2020 ലാൻഡ് റോവർ ഡിഫെൻഡർ; അറിഞ്ഞിരിക്കേണ്ട അഞ്ച് കാര്യങ്ങൾ

2020 മോഡലായി രൂപകൽപ്പന ചെയ്‌തിരിക്കുന്ന പുതിയ ഡിഫെൻഡർ രണ്ട് പതിപ്പുകളിൽ വിപണിയിലെത്തും. നിരവധി ഉദ്ദേശങ്ങൾക്ക് അനുയോജ്യമായ രീതിയിലാണ് വാഹനത്തിന്റെ നിർമ്മാണം പൂർത്തിയാക്കിയിരിക്കുന്നത്. ഓഫ്-റോഡിന്റെ പ്രകടനത്തിന് തിളക്കമാർന്ന ജനപ്രീതി നേടിയ കമ്പനിയുടെ നിരയിലെ പ്രശസ്ത മോഡലാണ് ഡിഫെൻഡർ. പരിഷ്ക്കരിച്ച് വിപണിയിലെത്തുന്ന 2020 മോഡലിനെക്കുറിച്ച് അറിഞ്ഞിരിക്കേണ്ട അഞ്ച് കാര്യങ്ങൾ ഇതാ.

1. പുതിയ പ്ലാറ്റ്ഫോം

ലാൻഡ് റോവറിന്റെ പുതിയ D7X പ്ലാറ്റ്‌ഫോമിലാണ് 2020 ഡിഫെൻഡറിന്റെ നിർമ്മാണം. ഇത് ഒരു മോണോകോക്ക് ചേസിസ് ആണെന്നത് നിരവധി ചോദ്യങ്ങൾക്ക് വഴിയൊരുക്കുമെങ്കിലും ഇതുവരെ രൂപകൽപ്പന ചെയ്ത ഏറ്റവും കഠിനമായ ചേസിസാണ് ഇതെന്ന് ലാൻഡ് റോവർ അവകാശപ്പെടുന്നു. ഇപ്പോഴും ബോധ്യപ്പെടാത്തവർക്ക്, D7X, ബോഡി-ഓൺ-ലാൻഡർ ഫ്രെയിമിനേക്കാൾ മൂന്നിരട്ടി കരുത്തേറിയതാണെന്നും കമ്പനി വ്യക്തമാക്കി.

2. രണ്ട് പതിപ്പുകൾ

മുൻ തലമുറ മോഡലിന് സമാനമായി പുതിയ ബോഡി തരങ്ങളുള്ള രണ്ട് പതിപ്പുകളിൽ പുതിയ ഡിഫെൻഡർ എത്തും. മൂന്ന് ഡോറുകളുള്ള പതിപ്പിനെ ഡിഫെൻഡർ 90 എന്ന് വിളിക്കുന്നു. ഇതിന് ഹ്രസ്വ വീൽബേസാകും ഉണ്ടാവുക.

5-ഡോർ പതിപ്പ് 110 ആണ്. ഇത് നീളമുള്ള വീൽബേസുമായി വരുന്നു. 130 വകഭേദത്തിനായി കമ്പനി പദ്ധതിയിട്ടിട്ടുണ്ടെന്നും ഇത് എട്ട് പേർക്ക് യാത്ര ചെയ്യാനാകുമെന്നുമാണ് റിപ്പോർട്ടുകൾ.

3. മൂന്ന് എഞ്ചിൻ ഓപ്ഷനുകൾ

എട്ട് സ്പീഡ് ഓട്ടോമാറ്റിക്ക് ഗിയർബോക്സുമായി ജോടിയാക്കി പുതുതായി വികസിപ്പിച്ച 2.0 ലിറ്റർ നാല് സിലിണ്ടർ പെട്രോൾ, ഡീസൽ എഞ്ചിനുകൾ എന്നിവ ഉൾപ്പെടുന്ന മൂന്ന് എഞ്ചിൻ ഓപ്ഷനുകളിൽ 2020 ലാൻഡ് റോവർ ഡിഫെൻഡർ ലഭ്യമാകും.

ബ്രിട്ടീഷ് കാർ നിർമ്മാതാക്കൾ അടുത്ത വർഷം അവസാനം 3.0 ലിറ്റർ, ആറ് സിലിണ്ടർ പ്ലഗ്-ഇൻ ഹൈബ്രിഡ് എഞ്ചിനും തങ്ങളുടെ നിരയിലേക്ക് ഉൾപ്പെടുത്തും. ഓഫ്-റോഡ് ആവശ്യങ്ങൾക്ക് അനുസൃതമായി സ്ഥിരമായ ഓൾ വീൽ ഡ്രൈവ് സംവിധാനമുള്ള രണ്ട് സ്പീഡ് ട്രാൻസ്ഫർ കേസ് യൂണിറ്റും 2020 ഡിഫെൻഡറിൽ ഉൾക്കൊള്ളുന്നു.

