Just In
- 9 hrs ago പ്രശസ്ത നിർമാതാവ് സ്വന്തമാക്കിയ വാഹനം കണ്ടോ, ബോളിവുഡിൽ ഇപ്പോൾ ബെൻസിൻ്റെ ചാകര
- 10 hrs ago അപ്പോ സൈക്കിളിൽ പ്രത്യക്ഷപ്പെട്ടത് ഇതിനായിരുന്നല്ലേ, വണ്ടിക്കമ്പനി മുതലാളിയായി ധോണി
- 11 hrs ago അക്ഷരം തെറ്റാതെ വിളിക്കാം 'മനിതന്'! അംഗപരിമിതരായ 13 കലാകാരന്മാര്ക്ക് സ്കൂട്ടര് സമ്മാനിച്ച് ലോറന്സ്
- 11 hrs ago വ്ലോഗിംഗും തുണിക്കടയും ഹിറ്റ്, 48 ലക്ഷത്തിന്റെ പുത്തൻ ഇലക്ട്രിക് കാർ സ്വന്തമാക്കിയ ഈ നടിയെ അറിയുമോ?
Don't Miss
- News ലോക്സഭ തിരഞ്ഞെടുപ്പ് 2024 ഒന്നാം ഘട്ടം Live: 102 മണ്ഡലങ്ങള് ബൂത്തിലേക്ക്; ബിജെപിക്ക് നിര്ണായകം
- Sports IPL 2024: 17ാം ഓവര് എറിയാനെത്തിയത് ഹാര്ദിക്, തടുത്ത് രോഹിത്; കളി മാറ്റിയ തന്ത്രം ഇതാണ്
- Lifestyle സ്വപ്നങ്ങള് യാഥാര്ത്ഥ്യമാക്കാം, പടിപടിയായി ഇക്കാര്യങ്ങള് ചെയ്താല് മതി
- Movies അന്സിബ കിണറ്റില് ചാടാന് പറഞ്ഞാലും ഋഷി ചാടും; 30 ദിവസം കഴിഞ്ഞിട്ടും ഒരു ഗുണവും ഇല്ല
- Technology വാലിഡിറ്റിക്ക് ഈ തറവാട്ടിൽ ഒരു പഞ്ഞവുമില്ല! രണ്ട് മാസത്തേക്ക് ദേ ഈ ബിഎസ്എൻഎൽ പ്ലാൻ ബെസ്റ്റാ
- Finance തുടർച്ചയായ അഞ്ചാം വർഷവും ബുൾ റൺ, നാല് വർഷത്തെ നേട്ടം 2765%, ഈ ഓഹരി പൊളിയാണ്
- Travel ആവേശം ദാ ഇവിടെ.. വണ്ടിയെടുത്ത് പോകാം! കിടിലം ആണ് ഈ റൂട്ടുകളും ഇതുവഴിയുള്ള ഡ്രൈവും!
F1 ടെക്നോളജിയോടെ MC20 സൂപ്പർകാർ അവതരിപ്പിച്ച് മസെരാട്ടി
ഇറ്റാലിയൻ ആഡംബര കാർ നിർമാതാക്കളായ മസെരാട്ടി MC20 സൂപ്പർകാർ ആഗോളതലത്തിൽ പുറത്തിറക്കി. പുതിയ മസെരാട്ടി MC20 എന്നത് മസെരാട്ടി കോർസ് 2020 -യേയും, ഒപ്പം ബ്രാൻഡിന്റെ പുതിയ കാലഘട്ടത്തിലേക്കുള്ള പ്രവേശനത്തേയും സൂചിപ്പിക്കുന്നു.
MC20 അതിന്റെ മുൻ മോഡലായ MC 12 -ൽ നിന്ന് ഡിസൈൻ പ്രചോദനം ഉൾക്കൊള്ളുന്നു. മൊഡെനയിൽ മസെരാട്ടി വികസിപ്പിച്ചെടുത്ത നെറ്റുനോ എന്ന പുതിയ V6 എഞ്ചിൻ MC20 അവതരിപ്പിക്കുന്നു.
പേറ്റന്റഡ് F1 സാങ്കേതികവിദ്യ ഉപയോഗിക്കുകയും പ്രീ-കംബസ്റ്റൻ അറ അവതരിപ്പിക്കുകയും ചെയ്യുന്നു എന്നതാണ് പുതിയ എഞ്ചിന്റെ പ്രത്യേകത.
MOST READ: മോഡൽ നിരയിൽ നേരിയ വില വർധനവ് പ്രഖ്യാപിച്ച് ഫോക്സ്വാഗൺ
3.0 ലിറ്റർ എഞ്ചിൻ 7500 rpm -ൽ 622 bhp കരുത്തും 3000-5500 rpm -ന് ഇടയിൽ 730 Nm torque ഉം ഉത്പാദിപ്പിക്കുന്നു. പിൻ വീലുകളിലേക്ക് പവർ അയക്കുന്ന എട്ട് സ്പീഡ് DCT -യുമായി എഞ്ചിൻ ഇണചേരുന്നു.
