Click it and Unblock the Notifications
Just In
Don't Miss
-
വെള്ളിയാഴ്ച ഭാരത ബന്ദ്; രാജ്യം സ്തംഭിക്കും; കടകള് തുറക്കില്ല, റോഡ് ഉപരോധിക്കുമെന്ന് സമരക്കാര് -
രക്തസമ്മര്ദ്ദം പിടിച്ചുനിര്ത്താന് ഉത്തമം ഈ വിത്ത് -
ഡിംപലിനെ മജിസിയ പിന്നില് നിന്നും കുത്തിയോ? സൗഹൃദത്തില് വിള്ളല് വീണ് തുടങ്ങിയെന്ന് പ്രേക്ഷകര് -
IND vs ENG: പുജാര പൂജ്യത്തിന് പുറത്ത്, അപൂര്വ്വ കാഴ്ച, കുറവ് പന്തുകള് നേരിട്ട് മടങ്ങിയ കണക്കുകളിതാ -
വിശ്വാസം മാത്രംമതി! ഈ ക്ഷേത്രങ്ങളിലെ പ്രസാദം രോഗങ്ങളകറ്റും! -
ഓഹരി വിപണി നേട്ടത്തില് ഉണര്ന്നു; സെന്സെക്സ് 500 പോയിന്റിലേറെ വര്ധിച്ചു -
വൺപ്ലസ് നോർഡ് സ്മാർട്ട്ഫോണിന്റെ പ്രീ-ഓർഡർ ജൂലൈ 15 മുതൽ ആമസോൺ വഴി ലഭ്യമാകും
കിഗറിന്റെ വരവ് ആഘോഷമാക്കാന്‍ റെനോ; വില്‍പ്പന ശ്യംഖല വര്‍ധിപ്പിച്ചു
വിപണിയില്‍ എത്താനിരിക്കുന്ന കിഗര്‍ എന്ന മോഡലില്‍ വലിയ പ്രതീക്ഷകളാണ് ഫ്രഞ്ച് നിര്‍മ്മാതാക്കളായ റെനോ വെച്ച് പുലര്‍ത്തുന്നത്.
സബ്-4 മീറ്റര്‍ എസ്‌യുവി ശ്രേണിയിലേക്കാണ് മോഡല്‍ എത്തുന്നത് എന്നതും ശ്രദ്ധേയകരമാണ്. നിലവില്‍ രാജ്യത്ത് ഏറ്റവും കൂടുതല്‍ മത്സരം നടക്കുന്ന വിഭാഗം കൂടിയാണ് ഇത്.
അടുത്തിടെ വിപണിയില്‍ എത്തിയ മാഗ്നൈറ്റ് ശ്രേണയില്‍ കത്തികയറിയതോടെയാണ് റെനോയുടെയും ആത്മവിശ്വാസം വര്‍ധിച്ചിരിക്കുന്നത്. വില കുറവില്‍ എത്തി എതിരാളികളെ ഞെട്ടിച്ചു എന്നത് തന്നെയായിരുന്നു മാഗ്നൈറ്റിന്റെ വിജയത്തിന് പിന്നിലെ ഹൈലൈറ്റ്.
MOST READ: പ്രാരംഭ വില 51.50 ലക്ഷം രൂപ; പുതിയ 3 സീരീസ് ഗ്രാൻ ലിമോസിൻ വിപണിയിൽ
ഈ തന്ത്രം തന്നെയാകുമോ റെനോയും പുറത്തെടുക്കുന്നതെന്ന് കാത്തിരുന്ന് കാണണം. എന്തായാലും വാഹനത്തിന്റെ അരങ്ങേറ്റം ഗംഭീരമാക്കാനൊരുങ്ങുകയാണ് കമ്പനി. ഇതിനുള്ള അവസാന ഒരുക്കത്തിലാണ് ഫ്രഞ്ച് നിര്‍മ്മാതാക്കള്‍.
ജനുവരി 28-ന് വാഹനത്തെ ഔദ്യോഗികമായി വെളിപ്പെടുത്തും. പിന്നാലെ തന്നെ വാഹനം വിപണിയിലെത്തിക്കാനും കമ്പനി പദ്ധതിയിടുന്നു. വാഹനം വിപണിയില്‍ എത്തിക്കുന്നതിന് മുമ്പ് രാജ്യത്തെ വില്‍പ്പന ശൃംഖല വര്‍ധിപ്പിച്ചിരിക്കുകയാണ് കമ്പനി.
