റെനോ ട്രൈബർ AMT പതിപ്പ് ഇന്ത്യയിൽ പുറത്തിറക്കി; വില 6.18 ലക്ഷം

മാനുവലും AMT -യും തമ്മിലുള്ള വില വ്യത്യാസം 40,000 രൂപയാണ്, ഇത് വിപണിയിൽ മികച്ച മൂല്യനിർണ്ണയമാണ്. ട്രൈബർ AMT ഓൺ‌ലൈനായി ബുക്കിംഗ് ആരംഭിച്ചുവെന്നും വരും ആഴ്ചകളിൽ ഡെലിവറികൾ ആരംഭിക്കുമെന്നും കമ്പനി പറയുന്നു.

ഉപയോക്താക്കൾക്ക് ടെസ്റ്റ് ഡ്രൈവിനായി ട്രൈബർ AMT ഇന്നു മുതൽ ഡീലർഷിപ്പുകളിൽ എത്തുമെന്ന് കമ്പനി വ്യക്തമാക്കിയിട്ടുണ്ട്.

MOST READ: ടെസ്‌ല മോഡൽ 3 -ക്ക് വെല്ലുവിളിയായി ഹാൻ ഇവി അവതരിപ്പിച്ച് BYD

ട്രൈബർ ശ്രേണി ഇന്ത്യയിൽ 4.99 ലക്ഷം രൂപയിൽ ആരംഭിക്കുന്നു. എന്നാൽ അടിസ്ഥാന AMT പതിപ്പായ RXL 6.18 ലക്ഷം രൂപയ്ക്ക് എത്തുന്നു. RXT പതിപ്പിന് 6.62 ലക്ഷം രൂപയും RXZ -ന് 7.22 ലക്ഷം രൂപയുമാണ് എക്സ്-ഷോറൂം വില.

ട്രൈബറിന്റെ AMT പതിപ്പിനൊപ്പ് സൗകര്യപ്രദവും ആകർഷകവും താങ്ങാനാവുന്നതുമായ ട്രൈബറിന്റെ യു‌എസ്‌പികളെ കൂടുതൽ മെച്ചപ്പെടുത്തും. വികസിച്ചുകൊണ്ടിരിക്കുന്ന ഉപഭോക്തൃ മുൻ‌ഗണനകൾ നോക്കുമ്പോൾ AMT സാങ്കേതികവിദ്യ ഒരു വിഭാഗങ്ങളിലുടനീളം ജനപ്രിയ ചോയ്‌സാവുകയാണ്.

MOST READ: ഹിറ്റായി മാരുതി എസ്-പ്രെസോ, പ്രതിമാസ വിൽപ്പനയിൽ വർധനവ്

റെനോ ട്രൈബർ ഈസി-R AMT ഉപയോഗിച്ച് ട്രൈബർ ശ്രേണി നിർമ്മിക്കുന്നതിൽ തങ്ങൾക്ക് സന്തോഷമുണ്ട് എന്ന് റെനോ ഇന്ത്യ ഓപ്പറേഷൻസ് കൺട്രി സിഇഒയും മാനേജിംഗ് ഡയറക്ടറുമായ വെങ്കട്ടരം മാമിലപ്പള്ളെ പറഞ്ഞു.

1.0 ലിറ്റർ പെട്രോൾ എഞ്ചിനൊപ്പം മാത്രമേ റെനോ ട്രൈബർ ഈസി-R AMT ലഭ്യമാകൂ. മൂന്ന് സിലിണ്ടർ എഞ്ചിൻ 61 bhp കരുത്തും 96 Nm torque ഉം പുറപ്പെടുവിക്കുന്നു. എഞ്ചിൻ ബിഎസ് VI എമിഷൻ മാനദണ്ഡങ്ങൾ പാലിക്കുന്നു.