ഇറ്റാലിയൻ സൂപ്പർകാറിന് 2.9 സെക്കൻഡിനുള്ളിൽ 100 കിലോമീറ്റർ വരെ വേഗത കൈവരിക്കാനാകും. മണിക്കൂറിൽ 325 കിലോമീറ്ററാണ് വാഹനത്തിന്റെ പരമാവധി വേഗത. കമ്പനി വാഗ്ദാനം ചെയ്യുന്ന ഓപ്ഷണൽ ഇലക്ട്രോണിക് ഡിഫറൻഷ്യലിനൊപ്പം ലിമിറ്റഡ്-സ്ലിപ്പ് ഡിഫറൻഷ്യലും MC20 -യുടെ സവിശേഷതയാണ്.
MOST READ: പരീക്ഷണയോട്ടം നടത്തി ബജാജ് ക്യൂട്ട് ബിഎസ് VI സിഎന്ജി; സ്പൈ ചിത്രങ്ങള്
പരമ്പരാഗത റിയർ വിംഗ് കാറിന്റെ പിൻഭാഗത്ത് ഉപയോഗിക്കുന്നതിനുപകരം കമ്പനി മെച്ചപ്പെടുത്തിയ എയറോഡൈനാമിക്സ് ഉപയോഗിച്ചതിനാൽ MC20 ആകർഷകമായ രൂപകൽപ്പനയാണ് അവതരിപ്പിക്കുന്നത്. കമ്പനി പറയുന്നതനുസരിച്ച് ഇത് കാറിന് വൃത്തിയുള്ള രൂപം നൽകുന്നു.
മുൻവശത്ത് ഗ്രില്ലിന്റെ ഇരുവശത്തും ഇന്റഗ്രേറ്റഡ് ഡിആർഎല്ലുകളുള്ള മെലിഞ്ഞ രൂപത്തിലുള്ള എൽഇഡി ഹെഡ്ലാമ്പുകൾ ഉണ്ട്. എയറോഡൈനാമിക് കഴിവിനായി ഹൂഡിന്റെ ഇരുവശത്തും രണ്ട് സ്കൂപ്പുകൾ സഹിതം ഗ്രില്ലിന്റെ മധ്യഭാഗത്ത് ഒരു വലിയ മസെരാട്ടി ലോഗോയും സ്ഥാപിച്ചിരിക്കുന്നു.
MOST READ: ടി-റോക്ക് പൂർണമായും വിറ്റഴിച്ച് ഫോക്സ്വാഗൺ; ബുക്കിംഗും താത്ക്കാലികമായി നിർത്തിവെച്ചു
പിൻഭാഗത്ത്, ഷാർപ്പും അഗ്രസ്സീവുമായ ആകൃതിയിലുള്ള ടെയിൽ ലാമ്പുകൾ, റിയർ ഡിഫ്യൂസർ, ഇരട്ട എക്സ്ഹോസ്റ്റ്, ഒരു സ്പോയിലർ അനുകരിക്കാൻ ഒരു ചെറിയ ചിക്ക് എന്നിവ ഉപയോഗിച്ച് മെലിഞ്ഞ രൂപകൽപ്പന തുടരുന്നു. മിഡ് എഞ്ചിൻ സൂപ്പർകാറിന് ബട്ടർഫ്ലൈ വാതിലുകളും 20 ഇഞ്ച് അലോയി വീലുകളും സമൂലമായ രൂപകൽപ്പനയിൽ ഉൾക്കൊള്ളുന്നു.
കാർബൺ ഫൈബർ ഉപയോഗിച്ചാണ് മിക്കവാറും കാറിന്റെ മുഴുവൻ ഭാഗവും നിർമ്മിച്ചിരിക്കുന്നത്. ഇത് ഭാരം കുറയ്ക്കാൻ സഹായിക്കുമെന്നും മസെരാട്ടി പ്രഖ്യാപിച്ചു.
MOST READ: ഗ്ലാൻസയെ സ്റ്റാർലെറ്റ് നെയിംപ്ലേറ്റിൽ അവതരിപ്പിക്കാനൊരുങ്ങി ടൊയോട്ട
തൽഫലമായി, MC20 -ക്ക് 1500 കിലോഗ്രാമിൽ താഴെയാണ് ഭാരം വരുന്നത്. 621 bhp കരുത്ത് ഉപയോഗിച്ച് ഇത് മികച്ച ഹാൻഡ്ലിംഗ് സവിശേഷതകളുള്ള കാറിനെ അങ്ങേയറ്റം ചടുലമാക്കുന്നു.
അകത്ത്, മനോഹരമായ ഡിസൈൻ സമീപനമുള്ള നീലയും കറുപ്പും നിറത്തിലുള്ള തീം MC20 അവതരിപ്പിക്കുന്നു. സ്പോർടി ലുക്കിനായി കോൺട്രാസ്റ്റിംഗ് സ്റ്റിച്ചിംഗ് മേക്കിംഗുള്ള റേസിംഗ് ബക്കറ്റ് സീറ്റുകൾ സൂപ്പർകാർ അവതരിപ്പിക്കുന്നു.
