G 350d എസ്‌യുവിയുടെ മുഴുവൻ യൂണിറ്റുകളും വിറ്റഴിച്ച് മെഴ്‌സിഡീസ് ബെൻസ്

കമ്പനിയുടെ നിലവിലുള്ള 'ജി-ക്ലാസ്' ലൈനപ്പിലേക്കുള്ള എൻട്രി ലെവൽ മോഡലാണ് G 350d.രാജ്യത്ത് ഈ എസ്‌യുവിക്ക് 1.5 കോടി രൂപയാണ് എക്സ്ഷോറൂം വില.

CBU റൂട്ട് വഴിയായിരിക്കും മെർസിഡീസ് ബെൻസ് 350d ഇന്ത്യൻ വിപണിയിലേക്ക് ഇറക്കുമതി ചെയ്യുക. റേഞ്ച് റോവർ സ്പോർട്ട്, ടൊയോട്ട ലാൻഡ് ക്രൂയിസർ എൽസി 200 എന്നീ വാഹനങ്ങളാണ് ഇന്ത്യയിലെ മെഴ്‌സിഡീസ് ബെൻസ് 350d-യുടെ എതിരാളികൾ.

പെർഫോമൻസ് അധിഷ്ഠിതമായ മെർസിഡീസ് AMG G 63 ഇതിനകം തന്നെ 2.19 കോടി രൂപ വിലയിൽ ഇന്ത്യയിൽ വിൽപ്പനക്കെത്തുന്നുണ്ട്. ബിഎസ്-VI 3.0 ലിറ്റർ ഇൻലൈൻ ആറ് സിലിണ്ടർ ഡീസൽ എഞ്ചിനാണ് പുതിയ മെർസിഡീസ് ബെൻസ് ജി-വാഗൺ G 350d മോഡലിന് കരുത്തേകുന്നത്.

ഇത് 282 bhp കരുത്തിൽ 600 Nm torque ആണ് സൃഷ്ടിക്കുന്നത്. എഞ്ചിൻ ഒരു സ്റ്റാൻഡേർഡ് 9 ജി-ട്രോണിക് ഓട്ടോമാറ്റിക്ക് ഗിയർബോക്സുമായി ജോടിയാക്കിയിരിക്കുന്നു. ഫോർവീൽ ഡ്രൈവ് വാഹനം കൂടിയാണ് G 350d.

വാഹനത്തിന് മണിക്കൂറിൽ 199 കിലോമീറ്റർ വേഗത കൈവരിക്കാൻ കഴിയും. കൂടാതെ പൂജ്യം മുതൽ 100 കിലോമീറ്റർ വേഗതയിലെത്താൻ 7.4 സെക്കൻഡ് മതിയെന്നാണ് മെർസിഡീസിന്റെ അവകാശം.

ജി-വാഗണിന്റെ ഫ്രണ്ട്, റിയർ ആക്‌സിലുകളിൽ മൂന്ന് വ്യത്യസ്ത ലോക്കുകൾ കമ്പനി വാഗ്ദാനം ചെയ്യുന്നു. ഇത് ഓഫ്-റോഡ് ഭൂപ്രദേശങ്ങളെ നേരിടാനും സ്റ്റിക്കി സാഹചര്യങ്ങളിൽ നിന്ന് രക്ഷപ്പെടാനും വാഹനത്തെ സഹായിക്കും.

Most Read: മകന് ലഭിച്ച പിഴയ്ക്കെതിരെ റോഡിൽ കിടന്ന് അച്ഛന്റെ പ്രതിഷേധം; വീഡിയോ വൈറൽ

241 mm ഗ്രൗണ്ട് ക്ലിയറൻസുള്ള മെർസിഡീസ് ബെൻസ് G 350d-ന് 700 mm വാട്ടർ വേഡിംഗ് ശേഷി എന്നിവയാണ് വാഹനത്തിന്റെ മറ്റ് സവിശേഷതകൾ. AMG G 63-യെ അപേക്ഷിച്ച് G 350d മികച്ച സമീപനവും പുറപ്പെടൽ കോണുകളും വാഗ്ദാനം ചെയ്യുന്നു.

