Click it and Unblock the Notifications
ആള്ട്രോസ് XT വകഭേദത്തെ നവീകരിച്ച് ടാറ്റ; വിലയില് മാറ്റമില്ല
പ്രീമിയം ഹാച്ച്ബാക്ക് ശ്രേണിയില് ടാറ്റയുടെ ജനപ്രീയ വാഹനമാണ് ആള്ട്രോസ്. ഈ വര്ഷത്തിന്റെ തുടക്കത്തിലാണ് വാഹനം വിപിയില് എത്തുന്നത്.
മാരുതി സുസുക്കി ബലേനോ, ഹ്യുണ്ടായി എലൈറ്റ് i20, ടൊയോട്ട ഗ്ലാന്സ, ഹോണ്ട ജാസ്, ഫോക്സ്വാഗണ് പോളോ എന്നിവരാണ് ആള്ട്രോസിന്റെ വിപണിയിലെ പ്രധാന എതിരാളികള്. മത്സരം കടുത്തതോടൊ മിഡ്-സ്പെക്ക് മോഡലായ XT പതിപ്പിനെ നവീകരിച്ചിരിക്കുകയാണ് നിര്മ്മാതാക്കള്.
പെട്രോള്, ഡീസല് എഞ്ചിനുകളില് ഈ പതിപ്പ് വിപണിയില് ലഭ്യമാണ്. പെട്രോള് പതിപ്പിന് 6.84 ലക്ഷം രൂപയും ഡീസല് പതിപ്പിന് 8.44 ലക്ഷം രൂപയുമാണ് എക്സ്ഷോറൂം വില. പതിപ്പില് നവീകരണം കൊണ്ടുവന്നിട്ടുണ്ടെങ്കിലും വിലയില് വര്ധനവ് ഒന്നും തന്നെ നിര്മ്മാതാക്കള് വരുത്തിയിട്ടില്ല.
MOST READ: 2021 സാമ്പത്തിക വർഷത്തിന്റെ ഒന്നാംപാദം ബജാജിന് 53 ശതമാനം നഷ്ടം
പ്രധാന മാറ്റം വരുത്തിയിരിക്കുന്നത്, നേരത്തെ മാനുവല് ആയിട്ട് ക്രമീകരിച്ചിരുന്ന എസി സ്വിച്ചുകള്ക്ക് പകരം പൂര്ണമായും ഓട്ടോമാറ്റിക് ആക്കിമാറ്റി. വോയിസ് കമാന്ഡുകള് വഴിയും ഇത് നിയന്ത്രിക്കാന് സാധിക്കും.
ഓട്ടോ ക്ലൈമറ്റ് കണ്ട്രോള് കൂട്ടിച്ചേര്ത്തതോടെ, XT മികച്ച മൂല്യമുള്ള ഒരു വേരിയന്റായി മാറുന്നു. ആപ്പിള് കാര്പ്ലേ, ആന്ഡ്രോയിഡ് ഓട്ടോ എന്നിവ പിന്തുണയ്ക്കുന്ന 7.0 ഇഞ്ച് ടച്ച്സ്ക്രീന്, പുഷ് ബട്ടണ് സ്റ്റാര്ട്ട്-സ്റ്റോപ്പിനൊപ്പം കീലെസ് എന്ട്രി, 16 ഇഞ്ച് സ്റ്റീല് വീലുകള് തുടങ്ങിയ സവിശേഷതകളും ഈ പതിപ്പില് ലഭിക്കുന്നു.
MOST READ: നാലാം തലമുറ ഹോണ്ട സിറ്റിയുടെ ഉയര്ന്ന വകഭേദങ്ങള് പിന്വലിച്ചേക്കും
കൂടാതെ ഉയരം ക്രമീകരിക്കാവുന്ന ഡ്രൈവര് സീറ്റും ചേര്ത്ത് XT ഒരു പൂര്ണ്ണ പാക്കേജാക്കി നിര്മ്മാതാക്കള് മാറ്റുന്നു. ക്രൂയിസ് കണ്ട്രോള്, മള്ട്ടി-ഇന്ഫോ ഡിസ്പ്ലേ, കോര്ണറിംഗ് ഹെഡ്ലാമ്പുകള്, ഡ്യുവല് എയര്ബാഗുകള്, ഇബിഡിയുള്ള എബിഎസ്, റിയര് പാര്ക്കിംഗ് സെന്സറുകള് എന്നിവയാണ് ഈ പതിപ്പിലെ മറ്റ് സവിശേഷതകള്.
ഫീച്ചറുകള് നാമമാത്രമായി നല്കിയിട്ടുണ്ടെങ്കിലും വിലയില് കമ്പനി വര്ധനവ് ഒന്നും തന്നെ വരുത്തിയിട്ടില്ല. ആല്ഫ പ്ലാറ്റ്ഫോമില് ഇംപാക്ട് 2.0 ഡിസൈന് ശൈലിയെ അടിസ്ഥാനമാക്കിയാണ് വാഹനം നിര്മ്മിച്ചിരിക്കുന്നത്.
MOST READ: ഫോക്സ്വാഗണ് പസാറ്റ് ഫെയ്സ്ലിഫ്റ്റിന്റെ അരങ്ങേറ്റം ഉടന്
ബിഎസ് VI നിലവാരത്തിലുള്ള 1.2 ലിറ്റര് പെട്രോള്, 1.5 ലിറ്റര് ഡീസല് എഞ്ചിനുകളാണ് വാഹനത്തിന്റെ കരുത്ത്. പെട്രോള് എഞ്ചിന് 86 bhp കരുത്തും 114 Nm torque ഉം സൃഷ്ടിക്കും.
ഡീസല് 90 bhp കരുത്തും 200 Nm torque ഉം സൃഷ്ടിക്കും. അഞ്ച് സ്പീഡ് മാനുവലാണ് ഗിയര്ബോക്സ്. നേര്ത്ത ഡിസൈനിലുള്ള വീതിയേറിയ ഗ്രില്ല്, സ്പോര്ട്ടി ബമ്പര്, വലിയ എല്ഇഡി ഹെഡ്ലാമ്പുകള് എന്നിവയാണ് ആള്ട്രോസിന്റെ മുന്വശത്തെ മനോഹരമാക്കുന്നത്.
MOST READ: SAIC മോട്ടോർ കോർപ്പറേഷൻ ഇന്റലിജൻസ് നിരീക്ഷണത്തിൽ; ഇന്ത്യയിൽ എംജിക്കും പണി കിട്ടിയേക്കാം
പിന്ഭാഗവും പതിവ് ടാറ്റ കാറുകളില്നിന്ന് വ്യത്യസ്തമാണ്. കറുത്ത ആവരണത്തില് പൊതിഞ്ഞിരിക്കുന്ന റാപ് എറൗണ്ട് എല്ഇഡി ടെയില് ലാമ്പുകളും, ബമ്പറില് ഇടം പിടിച്ചിരിക്കുന്ന ലൈസന്സ് പ്ലേറ്റും പിന്വശത്തെ മനോഹരമാക്കുന്നു.
Continue with Google