Click it and Unblock the Notifications
വിൽപ്പനയിൽ റെനൊ ക്വിഡിനെ മറികടന്ന് മാരുതി എസ്-പ്രെസ്സോ
മാരുതി സുസുക്കി അടുത്തിടെ ഇന്ത്യൻ വിപണിയിൽ അവതരിപ്പിച്ചു പുതിയ മോഡലാണ് എസ്-പ്രസ്സോ. 3.69 ലക്ഷം രൂപ പ്രാരംഭ , എക്സ്-ഷോറൂം വിലയോടെയാണ് പുതിയ വാഹനത്തെ മാരുതി വാഗ്ദാനം ചെയ്യുന്നത്. ഇന്ത്യൻ വിപണിയിൽ അടുത്തിടെ അവതരിപ്പിച്ച റെനോ ക്വിഡാണ് എസ്-പ്രസ്സോയുടെ പ്രധാന എതിരാളി.
മാരുതി സുസുക്കി എസ്-പ്രസ്സോയുടെ 5,006 യൂണിറ്റുകൾ കഴിഞ്ഞ മാസം ഡീലർഷിപ്പുകളിലേക്ക് അയച്ചതായി സമീപകാല വിൽപ്പന റിപ്പോർട്ടുകൾ സൂചിപ്പിക്കുന്നു.
നാളിതുവരെ വിപണിയിൽ 5000 യൂണിറ്റുകളുടെ വിൽപ്പനയാണ് മാരുതിയുടെ മിനി എസ്യുവി രജിസ്റ്റർ ചെയ്തിരിക്കുന്നത്. റെനോ ക്വിഡിന്റെ വിൽപ്പനയെ മറികടക്കുന്നതാണ് ഈ സംഖ്യ.
അടുത്തിടെ പുറത്തിറങ്ങിയ റെനോ ക്വിഡ് ഇതേ കാലയളവിൽ 2,995 യൂണിറ്റുകളുടെ വിൽപ്പനയാണ് നേടിയിരിക്കുന്നത്. സൗന്ദര്യവർദ്ധക വ്യത്യാസങ്ങളും, അധിക സവിശേഷതകളും, ഫീച്ചറുളും എന്നിങ്ങനെ നിരവധി പരിഷ്കാരങ്ങളുമായാണ് റെനോ ക്വിഡ് വരുന്നത്.
| Rank | Models | September 2019 | Septmeber 2018 | Difference (%) |
| 1 | Maruti Alto | 15,079 | 21,719 | -30.57 |
| 2 | Maruti Wagonr | 11,757 | 13,252 | -11.28 |
| 3 | Maruti S-Presso | 5,006 | 0 | - |
| 4 | Maruti Celerio | 4,140 | 9,208 | -55.04 |
| 5 | Hyundai Santro | 3,502 | 0 | - |
| 6 | Tata Tiago | 3,068 | 8,377 | -63.38 |
| 7 | Renault Kwid | 2,995 | 5,529 | -45.83 |
| 8 | Datsun redi-GO | 842 | 1,658 | -49.22 |
| 9 | Datsun GO | 136 | 597 | -77.22 |
മറുവശത്ത് എസ്-പ്രസ്സോ, കമ്പനിയിൽ നിന്നുള്ള ഒരു പുതിയ മോഡലാണ്. വാഹനത്തിന് ഇന്ത്യൻ വിപണിയിൽ ആൾട്ടോ K10 -ന് മുകളിലാണ് മാരുതി സ്ഥാനം നൽകിയിരിക്കുന്നത്. ശരിരായ രൂപകൽപ്പനയും ഉയർന്ന ഗ്രൗണ്ട് ക്ലിയറൻസും വാഹനത്തിന് ഒരു എസ്യുവി ഭാവം നൽകുന്നു.
5,006 യൂണിറ്റുകളുടെ വുൽപ്പന മാരുതി എസ്-പ്രസ്സോയെ വിപണിയിൽ ഏറ്റവുമധികം വിറ്റഴിക്കപ്പെടുന്ന മൂന്നാമത്തെ എൻട്രി ലെവൽ ഹാച്ച്ബാക്കായി മാറ്റി.
ഇന്ത്യൻ വിപണിയിൽ ഏറ്റവുമധികം വിറ്റഴിക്കപ്പെടുന്ന ചെറു കാറുകളുടെ പട്ടികയിൽ എസ്-പ്രസ്സോ ആൾട്ടോയ്ക്കും വാഗൺആറിനും താഴെയാണ് സ്ഥാനം പിടിച്ചിരിക്കുന്നത്.
Most Read: ഒമ്പത് മാസത്തിനിടെ ടാറ്റ വിറ്റത് ഒരു നാനോ മാത്രം
ഈ പട്ടികയിൽ റിനോ ക്വിഡ് താഴേയ്ക്ക് ഏഴാം സ്ഥാനത്താണ്. 2,995 യൂണിറ്റ് വിൽപ്പന രജിസ്റ്റർ ചെയ്ത റെനോ ക്വിഡ് 2018 സെപ്റ്റംബറിനെ അപേക്ഷിച്ച് ഇന്ത്യൻ വിപണിയിൽ 45ശതമാനം ഇടിവ് രേഖപ്പെടുത്തി.
Most Read: റെനോ ക്വിഡ്: പോരായ്മകളും മേന്മകളും
എൻട്രി ലെവൽ, മിഡ്, പ്രീമിയം എന്നിങ്ങനെ മുഴുവൻ ഹാച്ച്ബാക്ക് വിഭാഗവും കണക്കിലെടുക്കുമ്പോൾ, മാരുതി എസ്-പ്രസ്സോ ഏഴാം സ്ഥാനത്താണ്. എന്നിരുന്നാലും, വാഹനത്തിന്റെ വിൽപ്പന വരും മാസങ്ങളിൽ ഉത്സവ സീസണിനൊപ്പം വളരുമെന്ന് പ്രതീക്ഷയിലാണ് നിർമ്മാതാക്കൾ.
Most Read: എസ്സ്-പ്രെസ്സോയുടെ സിഎന്ജി പതിപ്പുമായി മാരുതി
1.0 ലിറ്റർ പെട്രോൾ എഞ്ചിനാണ് മാരുതി എസ്-പ്രസ്സോയുടെ ഹൃദയം. 998 സിസി മൂന്ന് സിലിണ്ടർ യൂണിറ്റ് ആൾട്ടോ K10 -ൽ നിന്ന് കടംകൊണ്ടതാണ്. എന്നിരുന്നാലും, വരാനിരിക്കുന്ന ബിഎസ്- VI എമിഷൻ മാനദണ്ഡങ്ങൾ പാലിക്കുന്നതിനായി എസ്-പ്രസ്സോയിലെ എഞ്ചിൻ മാരുതി സുസുക്കി പരിഷ്കരിച്ചിരിക്കുന്നു.
67 bhp കരുത്തും 90 Nm torque ഉം സൃഷ്ടിക്കാൻ കഴിയുന്ന എഞ്ചിൻ അടിസ്ഥാന പരമായി അഞ്ച് സ്പീഡ് മാനുവൽ ഗിയർബോക്സുമായിട്ടാണ് ഘടിപ്പിച്ചിരിക്കുന്നത്. ഓപ്ഷണലായി AGS ഓട്ടോമാറ്റിക്ക് ഗിയർബോക്സും നിർമ്മാതാക്കൾ വാഗ്ദാനം ചെയ്യുന്നു.
Continue with Google