് മരത്തെയും അതിജീവിച്ച് ഹെക്സ
എബിഎസിന് ഒപ്പമുള്ള ഇബിഡി, ബ്രേക്ക് അസിസ്റ്റ്, ISOFIX ചൈല്ഡ് സീറ്റ് മൗണ്ടുകള് എന്നിവ ഡിസൈര് വേരിയന്റുകളില് ഉടനീളം സ്റ്റാന്ഡേര്ഡ് ഫീച്ചറാണ്.
പെട്രോള്, ഡീസല് പതിപ്പുകളില് പുതുതലമുറ മാരുതി ഡിസൈര് ലഭ്യമാണ്. 82 bhp കരുത്തും 113 Nm torque ഉം പരമാവധി ഏകുന്നതാണ് 1.2 ലിറ്റര് K-സീരീസ് പെട്രോള് എഞ്ചിന്.
74 bhp കരുത്തും 190 Nm torque ഉം ഉത്പാദിപ്പിക്കുന്നതാണ് ഡിസൈര് 1.3 ലിറ്റര് DDiS ഡീസല് എഞ്ചിന്. ഇരു എഞ്ചിന് പതിപ്പുകളിലും 5 സ്പീഡ് മാനുവല് ഗിയര്ബോക്സിനെ മാരുതി ലഭ്യമാക്കുന്നുണ്ട്.
ഇതിന് പുറമെ, പെട്രോള് പതിപ്പില് എഎംടി ഗിയര്ബോക്സും ഓപ്ഷനലായുണ്ട്.
Continue with Google