ഓഫ്റോഡറിന് പിന്നാലെ ബ്രോങ്കോ പിക്കപ്പും പുറത്തിറക്കാൻ ഫോർഡ്

രണ്ട്-ഡോർ, നാല്-ഡോർ, ബ്രോങ്കോ സ്‌പോർട് പതിപ്പുകളിൽ വാഹനം വാഗ്ദാനം ചെയ്യുന്നു. സ്പോർട് പതിപ്പ് എസ്‌കേപ്പിലേതു പോലെ യൂണി-ബോഡി നിർമ്മാണത്തെ അടിസ്ഥാനമാക്കിയുള്ളതാണ്, മറുവശത്ത് വലിയ ബ്രോങ്കോ മോഡലുകൾ പരമ്പരാഗത ബോഡി-ഓൺ-ഫ്രെയിം ഘടന പിന്തുടരുന്നു.

2021 ഫോർഡ് ബ്രോങ്കോ ഫസ്റ്റ് എഡിഷന്റെ റിസർവേഷനുകൾ മണിക്കൂറുകൾക്കുള്ളിൽ നിറഞ്ഞു, ഇത് ബ്ലൂ ഓവലിനെ 3,500 യൂണിറ്റിന്റെ പരിമിതമായ ഉത്പാദനം ഡിമാൻഡിനെ തൃപ്ത്തിപ്പെടുത്താൻ 7,000 യൂണിറ്റായി ഇരട്ടിയാക്കാൻ പ്രേരിപ്പിച്ചു.

MOST READ: ബിഎസ് VI എക്‌സ്പള്‍സ് 200T, എക്‌സ്ട്രീം 200S മോഡലുകളെ വെബ്‌സൈറ്റില്‍ ഉള്‍പ്പെടുത്തി ഹീറോ

ബ്രോങ്കോ വളരെക്കാലമായി വാർത്തകളിൽ നിറയുന്നു, കൂടാതെ ഓഫ്-റോഡറിന്റെ പിക്കപ്പ് ട്രക്ക് പതിപ്പ് തയ്യാറായിക്കൊണ്ടിരിക്കുകയാണ് എന്നാണ് ഒരു പുതിയ മാധ്യമ റിപ്പോർട്ട് സൂചിപ്പിക്കുന്നത്.

ജീപ്പിന്റെ ഗ്ലാഡിയേറ്ററിനെതിരെ മത്സരിക്കാൻ ഒരു പുതിയ ട്രക്കിൽ അമേരിക്കൻ നിർമ്മാതാക്കൾ പ്രവർത്തിക്കുന്നു എന്ന് ഓട്ടോമൊബൈൽമാഗ് റിപ്പോർട്ട് ചെയ്യുന്നു.

MOST READ: സബ്‌സ്‌ക്രൈബ് ഓപ്ഷനിൽ ദിവസേന 711 രൂപ ചെലവിൽ മാരുതി സ്വിഫ്റ്റ് സ്വന്തമാക്കാം

ബ്രോങ്കോ റേഞ്ചറിന്റെ പ്ലാറ്റ്‌ഫോമിൽ അധിഷ്‌ഠിതമായതിനാൽ ഇത് ബ്രോങ്കോ പിക്കപ്പ് ആണെന്ന ഊഹാപോഹങ്ങൾ പലരെയും ആശ്ചര്യപ്പെടുത്തുന്നില്ല.

എന്നിരുന്നാലും, വാഹനം വിപണിയിൽ എത്താനുള്ള സമയപരിധി നാം എല്ലാവരും പ്രതീക്ഷിക്കാവുന്നതിലും കൂടുതലായിരിക്കും. ഇത് 2024 മധ്യത്തോടെ മാത്രമേ സമാരംഭിക്കുകയുള്ളൂ എന്നാണ് കരുതുന്നത്.

MOST READ: പ്രീമിയം എംപിവി ശ്രേണി ലക്ഷ്യംവെച്ച് മാരുതി, ഒരുക്കം ടൊയോട്ടയുടെ സഹായത്തോടെ

ബ്രോങ്കോ ഓഫ്-റോഡറിന് വളരെയധികം ശ്രദ്ധ ലഭിക്കുന്നതിനാൽ, ബ്രോങ്കോ ട്രക്കിന്റെ വികസനവും ഫോർഡ് വേഗത്തിലാക്കാൻ സാധ്യതയുണ്ട്, മാത്രമല്ല ഇത് 2022 -ൽ തന്നെ വാഹനത്തിന്റെ ലോഞ്ചിലേക്ക് നയിക്കുകയും ചെയ്യാം.

റാങ്ലറിനെ അടിസ്ഥാനമാക്കിയുള്ള ജീപ്പ് ഗ്ലാഡിയേറ്ററിന് സമാനമായ രീതിയിൽ, സ്റ്റാൻഡേർഡ് മോഡലിന് സമാനമായ സവിശേഷതകൾ ഉൾക്കൊള്ളുന്ന ക്രൂ ക്യാബ് കോൺഫിഗറേഷനുകളിൽ മാത്രമേ ബ്രോങ്കോ പിക്കപ്പ് വാഗ്ദാനം ചെയ്യൂ.

MOST READ: കോട്ടയം കൊച്ചി റോഡിൽ സൂപ്പർ കാറുകളിൽ രാജുവേട്ടനും കുഞ്ഞിക്കയും; വീഡിയോ വൈറൽ

പ്രകടനത്തെ സംബന്ധിച്ചിടത്തോളം നിലവിലുള്ള 2.3 ലിറ്റർ, 2.7 ലിറ്റർ ഇക്കോബൂസ്റ്റ് എഞ്ചിനുകൾ ഉപയോഗിക്കാം. 2.3 ലിറ്റർ നാല് സിലിണ്ടർ യൂണിറ്റ് പരമാവധി 270 bhp കരുത്തും 420 Nm torque ഉം ഉൽ‌പാദിപ്പിക്കാൻ പര്യാപ്തമാണ്.

രണ്ടാമത്തെ V6 യൂണിറ്റ് 310 bhp കരുത്തും 542 Nm torque ഉം പുറത്തെടുക്കുന്നു. സമീപഭാവിയിൽ, ബ്രോങ്കോ ഓഫ്-റോഡിംഗ് എസ്‌യുവിക്ക് 2.0 ലിറ്റർ ഇക്കോബൂസ്റ്റ് V6 എഞ്ചിൻ ലഭിക്കുന്ന റാപ്‌റ്റർ വേരിയന്റ് ലഭിച്ചേക്കാം.

5.0 ലിറ്റർ V8 എഞ്ചിനും ഇതിന് ലഭിക്കാം എന്ന് റിപ്പോർട്ടിൽ പറയുന്നു. ഏഴ് സ്പീഡ് മാനുവലും പത്ത് സ്പീഡ് ഓട്ടോയും ബ്രോങ്കോ പിക്കപ്പ് ട്രക്കിൽ സ്റ്റാൻഡേർഡായി ഫോർ വീൽ ഡ്രൈവ് സിസ്റ്റത്തിലേക്ക് പവർ അയയ്ക്കുന്ന ട്രാൻസ്മിഷൻ ഓപ്ഷനുകളായിരിക്കും.

എൻട്രി ലെവൽ മോഡലിന് 30,000 യുഎസ് ഡോളർ, ഏകദേശം 22.45 ലക്ഷം രൂപയിൽ എത്തിക്കാൻ കഴിയുമെന്നതിനാൽ ഇത് വിലയുടെ കാര്യത്തിൽ ഗ്ലാഡിയേറ്ററിനെക്കാൾ താങ്ങാവുന്നതായി മാറും.