MOST READ: കൊറോണ ഇഫക്ട്; പുതിയ വാഹനം വേണ്ടെന്നുവെച്ച് രാഷ്ട്രപതി

അവസാന വരി സീറ്റുകൾക്കായി വേർപെടുത്താവുന്ന സംവിധാനമുള്ള ഏഴ് സീറ്റർ എംപിവിയാണ് ട്രൈബർ, ഇത് പൂർണ്ണമായും നീക്കംചെയ്യാനും കൂടുതൽ ലഗേജുകൾക്ക് വഴിയൊരുക്കാനും ഉപബോക്താക്കളെ അനുവദിക്കുന്നു.

മൂന്നാമത്തെ വരിയിൽ നിങ്ങൾക്ക് രണ്ട് വ്യക്തിഗത സീറ്റുകൾ ലഭിക്കുന്നു, അതിനാൽ വാഹനത്തിൽ യാത്ര ചെയ്യുന്ന ആളുകളുടെ എണ്ണം അനുസരിച്ച് സീറ്റുകൾ ക്രമീകരിക്കാൻ കഴിയും.

MOST READ: പ്രവര്‍ത്തന ക്ഷമമല്ലാത്ത ഫാസ്ടാഗുള്ള വാഹനങ്ങള്‍ക്ക് ഇരട്ടി ടോള്‍ ഈടാക്കാന്‍ കേന്ദ്രസര്‍ക്കാര്‍

മൂന്നാമത്തെ വരിയിൽ മുതിർന്നവർക്ക് ചെറു യാത്രകൾക്ക് മാത്രമേ ഉപയോഗിക്കാൻ കഴിയൂ. എല്ലാ സീറ്റുകളും ഉപയോഗത്തിലായിരിക്കുമ്പോൾ ബൂട്ട് സ്പേസ് 84 ലിറ്ററായി പരിമിതപ്പെടും എന്നാൽ ഇത് 625 ലിറ്ററായി വികസിപ്പിക്കാനും കഴിയും.

ഗിയർ ലിവറിനുപുറത്ത്, മാനുവൽ ട്രാൻസ്മിഷൻ വേരിയന്റുമായി താരതമ്യപ്പെടുത്തുമ്പോൾ മാറ്റങ്ങളൊന്നുമില്ല. ആപ്പിൾ കാർപ്ലേയും ആൻഡ്രോയിഡ് ഓട്ടോയും പിന്തുണയ്ക്കുന്ന 8.0 ഇഞ്ച് ഇൻഫോടെയ്ൻമെന്റ് സിസ്റ്റം വാഹനത്തിന് ലഭിക്കുന്നു.

പുഷ്-ബട്ടൺ സ്റ്റാർട്ട്, മുൻവശത്ത് യുഎസ്ബി ചാർജിംഗ്, രണ്ടാം നിര, മൂന്നാം നിര യാത്രക്കാർക്ക് 12 V ചാർജുകൾ, റിവേർസ് ക്യാമറ, കൂൾഡ് ഗ്ലോവ് ബോക്സ്, ക്ലൈമറ്റ് കൺട്രോൾ, പിൻ യാത്രക്കാർക്ക് പ്രത്യേക എയർ കോൺ കൺട്യോൾ, കീലെസ്സ് എൻ‌ട്രി എന്നിവയും ട്രൈബറിൽ സജ്ജീകരിച്ചിരിക്കുന്നു.

സുരക്ഷാ സവിശേഷതയുടെ കാര്യത്തിൽ, നാല് എയർബാഗുകൾ, മൂന്ന് വരികൾക്കും മൂന്ന്-പോയിന്റ് സീറ്റ് ബെൽറ്റുകൾ, നിർബന്ധിത സ്പീഡ് അലേർട്ട് സിസ്റ്റം, പിൻ പാർക്കിംഗ് സെൻസറുകൾ, സീറ്റ് ബെൽറ്റ് അലേർട്ട് എന്നിവ പുതിയ സുരക്ഷാ മാനദണ്ഡങ്ങൾ പാലിക്കാൻ സഹായിക്കുന്നു.