വില്‍പ്പന ശ്യംഖല 500-ല്‍ അധികമായി വര്‍ധിപ്പിച്ചെന്നും കമ്പനി അറിയിച്ചു. ഡിസംബറില്‍ മാത്രം രാജ്യത്ത് 40 ഓളം വില്‍പ്പന കേന്ദ്രങ്ങള്‍ പട്ടികയില്‍ ചേര്‍ത്തതായി ഫ്രഞ്ച് കാര്‍ നിര്‍മാതാവ് പുറത്തിറക്കിയ പ്രസ്താവനയില്‍ അറിയിച്ചു.
ആന്ധ്രാപ്രദേശ്, അസം, ബീഹാര്‍, ഡല്‍ഹി, ഗുജറാത്ത്, ഹരിയാന, ഹിമാചല്‍ പ്രദേശ്, കര്‍ണാടക, മധ്യപ്രദേശ്, മഹാരാഷ്ട്ര, ഒഡീഷ, പഞ്ചാബ്, രാജസ്ഥാന്‍, തമിഴ്നാട്, തെലങ്കാന, ഉത്തര്‍പ്രദേശ് എന്നിവിടങ്ങളില്‍ ഈ പുതിയ ഡീലര്‍ഷിപ്പുകള്‍ വ്യാപിച്ചിരിക്കുന്നു.
MOST READ: ഡ്യുവല്‍ ടോണ്‍ നിറത്തില്‍ തിളങ്ങി സിട്രണ്‍ C5 എയര്‍ക്രോസ്; അവതരണം ഉടന്‍
ഇപ്പോള്‍ 500 വില്‍പ്പന കേന്ദ്രങ്ങള്‍ക്ക് പുറമേ 475 ഓളം സര്‍വീസ് ടച്ച്പോയിന്റുകളും റെനോയ്ക്ക് ഉണ്ട്. ഇതില്‍ 200 ഓളം വര്‍ക്ക്ഷോപ്പ് ഓണ്‍ വീലുകള്‍ ഉള്‍പ്പെടുന്നു.
വില്‍പ്പന ശൃംഖല വര്‍ധിപ്പിക്കുന്നത് കിഗറിന്റെ വില്‍പ്പനയില്‍ ഗുണം ചെയ്യുമെന്നാണ് കമ്പനി കരുതുന്നത്. ക്വിഡ്, ടൈബര്‍, ഡസ്റ്റര്‍ എന്നിങ്ങനെ മൂന്ന് മോഡലുകളാണ് നിലവില്‍ റെനോ രാജ്യത്ത് വില്‍പ്പനയ്ക്ക് എത്തിക്കുന്നത്.
MOST READ: വില 45.90 ലക്ഷം; പുത്തൻ S60 സെഡാനായുള്ള ബുക്കിംഗ് ആരംഭിച്ച് വോൾവോ
കിഗറൂടെ എത്തുന്നതോടെ ഈ വര്‍ഷം വില്‍പ്പന വര്‍ധിപ്പിക്കാമെന്ന പ്രതീക്ഷയാണ് ബ്രാന്‍ഡിനുള്ളത്. മാരുതി സുസുക്കി വിറ്റാര ബ്രെസ, ഹ്യുണ്ടായി വെന്യു, ടാറ്റ നെക്സണ്‍, കിയ സോനെറ്റ്, നിസാന്‍ മാഗ്നൈറ്റ്, മഹീന്ദ്ര XUV300 എന്നിവരാണ് ഈ ശ്രേണിയിലെ മുഖ്യ എതിരാളികള്‍.
വില പ്രഖ്യാപനങ്ങള്‍ ഒന്നും തന്നെ ഉണ്ടായിട്ടില്ലെങ്കിലും 5 ലക്ഷം രൂപ മുതല്‍ വാഹനത്തിന് എക്‌സ്‌ഷോറൂം വില പ്രതീക്ഷിക്കാം. വില കുറഞ്ഞാലും വാഹനം ഫീച്ചര്‍ സമ്പന്നമായിരിക്കുമെന്ന് ഇതിനോടകം റെനോ വ്യക്തമാക്കിയിട്ടുണ്ട്.