ഇൻസ്ട്രുമെന്റ് ക്ലസ്റ്ററിനും, ഇൻഫൊർട്ടെയിൻമെന്റ് സിസ്റ്റത്തിനുമായി രണ്ട് 10.25 ഇഞ്ച് സ്ക്രീനുകളും വാഹനത്തിൽ വരുന്നു. ആൻഡ്രോയിഡ് ഓട്ടോ, ആപ്പിൾ കാർപ്ലേ, കണക്റ്റഡ് സാങ്കേതികവിദ്യയുള്ള ബ്രാൻഡിന്റെ (MIA) മസെരാട്ടി ഇന്റലിജന്റ് അസിസ്റ്റന്റ് എന്നിവയെ പിന്തുണയ്ക്കുന്ന ഫ്ലോട്ടിംഗ് ടച്ച്സ്ക്രീൻ ഇൻഫോടെയ്ൻമെന്റ് ഡിസ്പ്ലേ ക്യാബിന്റെ പ്രധാന സവിശേഷതയാണ്.
ആമസോൺ അലക്സാ സേവനങ്ങൾ അല്ലെങ്കിൽ മസെരാട്ടിക്കുള്ളിൽ ഒരു വൈഫൈ ഹോട്ട്സ്പോട്ട് സജീവമാക്കുന്നതിനും MIA പ്രാപ്തമാണ്.
അൽകന്റാര ഫിനിഷ്ഡ് അപ്ഹോൾസ്റ്ററി, ഡിജിറ്റൽ ഇന്റേണൽ റിയർ വ്യൂ മിറർ (IRVM), ചതുരാകൃതിയിലുള്ള എയർ-കണ്ടീഷൻ വെന്റുകൾ, സോനോസിന്റെ ആറ് സ്പീക്കർ പ്രീമിയം സൗണ്ട് സിസ്റ്റം, കാർബൺ ഫൈബറിൽ പൂർത്തിയായ സെന്റർ കൺസോൾ, അൽകന്റാര, കാർബൺ ഫൈബർ എന്നിവയുടെ മിശ്രിതത്തിൽ ഒരുക്കിയ മൾട്ടിഫംഗ്ഷൻ സ്പോർട്സ് സ്റ്റിയറിംഗ് വീൽ എന്നിവയാണ് മറ്റ് സവിശേഷതകൾ. സ്റ്റിയറിംഗ് വീലിനു പിന്നിലുള്ള പാഡിൽ-ഷിഫ്റ്ററുകളും കാർബൺ ഫൈബറിൽ പൂർത്തിയാക്കി.
MC20 -ക്ക് അഞ്ച് ഡ്രൈവിംഗ് മോഡുകൾ ഉണ്ട്, ടണലിന്റെ മധ്യഭാഗത്തുള്ള സെലക്ടർ ഉപയോഗിച്ച് തിരഞ്ഞെടുക്കാം. വെറ്റ്, GT, സ്പോർട്ട്, കോർസ, ESC ഓഫ് എന്നിവയാണ് ഡ്രൈവ് മോഡുകൾ. ഇൻസ്ട്രുമെന്റ് ക്ലസ്റ്ററിലെ ഓരോ നിറവും ഇവയെ ഓരോന്നിനേയും തിരിച്ചറിയുന്നു.
നിരവധി നിറങ്ങളുടെ ഓപ്ഷനുകൾ മസെരാട്ടി MC20 വാഗ്ദാനം ചെയ്യുന്നു. ഇതിൽ ബിയാൻകോ ഓഡേസ് (മഞ്ഞ / വെള്ള), ജിയല്ലോ ജെനിയോ (നീല / മഞ്ഞ), റോസോ വിൻസെന്റ് (ചുവപ്പ്), ബ്ലൂ ഇൻഫിനിറ്റോ (നീല), നീറോ എനിഗ്മ (കറുപ്പ്), ഗ്രിജിയോ മിസ്റ്റെറോ (ഡാർക്ക് ഗ്രേ) എന്നിവ ഉൾപ്പെടുന്നു. കമ്പനി പറയുന്നതനുസരിച്ച്, കളർ ഓപ്ഷനുകൾ ഉത്ഭവിച്ചതും ബ്രാൻഡിന്റെ പഴയ മികച്ച മോഡലുകളിൽ നിന്ന് പ്രചോദനം ഉൾക്കൊണ്ടാണ്.
ഇറ്റലിയിലെ മൊഡെനയിലുള്ള ബ്രാൻഡിന്റെ ഫാക്ടറിയിലാണ് മസെരാട്ടി MC20 അനാച്ഛാദനം ചെയ്തത്. പുതിയ MC20 സൂപ്പർകാർ നിർമാണത്തിന് അനുയോജ്യമായ രീതിയിൽ അത്യാധുനിക സൗകര്യം കമ്പനി നവീകരിച്ചു. അടുത്ത വർഷം വാഹനം വിൽപ്പനയ്ക്ക് എത്തുമെന്നാണ് പ്രതീക്ഷിക്കുന്നത്, അന്താരാഷ്ട്ര വിപണിയിൽ 200,000 യുഎസ് ഡോളറിന് കീഴിൽ വില നിശ്ചയിക്കാം.