മാഗ്നൈറ്റിലൂടെ നിസാൻ ലക്ഷ്യമിടുന്നത് 2,000 യൂണിറ്റിന്റെ പ്രതിമാസ വിൽപ്പന

അടുത്തിടെ ഔദ്യോഗിക ചിത്രങ്ങളിലൂടെ ആഗോളതലത്തിൽ വാഹനം അരങ്ങേറ്റം കുറിച്ചിരുന്നു. എന്നാൽ മാഗ്നൈറ്റ് എന്ന് വിപണിയിൽ ഇടംപിടിക്കുമെന്ന വിശദാംശങ്ങളൊന്നും നിസാൻ വെളിപ്പെടുത്തിയിട്ടില്ല.

എങ്കിലും കോംപാക്‌ട് എസ്‌യുവി ഈ വർഷാവസാനം അല്ലെങ്കിൽ അടുത്ത വർഷം ആദ്യം ഷോറൂമുകളിൽ എത്തുമെന്നാണ് സൂചന. ആക്രമണാത്മക വിലനിർണയം നേടാനും മാഗ്നൈറ്റിന്റെ 1,500-2,000 യൂണിറ്റുകൾ പ്രതിമാസ അടിസ്ഥാനത്തിൽ വിൽക്കാനുമാണ് നിസാൻ പദ്ധതിയിടുന്നത്.

MOST READ: ജയിൽ വകുപ്പിന് കീഴിൽ പെട്രോൾ പമ്പുകൾ ആരംഭിച്ച് കേരളം

ക്രോസ്ഓവർ പോലുള്ള നിലപാട്, ചരിഞ്ഞ എ, സി-പില്ലറുകൾ, ഫ്ലേഡ് വീൽ ആർച്ചുകൾ എന്നിവയുൾപ്പെടെയുള്ള ഡിസൈൻ ബിറ്റുകളിൽ ഭൂരിഭാഗവും എസ്‌യുവി നിലനിർത്താൻ സാധ്യതയുണ്ട്.

ഹെഡ്‌ലാമ്പുകൾ നിസാൻ കിക്‌സിന് സമാനമായി കാണപ്പെടുമ്പോൾ വലിയ ഒക്ടാകോർ ഗ്രില്ലും എൽ ആകൃതിയിലുള്ള ഡിആർഎല്ലുകളും ഡാറ്റ്സൻ മോഡലുകളെ ഓർമപ്പെടുത്തുന്നു. ഗ്രില്ലിലെയും ഫ്രണ്ട് ബമ്പറിലെയും ക്രോം, റെഡ് വിശദാംശങ്ങൾ പരുക്കൻ സ്‌കഫ് പ്ലേറ്റ് ഉപയോഗിച്ച് അതിന്റെ സ്‌പോർടി ലുക്ക് കൂടുതൽ വർധിപ്പിക്കുന്നു.

MOST READ: ബിഎസ് IV വാഹനങ്ങളുടെ വില്‍പ്പന; വാദം കേള്‍ക്കുന്നത് ഓഗസ്റ്റ് 13-ലേക്ക് മാറ്റി സുപ്രീംകോടതി

ക്രോംഡ് ഡോർ ഹാൻഡിലുകൾ, കോൺട്രാസ്റ്റ് മേൽക്കൂര, കറുത്ത എ-പില്ലറുൾ, വീൽ ആർച്ചുകളിലും ഡോർ സില്ലുകളിലും ക്ലാഡിംഗ്, എൽഇഡി ടെയിലാമ്പുകൾ, ബ്രഷ്ഡ് സിൽവർ മൂലകങ്ങളുള്ള റിയർ ബമ്പർ, സ്കഫ് പ്ലേറ്റ് എന്നിവയാണ് വാഹനത്തിലെ മറ്റ് രസകരമായ ഘടകങ്ങൾ.

മാഗ്നൈറ്റിന്റെ അകത്തളത്തെ വിശേഷങ്ങൾ മറനീക്കിയിട്ടില്ലെങ്കിലും 8.0 ഇഞ്ച് ടച്ച്‌സ്‌ക്രീൻ ഇൻഫോടെയ്ൻമെന്റ് സിസ്റ്റം, 360 ഡിഗ്രി ക്യാമറ, കണക്റ്റഡ് കാർ സാങ്കേതികവിദ്യ, ക്രൂയിസ് നിയന്ത്രണം എന്നിവയുയെല്ലാം നിസാൻ വാഗ്‌ദാനം ചെയ്തേക്കും. പുത്തൻ കോംപാക്‌ട് എസ്‌യുവിയിൽ ഒരു ഇലക്ട്രിക് സൺറൂഫും ഇടംപിടിക്കുമെന്ന അഭ്യൂഹങ്ങളും പുറത്തു വരുന്നുണ്ട്.

MOST READ: വേർണയുടെ പുത്തൻ പരസ്യ വീഡിയോയുമായി ഹ്യുണ്ടായി

നാച്ചുറലി ആസ്പിറേറ്റഡ് 1.0 ലിറ്റർ 3 സിലിണ്ടർ പെട്രോൾ, ടർബോചാർജ്ഡ് 1.0 ലിറ്റർ, 3 സിലിണ്ടർ പെട്രോൾ എഞ്ചിൻ എന്നിവ നിസാൻ മാഗ്നൈറ്റ് ഉപയോഗിക്കും. ആദ്യത്തേത് പരമാവധി 72 bhp കരുത്ത് ഉത്പാദിപ്പിക്കുമ്പോൾ രണ്ടാമത്തേത് 95 bhp പവറാകും വികസിപ്പിക്കുക. NA യൂണിറ്റിൽ ഒരു മാനുവൽ ഗിയർബോക്സ് അല്ലെങ്കിൽ എഎംടി യൂണിറ്റ് ഉപയോഗിച്ച് ഉണ്ടായിരിക്കാം.

അതേസമയം ടർബോ പെട്രോൾ എഞ്ചിനിൽ ഒരു മാനുവൽ, സിവിടി ഓട്ടോമാറ്റിക് ഗിയർബോക്സായിരിക്കും തെരഞ്ഞെടുക്കാൻ സാധിക്കുക. വരാനിരിക്കുന്ന മാഗ്നൈറ്റ് കോംപാക്‌ട് എസ്‌യുവിയുടെ വില 5.25 ലക്ഷം രൂപ ആയിരിക്കുമെന്നാണ് റിപ്പോർട്ട്. ഈ വിലയിൽ വിപണിയിൽ എത്തിയാൽ രാജ്യത്തെ ഏറ്റവും താങ്ങാനാവുന്ന എസ്‌യുവിയാകുമിത്.