Just In
- 1 hr ago തൊണ്ണൂറ് ലക്ഷം ടയറുകളുടെ വിൽപ്പനയുമായി ബ്രിഡ്ജ്സ്റ്റോൺ, 2026 -ൽ ലക്ഷ്യം വയ്ക്കുന്നത് 25 ശതമാനം വളർച്ച
- 3 hrs ago ഓഫ്റോഡ് പ്രേമികളേ ഇതിലെ, പുത്തൻ റാങ്ലർ ഫെയ്സ്ലിഫ്റ്റിലെ ഹൈലൈറ്റുകൾ ഇവയൊക്കെ
- 4 hrs ago പുതിയ എസ്യുവിക്ക് 20 കി.മീ മൈലേജ്! ആളുകള് ഇനി ക്യൂ നില്ക്കാന് പോകുന്നത് മഹീന്ദ്ര ഷോറൂമിന് മുന്നില്
- 5 hrs ago മോഡലിംഗും ഡാൻസുമാണ് പാഷൻ, 23-ാം വയസിൽ ഡ്രീം കാർ സ്വന്തമാക്കിയ സുന്ദരിയെ അറിയുമോ?
Don't Miss
- Lifestyle മാസങ്ങളില് അതിശ്രേഷ്ഠം വൈശാഖ മാസം; മഹാവിഷ്ണുവും ലക്ഷ്മീദേവിയും ഭൂമിയില് അവതരിച്ച മാസം
- Movies തെറ്റുകള് ഞങ്ങളുടെ ഭാഗത്ത് നിന്നും വരും; ഞങ്ങളും ഇതില് ആദ്യമാണെന്ന് മക്കളോട് പറയും: പൂര്ണിമ
- Sports T20 World Cup 2024: ടി20 ലോകകപ്പില് ജഡേജ വേണ്ട, പകരം അക്ഷര് മതി! ഈ കാരണങ്ങള് നോക്കൂ
- News നിമിഷപ്രിയയെ യെമനിലെ ജയിലിലെത്തി കണ്ട് അമ്മ; കൂടിക്കാഴ്ച്ച 12 വര്ഷങ്ങള്ക്ക് ശേഷം
- Technology DSLRനെ വെല്ലും ക്യാമറ മികവുമായി ഓപ്പോ; ഫൈൻഡ് X7 അൾട്ര ആള് പൊളി തന്നെ
- Finance ദിവസവും 7 രൂപ നിക്ഷേപിക്കാമോ, പ്രതിമാസം നേടാം 5000 രൂപ, ഇതാണ് സൂപ്പർ ഹിറ്റ് പദ്ധതി
- Travel ഈ വെക്കേഷൻ വിദേശത്ത്...ചെലവ് പേടിക്കുകയേ വേണ്ട.. കേരളത്തിൽ നിന്ന സുഖമായി പോയി വരാം
തെരഞ്ഞെടുത്ത മോഡലുകൾക്ക് 1.50 ലക്ഷം രൂപ വരെ ആനുകൂല്യങ്ങൾ പ്രഖ്യാപിച്ച് ടാറ്റ
ഇന്ത്യൻ വിപണിയിൽ പുതിയ 'ഫെസ്റ്റിവൽ ഓഫ് കാർസ്' ക്യാമ്പെയിൻ പ്രഖ്യാപിച്ച് ടാറ്റ മോട്ടോഴ്സ്. ക്യാമ്പെയിന്റെ ഭാഗമായി 1.50 ലക്ഷം രൂപ വരെയുള്ള ആനുകൂല്യങ്ങളും കിഴിവുകളും മറ്റ് ഓഫറുകളും ഉപഭോക്താക്കൾക്ക് കമ്പനി നൽകും.
തെരഞ്ഞെടുത്ത മോഡലുകൾക്ക് മാത്രമേ ആനുകൂല്യങ്ങളും ഓഫറുകളും ലഭ്യമാകൂ. ഇന്ത്യൻ വിപണിയിലെ ഹെക്സ, ടിയാഗോ, ടിഗോർ, ടിയാഗോ എൻആർജി, നെക്സോൺ, ഹാരിയർ എന്നീ കാറുകൾ കാമ്പയിനിൽ ഉൾപ്പെടുന്നു. മോഡലിനെയും വിൽപ്പന മേഖലയെയും ആശ്രയിച്ച് 50,000 രൂപയിൽ നിന്ന് 1.50 ലക്ഷം രൂപ വരെ ആനുകൂല്യങ്ങളാകും ടാറ്റ വാഗ്ദാനം ചെയ്യുക.
ടാറ്റ മോഡലുകളുടെ തെരഞ്ഞെടുത്ത ശ്രേണിയിലെ ആനുകൂല്യങ്ങളും ഓഫറുകളും ഓരോ ഉപഭോക്താവിന്റെയും ആവശ്യങ്ങൾക്കനുസൃതമായാകും ലഭ്യമാവുക. ക്യാഷ് ആനുകൂല്യങ്ങൾക്ക് പുറമെ മറ്റ് എക്സ്ചേഞ്ച് ഓഫറുകൾ, കോർപ്പറേറ്റ് ആനുകൂല്യങ്ങൾ, സർക്കാർ ജീവനക്കാർക്കായി പ്രത്യേക സ്കീമുകൾ എന്നിവയും ടാറ്റ മോട്ടോഴ്സ് വാഗ്ദാനം ചെയ്യും.
