പരീക്ഷണയോട്ടം നടത്തി ഫോഴ്‌സ് ഗൂര്‍ഖ; എതിരാളി മഹീന്ദ്ര ഥാര്‍

എന്നിരുന്നാലും വാഹനം നിരത്തുകളില്‍ പരീക്ഷണയോട്ടം നടത്തുന്നതിന്റെയും മറ്റും വാര്‍ത്തകള്‍ നാം മിക്കപ്പോഴും കാണാറുണ്ട്. അടുത്തിടെയാണ് ബ്രാന്‍ഡിന്റെ പ്ലാന്റിന് സമീപം നിര്‍ത്തിയിട്ടിരുന്ന ചുവപ്പ് നിറത്തിലുള്ള ഗൂര്‍ഖയുടെ ചിത്രം നമ്മള്‍ കണ്ടത്.

ഇതിന് പിന്നാലെയാണ് ഇപ്പോള്‍ വീണ്ടും പുതിയ പരീക്ഷണ ചിത്രങ്ങള്‍ പുറത്തുവരുന്നത്. ടീം ബിഎച്ച്പിയാണ് ഈ ചിത്രങ്ങള്‍ പങ്കുവെച്ചിരിക്കുന്നത്. പുനെ നിരത്തുകളിലാണ് വാഹനം പരീക്ഷണയോട്ടം നടത്തുന്നത്. മറകള്‍ ഒന്നും ഇല്ലാതെയായിരുന്നു വാഹനത്തിന്റെ പരീക്ഷണയോട്ടം.

MOST READ: ഫസ്റ്റ് റെസ്പോണ്ടര്‍ വാഹനമായി നാല് എക്സ്ട്രീം 200R വാഹനങ്ങള്‍ കൈമാറി ഹീറോ

ചിത്രത്തില്‍ കാണുന്ന മോഡല്‍ വാഹനത്തിന്റെ പ്രാരംഭ പതിപ്പാണെന്നാണ് സൂചന. സ്റ്റീല്‍ റിംസ്, സ്റ്റാന്‍ഡേര്‍ഡ് ഹാലോജന്‍ ഹെഡ്‌ലാമ്പുകള്‍, ഓപ്പണ്‍ ചെയ്യാവുന്ന സൈഡ് റിയര്‍ വിന്‍ഡോകള്‍ എന്നിവ താഴ്ന്ന വേരിയന്റായി കാണപ്പെടുന്നു.

മാത്രമല്ല ബിഎസ് VI മലിനീകരണ മാനദണ്ഡങ്ങള്‍ക്കനുസൃതമായ പരീക്ഷണ ഉപകരണങ്ങള്‍ വാഹനത്തില്‍ സജ്ജീകരിച്ചിരിക്കുന്നത് കാണാം. ഓട്ടോ എക്സ്പോയിലെ അവതരിപ്പിച്ച മോഡലിന് രണ്ടാം നിരയില്‍ രണ്ട് ക്യാപ്റ്റന്‍ സീറ്റുകളും പിന്നില്‍ ജമ്പ് സീറ്റുകളും ഉണ്ടായിരുന്നു.

MOST READ: ഇസൂസു D-മാക്സ്, S-ക്യാബ് ബിഎസ് VI മോഡലുകൾ പുറത്തിറക്കി; വില 7.84 ലക്ഷം രൂപ

എല്‍ഇഡി ഹെഡ്‌ലാമ്പുകള്‍, ഫെന്‍ഡര്‍ മൗണ്ട് ചെയ്ത മാര്‍ക്കര്‍ / ഇന്‍ഡിക്കേറ്റര്‍ കോമ്പിനേഷന്‍ ലൈറ്റ് എന്നിവ ഇതില്‍ സജ്ജീകരിച്ചിരുന്നു. പുതിയ ഗ്രില്‍ പുനര്‍രൂപകല്‍പ്പന ചെയ്ത ഹെഡ്‌ലാമ്പ് ക്ലസ്റ്ററുകളും ബമ്പറുകളും, ചുറ്റുമുള്ള ബോഡി ക്ലാഡിംഗും, 16 ഇഞ്ച് പുതിയ അലോയി വീലുകളും പുതിയ സവിശേഷതകളാണ്.

നിലവിലെ ക്രാഷ്-ടെസ്റ്റ്, സുരക്ഷാ മാനദണ്ഡങ്ങള്‍ക്ക് അനുസൃതമായ ഒരു പുതിയ ചാസിയും ബോഡി ശൈലിയും വാഹനത്തിന് ലഭിക്കുന്നു. ഗൂര്‍ഖയില്‍ ഒരു പുതിയ ലാഡര്‍-ഫ്രെയിം ചാസിയും കോയില്‍ സ്പ്രിഗുകളും ഇടംപിടിക്കുന്നു.

MOST READ: വിപണിയില്‍ ലഭ്യമായ 5 മികച്ച പെട്രോള്‍ മാനുവല്‍ മിഡ്-സൈസ് സെഡാനുകള്‍

വാഹനത്തിന്റെ ഒരു യൂട്ടിലിറ്റേറിയന്‍ ഓഫ്-റോഡര്‍ എന്ന ഇമേജ് പ്രവര്‍ത്തനക്ഷമമായ കാറിറെന്നതിലേക്ക് മാറ്റാനുള്ള ശ്രമത്തിലാണ് കമ്പനി ഈ മാറ്റങ്ങള്‍ വരുത്തിയിരിക്കുന്നത്. ബള്‍ഗിംഗ് വീല്‍ ആര്‍ച്ചുകളും ക്ലാഡിംഗുകളും പുതിയ ഗൂര്‍ഖയെ മനോഹരമാക്കും.

ബിഎസ് VI നിലവാരത്തിലുള്ള 2.6 ലിറ്റര്‍ ഡീസല്‍ എഞ്ചിനാണ് 2020 ഗൂര്‍ഖയ്ക്ക് കരുത്തേകുന്നത്. ഈ എഞ്ചിന്‍ 90 bhp കരുത്തും 200 Nm torque ഉം സൃഷ്ടിക്കും.

MOST READ: 2020 മോഡൽ വെൽഫയറിന് 2020 എന്ന ഫാൻസി നമ്പർ സ്വന്തമാക്കി മോഹൻലാൽ

അഞ്ച് സ്പീഡ് മാനുവലാണ് ഗിയര്‍ബോക്‌സ്. ലോക്ക് ചെയ്യാവുന്ന ഡിഫറന്‍ഷ്യലുകളുള്ള ഫോര്‍ വീല്‍ ഡ്രൈവ് പണ്ടേ വാഹനത്തിന്റെ പ്രത്യേകതയാണ്. പുതുതലമുറ മഹീന്ദ്ര ഥാര്‍ ആയിരിക്കും വാഹനത്തിന്റെ വിപണിയിലെ മിഖ്യഎതിരാളി.