ആഢംബരത്തിന് മാറ്റുകൂട്ടാൻ പുതുതലമുറ വോൾവോ S60; അടുത്ത വർഷം ഇന്ത്യയിലേക്ക്

എന്നാൽ കൊവിഡ്-19 മഹാമാരിയുടെ പശ്ചാത്തലത്തിൽ പുത്തൻ വോൾവോ S60 യുടെ അവതരണം കമ്പനി അടുത്ത വർഷത്തേക്ക് മാറ്റുകയായിരുന്നു. പുതിയ മോഡൽ പെട്രോൾ മാത്രമുള്ള കാറായിരിക്കുമെന്ന് വോൾവോ കാർ ഇന്ത്യ മാനേജിംഗ് ഡയറക്ടർ ചാൾസ് ഫ്രമ്പ് സ്ഥിരീകരിച്ചിട്ടുണ്ട്.

വോൾവോ S60-യുടെ എഞ്ചിൻ 2.0 ലിറ്റർ, നാല് സിലിണ്ടർ യൂണിറ്റാണ്. അത് അന്തർദ്ദേശീയമായി വിവിധ ട്യൂൺ അവസ്ഥയിലാണ് വാഗ്‌ദാനം ചെയ്യുന്നത്. ഫ്രണ്ട്-വീൽ ഡ്രൈവുള്ള ടർബോ പെട്രോൾ T4 യൂണിറ്റിന് 190 bhp പവർ വികസിപ്പിക്കാൻ ശേഷിയുണ്ട്. അതേസമയം T8 ട്വിൻ എഞ്ചിൻ പ്ലഗ്-ഇൻ ഹൈബ്രിഡ് മോഡൽ 390 bhp കരുത്ത് വരെ ഉത്പാദിപ്പിക്കാൻ പ്രാപ്‌തമാണ്.

MOST READ: ആക്ടിവ 125 നേരിയ വില വര്‍ധനവുമായി ഹോണ്ട

എല്ലാ വേരിയന്റുകളിലും എട്ട് സ്പീഡ് ഓട്ടോമാറ്റിക് ഗിയർബോക്സ് സ്റ്റാൻഡേർഡാണ്. ഇന്ത്യയിൽ XC40 എസ്‌യുവിക്ക് കരുത്ത് പകരുന്ന അതേ എഞ്ചിൻ ഉപയോഗിച്ചാണ് വോൾവോ ഇന്ത്യയിൽ ലോവർ പവർ S60 T4 പതിപ്പ് വാഗ്ദാനം ചെയ്യുന്നത്.

രണ്ട് എഞ്ചിനുകളിലും ആർ-ഡിസൈൻ മാത്രമായിരിക്കും തെരഞ്ഞെടുക്കാൻ സാധിക്കുന്ന വേരിയന്റുകൾ. മുൻതലമുറ വോൾവോ S60 സെഡാൻ പഴയ ഫോർഡ് പ്ലാറ്റ്ഫോം അടിസ്ഥാനമാക്കിയുള്ളതാണ്. 2011 മുതൽ 2019 ജൂലൈ വരെ ഇത് വിൽപ്പനക്ക് എത്തിയിരുന്നു. പിന്നീട് ഇന്ത്യൻ വിപണിയിൽ നിന്നും വോൾവോ ഇത് പിൻവലിക്കുകയായിരുന്നു.

MOST READ: വിഷൻ ഇൻ കൺസെപ്റ്റ് 2021 ആദ്യ പാദത്തിൽ വിപണിയിൽ എത്തിക്കാൻ സ്കോഡ

അതേസമയം പുതിയ S60 വോൾവോയുടെ പുതിയ സ്കേലബിൾ പ്രൊഡക്റ്റ് ആർക്കിടെക്ചർ (SPA) പ്ലാറ്റ്‌ഫോമിലാണ് നിർമിച്ചിരിക്കുന്നത്. കൂടാതെ യൂറോ NCAP ക്രാഷ് ടെസ്റ്റിൽ നിന്ന് 5-സ്റ്റാർ സുരക്ഷാ റേറ്റിംഗും ഈ സ്വീഷിഷ് സെഡാൻ സ്വന്തമാക്കിയിട്ടുണ്ട്.

രൂപകൽപ്പനയുടെ കാര്യത്തിൽ S60 വോൾവോയുടെ പുതിയ സ്റ്റൈലിംഗ് ഭാഷ്യത്തിലാണ് ഒരുങ്ങിയിരിക്കുന്നത്. അത് ബ്രാൻഡിന്റെ വലിയ S90 സെഡാന്റെ സ്കെയിൽ-ഡൗൺ പതിപ്പ് പോലെ കാണപ്പെടുന്നു.

MOST READ: ലോക്ക്ഡൗണിന് മുമ്പ് വിറ്റ ബിഎസ് IV വാഹനങ്ങള്‍ രജിസ്റ്റര്‍ ചെയ്യാന്‍ അനുമതി നല്‍കി സുപ്രീംകോടതി

തോറിന്റെ ഹാമർ പോലെയുള്ള ഹെഡ്‌ലൈറ്റുകൾ, രണ്ട് ഭാഗങ്ങളുള്ള ഫ്രണ്ട് ഗ്രിൽ, താഴെയുള്ള, സി ആകൃതിയിലുള്ള ടെയിൽ ലൈറ്റുകൾ എല്ലാം S60 വോൾവോയ്ക്ക് പുതിയ സിഗ്നേച്ചർ ലുക്ക് നൽകാൻ സഹായിച്ചിട്ടുണ്ട്.

ബി‌എം‌ഡബ്ല്യു 3 സീരീസ്, മെർസിഡീസ് ബെൻസ് C-ക്ലാസ്, ജാഗ്വർ XE, വരാനിരിക്കുന്ന ഔഡി A4 എന്നിവയായിരിക്കും വോൾവോ S60 സെഡാന്റെ എതിരാളികൾ. ഇതിന് ശേഷം വോൾവോ തങ്ങളുടെ ഓൾ-ഇലക്ട്രിക് XC-40 റീചാർജും ഇന്ത്യയിൽ അവതരിപ്പിക്കും.