100 ശതമാനം ഓൺ-റോഡ് ഫിനാസ് സൌകര്യവും കുറഞ്ഞ ഇഎംഐ പാക്കേജുകളും വാഗ്ദാനം ചെയ്യുന്നതിനായി കമ്പനി ധനകാര്യ സ്ഥാപനങ്ങളുമായി കൈകോർത്തതായി റിപ്പോർട്ടുകളുണ്ട്.
ഉത്സവ സീസണിന്റെ ആരംഭം കമ്പനിക്ക് മികച്ച വിൽപ്പന ലഭിക്കുന്ന സമയമാണ്. ഉപഭോക്താക്കൾക്ക് വിവിധ ഓഫറുകളും ആനുകൂല്യങ്ങളും നൽകാൻ കമ്പനി തയ്യാറാവുകയാണ്. ഈ വർഷത്തെ ഞങ്ങളുടെ ഓഫറുകൾ മുൻവർഷത്തേക്കാൾ വലുതും മികച്ചതുമാണെന്ന് ടാറ്റാ മോട്ടോഴ്സ് പാസഞ്ചർ വെഹിക്കിൾസ് ബിസിനസ് യൂണിറ്റ് സെയിൽസ് മാർക്കറ്റിംഗ്, കസ്റ്റമർ സപ്പോർട്ട് വൈസ് പ്രസിഡന്റ് എസ്. എൻ. ബാർമാൻ പറഞ്ഞു.
ഓണം, ഗണേഷ ചതുർത്ഥി സമയങ്ങളിൽ ഞങ്ങൾക്ക് മികച്ച പ്രതികരണമാണ് ലഭിച്ചത്. ഉത്സവ സീസൺ രാജ്യമെമ്പാടും ആരംഭിക്കുന്നതോടെ 'ഫെസ്റ്റിവൽ ഓഫ് കാർസ്' ക്യാമ്പെയിൻ വഴി വിപണിയിൽ സംഭവിച്ചിരിക്കുന്ന മാന്ദ്യത്തെ മറികടക്കാൻ സാധിക്കുമെന്നാണ് പ്രതീക്ഷിക്കുന്നതെന്നും അദ്ദേഹം പറഞ്ഞു.
Most Read: ഡാറ്റ്സൻ ഗോ, ഗോ പ്ലസ് ഓട്ടോമാറ്റിക്ക് പതിപ്പുകൾ ഇന്ത്യയിൽ ഉടൻ അവതരിപ്പിക്കും
നിലവിലെ വിപണി സാഹചര്യം മറികടക്കുന്നതിനായി എല്ലാ പ്രമുഖ നിർമ്മാതാക്കളും തങ്ങളുടെ മോഡലുകൾക്ക് വൻ ഓഫറുകളും കിഴിവുകളുമാണ് പ്രഖ്യാപിച്ചിട്ടുള്ളത്.
Most Read: പുതിയ ടിവിഎസ് ജുപ്പിറ്റർ ഗ്രാൻഡെ ഇന്ത്യൻ വിപണിയിലെത്തി
ഓഫറുകൾക്ക് പുറമെ തങ്ങളുടെ ശ്രേണിയിലെ വാഹനങ്ങളുടെ ഫെയ്സ്ലിഫ്റ്റ് പതിപ്പും പുതിയ മോഡലുകളും അവതരിപ്പിക്കാൻ ഒരുങ്ങുകയാണ് ടാറ്റ മോട്ടോർസ്. ജനപ്രിയ ഹാച്ച്ബാക്ക് മോഡലായ ടിയാഗോ, പുതിയ പ്രീമിയം ഹാച്ച്ബാക്കായ ആൾട്രോസ്, ഹാരിയറിനെ അടിസ്ഥാനമാക്കിയുള്ള ഏഴ് സീറ്റർ കാസിനി എന്നിവ പട്ടികയിൽ ഉൾപ്പെടുന്നു.
Most Read: വാഹനത്തിന്റെ രേഖകള് എടുക്കാന് മറന്നോ? 100 രൂപ പിഴയടച്ചിട്ട് തൽക്കാലം രക്ഷപെടാം
ഹാരിയറില് ആരംഭിച്ച ഇമ്പാക്ട് 2.0 ഡിസൈനിലാണ് പുതിയ ആള്ട്രോസും നിര്മ്മിക്കുന്നത്. ഈ വർഷം അവസാനത്തോടെ ഈ മോഡലിനെ വിപണിയിലെത്തിക്കാനാണ് കമ്പനിയുടെ ശ്രമം. ഈ വർഷം അവസാനത്തോടെ ഹാരിയറിന്റെ ഏഴ് സീറ്റർ മോഡലിനെയും വിപണിലെത്തിക്കുക തന്നെയാണ് കമ്പനിയുടെ ലക്ഷ്യം.