Just In
- 7 hrs ago ഹിമാലയനും പെരുത്തിഷ്ടായി..! എന്ഫീല്ഡിന്റെ ദക്ഷിണാഫ്രിക്കക്കാരനായ 'സെലിബ്രിറ്റി' ഫാനിനെ മനസ്സിലായോ?
- 8 hrs ago കെടിഎം വാങ്ങുന്ന പണമുണ്ടേൽ ഈ കിടിലൻ ബൈക്കുകൾ സ്വന്തമാക്കാം, ബാക്കി കാശിന് പെട്രോളും അടിക്കാം
- 8 hrs ago ആക്സസ് വാങ്ങനല്ല, ഇനിയീ ബൈക്ക് വാങ്ങാനാവും സുസുക്കി ഷോറൂമിൽ തിരക്ക്, നാളെ വിലയും അറിയാം
- 9 hrs ago ഈ കാറുകളില് ഫുള്ടാങ്ക് അടിച്ചാല് 1200 കി.മീ പോകാം! ഇതൊക്കെ മാരുതിയെ കൊണ്ടേ സാധിക്കൂ...
Don't Miss
- News മുക്താര് അന്സാരി അന്തരിച്ചു, ജയിലില് വെച്ച് ഹൃദയാഘാതം; യുപിയില് വന് ജാഗ്രത
- Sports IPL 2024: സഞ്ജുവിന്റെ ധൈര്യം അപാരം, ആ സാഹസം കളി ജയിപ്പിച്ചു! കിടു ക്യാപ്റ്റന്സി
- Lifestyle ഓവുലേഷന് തിരിച്ചറിഞ്ഞ് മുന്നോട്ട് പോയാല് ഗര്ഭധാരണം ആദ്യദിനം അറിയാം
- Movies നിനക്ക് പോയത് ഗബ്രിയില്, അവനെ മാറ്റി നിര്ത്തണം എന്ന് റസ്മിന്; ഗെയിം കളഞ്ഞത് വീട്ടുകാരെന്ന് ജാസ്മിന്
- Travel ബാംഗ്ലൂർ-ചെന്നൈ യാത്രയ്ക്ക് ഡബിൾ ഡെക്കർ ട്രെയിൻ; പുതിയ സമയക്രമം മേയ് 1 മുതല്, ഒരു മണിക്കൂർ നേരത്തേ എത്താം
- Technology സാംസങ് രചിച്ച പുതിയ ഇതിഹാസം! എം സീരീസിന് ആവേശം പകർന്ന് M55 5G ലോഞ്ച് ചെയ്തു
- Finance വർഷാവസാനത്തെ അവസാന വ്യാപാരം, പച്ചയിൽ തുടർന്ന് സൂചികകൾ, ഇടിവ് നേരിട്ട് ഐഡിഎഫ്സി ഫസ്റ്റ് ബാങ്ക്, കാരണം ഇതാണ്
ക്യാപ്ച്ചറിന്റെ ഇ-ടെക് ഹൈബ്രിഡ് പതിപ്പിനെ അവതരിപ്പിച്ച് റെനോ
ഇന്ത്യൻ വിപണിയിൽ അമ്പേ പരാജയപ്പെട്ട മോഡലാണ് റെനോയുടെ ക്യാപ്ച്ചർ. എങ്കിലും ആഗോളതലത്തിൽ മികച്ച പ്രതികരണത്തോടെ മുന്നേറാൻ ഈ വാഹനത്തിനായിട്ടുണ്ട്. അതിനാൽ തന്നെ ക്രോസ്ഓവർ മോഡലിലേക്ക് നിരവധി പരിഷ്ക്കാരങ്ങൾ അവതരിപ്പിക്കാനും കമ്പനിക്കിഷ്ടമാണ്
ഇപ്പോഴിതാ ക്യാപ്ച്ചറിന്റെ ഇ-ടെക് ഹൈബ്രിഡ് പതിപ്പിനെ പരിചയപ്പെടുത്തികൊണ്ട് റെനോ യൂറോപ്യൻ വിപണിയിലെ തങ്ങളുടെ ഇലക്ട്രിക് ശ്രേണി വിപുലീകരിച്ചിരിക്കുകയാണ്. നിലവിൽ സോ, ക്ലിയോ, ട്വിംഗോ, മെഗെയ്ൻ, അർക്കാന, വാണിജ്യ വാനുകളാണ് കമ്പനിയുടെ ഇ-ടെക് നിരയിലുള്ളത്.
യൂറോപ്പിലെ ഫ്രഞ്ച് കാർ നിർമാതാക്കളിൽ നിന്നുള്ള ഏറ്റവും ജനപ്രിയ മോഡലുകളിലൊന്നാണ് ക്യാപ്ച്ചർ എന്നതും ശ്രദ്ധേയമാണ്. ഇ-ടെക് ഹൈബ്രിഡ് ക്ലിയോ ഇ-ടെക് ഹൈബ്രിഡിൽ അരങ്ങേറിയ അതേ സാങ്കേതികവിദ്യയാണ് സബ് കോംപാക്ട് ക്രോസ്ഓവർ എസ്യുവിയിലും റെനോ ഉപയോഗിക്കുന്നത്.
