ഡീലർഷിപ്പുകൾ തുറന്നതിന് പിന്നാലെ 1600 യൂണിറ്റുകൾ ഡെലിവറി ചെയ്ത് മാരുതി

കേന്ദ്ര-സംസ്ഥാന സർക്കാരുകൾ 2020 മെയ് 4 -ന് ശേഷം ഇന്ത്യയിലുടനീളമുള്ള ഗ്രീൻ സോണുകളിലെ വാഹന ഡീലർഷിപ്പുകൾക്കും മറ്റ് ബിസിനസുകൾക്കും പ്രവർത്തനം പുനരാരംഭിക്കാൻ അനുവാദം നൽകിയിരുന്നു.

ET ഓട്ടോയിൽ നിന്നുള്ള റിപ്പോർട്ടുകൾ പ്രകാരം പുനരാരംഭിച്ചതിനുശേഷം 1,600 യൂണിറ്റ് വാഹനങ്ങൾ മാരുതി സുസുക്കി ഡെലിവറി ചെയ്തു.

MOST READ: 15 വര്‍ഷത്തില്‍ കൂടുതല്‍ വാഹനങ്ങള്‍ക്ക് ആയുസ്സുണ്ടാകില്ല; പുതിയ സ്‌ക്രാപ് നയം ഉടന്‍

ഈ ഡെലിവറികളിൽ ഭൂരിഭാഗവും ലോക്ക്ഡൗണിന് മുമ്പ് നടത്തിയ ബുക്കിംഗുകളിൽ നിന്നുള്ളതാണ്. മാരുതി സുസുക്കി വിതരണം ചെയ്ത കാറുകൾ പ്രധാനമായും ലോക്ക്ഡൗൺ ആരംഭിക്കുന്നതിന് മുമ്പ് നിർമ്മിച്ച അവരുടെ ഇൻവെന്ററിയിൽ അവശേഷിക്കുന്ന സ്റ്റോക്കുകളിൽ നിന്നായിരുന്നു.

2020 മാർച്ച് 24 -ന് കൊറോണ വൈറസ് വ്യാപനം തടയുന്നതിനായി ഇന്ത്യ രാജ്യവ്യാപകമായി ലോക്ക്ഡൗണിൽ പ്രവേശിച്ചു. ലോക്ക്ഡൗൺ തുടക്കത്തിൽ ഏപ്രിൽ 14 ന് അവസാനിക്കേണ്ടതായിരുന്നു.

MOST READ: പൗരാണികതയുടെ പകിട്ട് നിലനിർത്തി റെസ്റ്റോമോഡ് പ്രീമിയർ പദ്മിനി

എന്നിരുന്നാലും സ്ഥിതികൾ മോശമായതിനെ തുടർന്ന് ഇത് രണ്ടുതവണ നീട്ടിയിരുന്നു, ഇപ്പോൾ മെയ് 17 -ന് അവസാനിക്കും എന്ന് കരുതുന്നു.

എന്നിരുന്നാലും, ഗ്രീൻ സോണുകളിൽ സ്ഥിതിചെയ്യുന്ന വ്യവസായങ്ങൾക്ക് 2020 മെയ് 4 മുതൽ ഭാഗിക പ്രവർത്തനങ്ങൾ പുനരാരംഭിക്കാൻ കേന്ദ്ര-സംസ്ഥാന സർക്കാർ അനുമതി നൽകിയിട്ടുണ്ട്.

MOST READ: കൊവിഡ്; തമിഴ്നാട് സർക്കാരിന് 50 ലക്ഷം രൂപ ധനസഹായം നൽകി ഓല

പ്രവർത്തനം സാവധാനം പുനരാരംഭിക്കാനുള്ള ഈ തീരുമാനം 40 ദിവസത്തെ ഷട്ട്ഡൗൺ മൂലം തകർന്ന ഇന്ത്യൻ സമ്പദ്‌വ്യവസ്ഥയെ ശക്തിപ്പെടുത്താൻ സഹായിക്കുന്നതിനാണ്.

മാരുതി സുസുക്കിയെ കൂടാതെ മിക്കവാറും എല്ലാ പ്രമുഖ വാഹന നിർമാതാക്കളും സാവധാനം പ്രവർത്തനം പുനരാരംഭിക്കുന്നു. ഉൽ‌പാദന പ്രക്രിയകളും ഡീലർഷിപ്പുകളിലെ വിൽ‌പന, സേവന പ്രവർ‌ത്തനങ്ങളും ഇതിൽ‌ ഉൾ‌പ്പെടുന്നു.

MOST READ: എൺപതുകളുടെ പ്രൗഢിയിൽ ഇന്നും തിളങ്ങി മാർക്ക് IV അംബാസഡർ

സർക്കാർ നിശ്ചയിച്ചിട്ടുള്ള എല്ലാ മാർഗ്ഗനിർദ്ദേശങ്ങളും പാലിക്കുന്നുണ്ടെന്ന് ബിസിനസുകൾ ഉറപ്പാക്കുന്നു. സുരക്ഷ, സാമൂഹിക അകലം, വ്യക്തിഗത ശുചിത്വ പ്രോട്ടോക്കോളുകൾ എന്നിവ ഇതിൽ ഉൾപ്പെടുന്നു.

കമ്പനികൾ അവരുടെ ജീവനക്കാരുടെയും ഉപഭോക്താക്കളുടെയും സുരക്ഷ ഒരുപോലെ ഉറപ്പുവരുത്തുന്നതിനായി അവരുടെ സ്വന്തം സുരക്ഷാ നടപടികളും ആരംഭിച്ചിരിക്കുന്നു.

അവശ്യ സ്റ്റാഫ് അംഗങ്ങളെ മാത്രം ജോലിയിലേക്ക് കൊണ്ടുവരുന്നത് കമ്പനികളുടെ മറ്റ് സുരക്ഷാ നടപടികളിൽ ഉൾപ്പെടുന്നു. ശേഷിക്കുന്ന ജീവനക്കാർ കൂടുതൽ അറിയിപ്പ് ഉണ്ടാകുന്നതുവരെ വീട്ടിൽ നിന്ന് ജോലി ചെയ്യുന്നത് തുടരും.