Most Read: വിൽപ്പനയിൽ മാരുതി വിറ്റാര ബ്രെസ്സയെ മറികടന്ന് എസ്-പ്രസ്സോ

ജി-വാഗണിന്റെ പര്യായമായ മെർസിഡീസ് ബെൻസ് 350d അതേ ബോക്‌സി, ഐക്കോണിക്ക് രൂപകൽപ്പന തന്നെയാണ് അവതരിപ്പിക്കുന്നത്. അതോടൊപ്പം പരുക്കൻ രൂപവും മെറ്റൽ-ഹിഞ്ച് എക്‌സ്‌പോസ്ഡ് ഡോറുകളും സൈഡ് സ്റ്റെപ്പുകളും ടെയിൽഗേറ്റിൽ ഘടിപ്പിച്ച സ്‌പെയർ ടയറും കൂറ്റൻ വീൽ ആർച്ചുകളും വാഹനത്തിൽ ഉൾക്കൊള്ളുന്നു.

Most Read: Q7 എസ്‌യുവിയുടെ ഡീസൽ എഞ്ചിൻ നിർത്തലാക്കാൻ ഒരുങ്ങി ഔഡി

ഒരു വലിയ പാൻ-അമേരിക്കാന ഗ്രിൽ, വൃത്താകൃതിയിലുള്ള ഹെഡ്‌ലാമ്പുകൾ, 20 ഇഞ്ച് അലോയ് വീലുകൾ എന്നിവയും മോഡലിന്റെ സവിശേഷതകളാണ്. 2056 mm വീതിയും 1954 mm ഉയരവും 4764 mm നീളവും 2850 mm വീൽബേസുമാണ് മെഴ്‌സിഡീസ് ബെൻസ് G 350d എസ്‌യുവിക്ക് നൽകിയിരിക്കുന്നത്.

കമ്പനിയിൽ നിന്നുള്ള ‘വൈഡ് സ്‌ക്രീൻ കോക്ക്പിറ്റ്' ഡിസൈനാണ് ഇന്റീരിയറിൽ നൽകിയിരിക്കുന്നത്. ഡാഷ്‌ബോർഡ് ഇൻസ്ട്രുമെന്റ് ക്ലസ്റ്ററിനും ഇൻഫോടെയ്ൻമെന്റ് സിസ്റ്റത്തിനുമായി 12.3 ഇഞ്ച് സ്‌ക്രീനിൽ ലഭ്യമാകുന്നു. . ഇൻഫോടെയ്ൻമെന്റ് സിസ്റ്റം എളുപ്പത്തിൽ പ്രവർത്തിപ്പിക്കുന്നതിന് ടച്ച് പാഡ് സെന്റർ കൺസോളിൽ ഉൾക്കൊള്ളുന്നു. ഇൻസ്ട്രുമെന്റ് ക്ലസ്റ്ററിലൂടെ നാവിഗേറ്റുചെയ്യുന്നതിന് മൗണ്ട്‌ ചെയ്ത നിയന്ത്രണവും ടച്ച്‌പാഡും ഫ്ലാറ്റ്-ബോട്ടം സ്റ്റിയറിംഗ് വീലിന്റെ സവിശേഷതകളാണ്.

സുരക്ഷാ ഉപകരണങ്ങളുടെ കാര്യത്തിൽ പുതിയ മെർസിഡീസ് ബെൻസ് 350d-യിൽ എട്ട് എയർബാഗുകൾ, എബിഎസ് വിത്ത് ഇബിഡി, ബ്രേക്ക് അസിസ്റ്റ്, ട്രാക്ഷൻ കൺട്രോൾ, ഇഎസ്‌സി, ഹിൽ-സ്റ്റാർട്ട് അസിസ്റ്റ് എന്നിവയെല്ലാം കമ്പനി വാഗ്ദാനം ചെയ്യുന്നു.