Most Read: കുറഞ്ഞ ചെലവില്‍ വിപണിയില്‍ എത്തുന്ന ഇലക്ട്രിക്ക് വാഹനങ്ങള്‍

4. ആധുനിക ഘടകങ്ങൾ

ഓഫ്-റോഡ് പ്രേമികൾക്ക് പ്രാഥമികമായി നൽകിയ മുൻ തലമുറ വാഹനത്തിൽ നിന്ന് വ്യത്യസ്തമായി, പുതിയ ഡിഫെൻഡർ യുവ ഉപഭോക്താക്കളെ ആകർഷിക്കുന്നതിനായി ആധുനിക ഘടകങ്ങൾ 2020 മോഡലിൽ വാഗ്ദാനം ചെയ്തേക്കും.

Most Read: 2020 GLE-യുടെ ബുക്കിംഗ് ആരംഭിച്ച് മെർസിഡീസ് ബെൻസ്

ഇതിൽ ഓവർ-ദി-എയർ (OTA) സോഫ്റ്റ്‌വെയര്‍ പരിഷ്ക്കരണമുള്ള പുതിയ PV പ്രോ ഇൻഫോടെയിൻമെന്റ് സിസ്റ്റം ഉൾപ്പെടും. ഒരേ സമയം രണ്ട് ഫോണുകളെ കണക്റ്റുചെയ്യാനാകുന്ന പുതിയ ഇൻഫോടെയിൻമെന്റ് സിസ്റ്റം, 12.3 ഇഞ്ച് ഡിജിറ്റൽ ഇൻസ്ട്രുമെന്റ് ക്ലസ്റ്ററും ഹെഡ്-അപ്പ് ഡിസ്‌പ്ലേയും, 21,000 നെറ്റ്‌വർക്ക് സന്ദേശങ്ങൾ പ്രോസസ്സ് ചെയ്യാൻ കഴിയുന്ന 85 ഇസിയുവുകളും കാറിലെ മറ്റ് വശങ്ങളിൽ ഉൾപ്പെടുന്നു.

Most Read: ആഗോള വിപണിയിൽ 2020 ജാസ്സിനെ പുറത്തിറക്കി ഹോണ്ട

5. ഓഫ്-റോഡ് ശേഷികൾ

ഡിഫെൻഡർ എന്ന പേരിന് അനുസൃതമായി, വാഹനത്തിന് പൂർണ്ണമായും സ്വതന്ത്രമായ എയർ സസ്പെൻഷൻ, പരമാവധി 900 കിലോഗ്രാം 900 mm വേഡിംഗ് ഡെപ്ത്, 3720 കിലോഗ്രാം ശേഷി, ലാൻഡ് റോവറിന്റെ ഏറ്റവും നൂതനമായ കോൺഫിഗറബിൾ ടെറൈൻ റെസ്പോൺസ് 2 സിസ്റ്റം എന്നിവ 2020 മോഡലിന് ലഭിക്കുന്നു.

ഇതിനുപുറമെ, പ്രയാസമേറിയ ഭൂപ്രദേശങ്ങൾ കൈകാര്യം ചെയ്യുമ്പോൾ പുതിയ ഡിഫെൻഡറെ 145 mm ഇലക്ട്രോണിക്ക് രീതിയിൽ ഉയർത്താനും കഴിയും. അടുത്ത വർഷം അവസാനത്തോടെ ഡിഫെൻഡർ ഇന്ത്യയിലെത്തും. പ്രൊജക്ടർ ഹെഡ്‌ലാമ്പുകൾ ഉൾപ്പെടുത്തിയ U-ആകൃതിയിലുള്ള എൽഇഡി ഡിആർഎൽ, സ്ക്വയർ ആകൃതിയിലുള്ള എൽഇഡി ടെയിൽ ലൈറ്റുകൾ, സിൽവർ ഫിനിഷിംഗുള്ള ഡ്യുവൽ-ടോൺ കളർ റൂഫ്, രണ്ട് അറ്റത്തും സിൽവർ സ്‌കഫ് പ്ലേറ്റുകൾ എന്നിവയും ഡിഫെൻഡറിന്റെ പുറംമോഡിയിൽ വാഗ്ദാനം ചെയ്യുന്നു.