MOST READ: 12 ലക്ഷം കിലോമീറ്റർ ഓടിയ 1979 മോഡൽ മെർസിഡീസ് കാർ, പരിചയപ്പെടാം W123 വാഗനെ
1.2 കിലോവാട്ട് ലിഥിയം അയൺ ബാറ്ററി പായ്ക്ക് ജോടിയാക്കിയ 1.6 ലിറ്റർ പെട്രോൾ എഞ്ചിനും രണ്ട് ഇലക്ട്രിക് മോട്ടോറുകളും ഓട്ടോമാറ്റിക്, മൾട്ടി മോഡ് ഡോഗ് ഗിയർബോക്സുമാണ് ക്യാപ്ച്ചറിന്റെ ഇ-ടെക് ഹൈബ്രിഡ് പതിപ്പിൽ ബ്രാൻഡ് വാഗ്ദാനം ചെയ്യുന്നത്.
ഈ യൂണിറ്റ് പരമാവധി 145 bhp കരുത്ത് ഉത്പാദിപ്പിക്കാൻ പ്രാപ്തമാണ്. തൽഫലമായി 0-100 കിലോമീറ്റർ വേഗത വെറും 10.6 സെക്കൻഡിൽ കൈവരിക്കാനും പുതിയ ക്യാപ്ച്ചർ ഇ-ടെക് ഹൈബ്രിഡ് വേരിയന്റിന് സാധിക്കും. സബ് കോംപാക്ട് ക്രോസ്ഓവർ എസ്യുവിയുടെ ഉയർന്ന വേഗത മണിക്കൂറിൽ 170 കിലോമീറ്ററാണ്.
MOST READ: ഇന്ത്യൻ ബെൻസ് എന്നറിയപ്പെട്ടിരുന്ന ഇന്നലെകളുടെ സെഡാൻ 'മാരുതി എസ്റ്റീം'
ഇതിന് ഏകദേശം 24 കിലോമീറ്റർ മൈലേജാണ് റെനോ അവകാശപ്പെടുന്നത്. വൈവിധ്യമാർന്ന CMF-B മോഡുലാർ പ്ലാറ്റ്ഫോമിനെ അടിസ്ഥാനമാക്കി, ആൽപൈൻ ടീമുമായുള്ള ഫോർമുല 1 വൈദഗ്ധ്യത്തിൽ നിന്ന് ഇ-ടെക് എഞ്ചിൻ നേട്ടങ്ങൾ കൈവരിച്ചിട്ടുണ്ടെന്നും റെനോ അവകാശപ്പെടുന്നു.
ത്രീ ലെവൽ ബാറ്ററി പുനരുജ്ജീവനവും മൂന്ന് ഡ്രൈവ് മോഡുകളും ഇതിൽ ഉൾക്കൊള്ളുന്നു. അതിൽ ഓൾ-ഇലക്ട്രിക്, മൈസെൻസ് ഡ്രൈവ്, സ്പോർട്ട് മോഡ് എന്നിവയാണ് ഉൾപ്പെടുത്തിയിരിക്കുന്നത്.
MOST READ: വിൽപ്പന മെച്ചപ്പെടുത്താൻ ജൂണിൽ മോഡൽ നിരയിലുടനീളം വൻ ഓഫറുകളുമായി മാരുതി
യൂറോ എൻക്യാപ് സുരക്ഷാ റേറ്റിംഗിൽ നിന്ന് 5-സ്റ്റാർ റേറ്റിംഗ് സ്വന്തമാക്കിയ ക്യാപ്ച്ചർ സജീവവും നിഷ്ക്രിയവുമായ സുരക്ഷയ്ക്കായുള്ള മറ്റെല്ലാ സംവിധാനങ്ങളും ഫ്രഞ്ച് കാർ നിർമാതാവ് ഓഫർ ചെയ്യുന്ന ഡ്രൈവർ-അസിസ്റ്റ് പ്രോഗ്രാമുകളും ഹൈബ്രിഡിലും സ്റ്റാൻഡേർഡായി ലഭ്യമാക്കിയിട്ടുണ്ട്.
ഈ വർഷം ഓഗസ്റ്റിൽ റെനോ ക്യാപ്ച്ചർ ഇ-ടെക് ഹൈബ്രിഡിനായുള്ള ആദ്യ ഡെലിവറികൾ ആരംഭിക്കുമെന്നും സ്ഥിരീകരിച്ചിട്ടുണ്ട്. യൂറോപ്യൻ വിപണികളിൽ വാഹനത്തിനായുള്ള ബുക്കിംഗും കമ്പനി സ്വീകരിക്കാൻ തുടങ്ങിയിട്ടുണ്ട്. 24,500 യൂറോയാണ് വാഹനത്തിന്റെ പ്രാരംഭ വില. അതായത് ഏകദേശം 21.78 ലക്ഷം രൂപ.