Q7 എസ്‌യുവിയുടെ ഡീസൽ എഞ്ചിൻ നിർത്തലാക്കാൻ ഒരുങ്ങി ഔഡി

അതിനാൽ ഇന്ത്യൻ വിപണിയിലേക്ക് വരാനിരിക്കുന്ന 2020 ഔഡി Q7 ഫെയ്‌സ്‌ലിഫ്റ്റിന് ഡീസൽ എഞ്ചിൻ വകഭേദം ഉണ്ടായിരിക്കില്ല. കൂടാതെ ഔഡി ഇന്ത്യയുടെ ജനപ്രിയ എസ്‌യുവി Q7 ഡീസൽ കമ്പനി നിർത്തലാക്കിയേകകുമെന്നും സൂചനയുണ്ട്.

ഈ വർഷം സെപ്റ്റംബറിൽ നടന്ന 2019 ഫ്രാങ്ക്ഫർട്ട് മോട്ടോർ ഷോയിലാണ് പുതിയ Q7 ഫെയ്‌സ്‌ലിഫ്റ്റ് മോഡലിനെ കമ്പനി ആദ്യമായി പ്രദർശിപ്പിച്ചത്.

ബി‌എസ്- IV-ൽ നിന്ന് ബി‌എസ്- VI-ലേക്ക് നവീകരിക്കുന്നതിന്റെ ഉയർന്ന ചെലവാണ് ഡീസൽ എഞ്ചിനെ പിൻവലിക്കാൻ കാരണമാകുന്നതെന്നാണ് റിപ്പോർട്ടുകൾ. ഇക്കാരണത്താൽ ചില പ്രമുഖ വാഹന നിർമ്മാതാക്കൾ ഭാവിയിൽ ഡീസൽ എഞ്ചിനിൽ നിന്ന് പിൻമാറുകയാണെന്നും പ്രഖ്യാപിച്ചിട്ടുണ്ട്. എന്നാൽ മറ്റുള്ളവർ ക്ലീനർ ഡീസൽ യൂണിറ്റുകളുടെ സാധ്യതയെക്കുറിച്ച് ആലോചിക്കുന്നുമുണ്ട്.

ബിഎസ്-VI പതിപ്പിൽ എല്ലാ മോഡലുകളും പെട്രോൾ എഞ്ചിൻ മാത്രമാകും വാഗ്ദാനം ചെയ്യുക. എന്നാൽ ഡീസൽ യൂണിറ്റിനെ പൂർണ്ണമായും പിൻവലിക്കുകയല്ലെന്നും. വിപണിയിലെ സാഹചര്യങ്ങൾ കണക്കിലെടുത്ത് അതിലേക്ക് എത്തുകയുള്ളൂവെന്നും ഔഡി ഇന്ത്യ തലവൻ ബൽബീർ സിംഗ് ധില്ലൺ അറിയിച്ചു.

പുതിയ ഔഡി Q7 2020-ൽ ഇന്ത്യയിൽ വിപണിയിലെത്തും. പഴയ മോഡലുമായി താരതമ്യപ്പെടുത്തുമ്പോൾ വാഹനത്തിന് 5,063 mm നീളവും 1,970 mm വീതിയും 1,741 mm ഉയരവുമാകും ഉണ്ടാവുക. 2020 ഔഡി Q7 എസ്‌യുവിയിൽ 48 വോൾട്ട് മൈൽഡ്-ഹൈബ്രിഡ് സാങ്കേതികവിദ്യയാണ് വാഗ്ദാനം ചെയ്യുന്നത്.

ഇന്ധന ഉപഭോഗം 0.7 ലിറ്റർ / 100 കിലോമീറ്റർ വരെ കുറയ്ക്കുന്നതിന് ഈ സാങ്കേതികവിദ്യ സഹായിക്കുമെന്ന് കമ്പനി വാഗ്ദാനം ചെയ്യുന്നു. യൂറോപ്പിൽ വിപണിയിലെത്തുന്ന എസ്‌യുവി രണ്ട് ഡീസൽ എഞ്ചിനുകൾ ഉപയോഗിച്ചാണ് പ്രഖ്യാപിച്ചത്. പ്ലഗ്-ഇൻ ഹൈബ്രിഡ് വകഭേദത്തിനൊപ്പം ആദ്യഘട്ടത്തിൽ പെട്രോൾ മോഡലും എത്തും.

Most Read: ക്ലബ്മാന്‍ ഫെയ്‌സ്‌ലിഫ്റ്റ് പതിപ്പിനെ അവതരിപ്പിക്കാനൊരുങ്ങി മിനി

ഇന്ത്യയെ സംബന്ധിച്ചിടത്തോളം ഒരു പെട്രോൾ വകഭേദം മാത്രമേ വിപണിയിലെത്തുകയുള്ളൂ. നിലവിലെ മോഡലിൽ 45TFSI പെട്രോൾ, 45TDI ഡീസൽ വകഭേദങ്ങളിൽ ഔഡി Q7 ലഭ്യമാണ്.

Most Read: Q5, Q7 എസ്‌യുവികൾക്ക് പരിമിതകാല വിലക്കിഴിവ് പ്രഖ്യാപിച്ച് ഔഡി

3.0 ലിറ്റർ V6 ടർബോ-ഡീസൽ എഞ്ചിൻ 245.4 bhp കരുത്തും 600 Nm torque ഉത്പാദിപ്പിക്കുമ്പോൾ 2.0 ലിറ്റർ നാല് സിലിണ്ടർ ടർബോ പെട്രോൾ എഞ്ചിൻ 248 bhp പവറിൽ 370 Nm torque ഉം ആണ് സൃഷ്ടിക്കുന്നത്.

Most Read: മെഴ്‌സിഡീസ് ബെൻസ് വി-ക്ലാസ് എലൈറ്റ് ഇന്ത്യയിൽ അവതരിപ്പിക്കും

രണ്ട് എഞ്ചിനുകൾക്കും എട്ട് സ്പീഡ് ടിപ്‌ട്രോണിക് ഓട്ടോമാറ്റിക്ക് ഗിയർബോക്സ് ‘ക്വാട്രോ'ഓൾ-വീൽ ഡ്രൈവ് സംവിധാനവുമുണ്ട്.നിലവിൽ വാഹനത്തിന്റെ പ്രാരംഭ വില യഥാക്രമം 73.82 ലക്ഷം, 78.01 ലക്ഷം രൂപയിൽ നിന്ന് ആരംഭിക്കുന്നു.