Click it and Unblock the Notifications
2022 A8 L-നെ അവതരിപ്പിക്കുന്ന തീയതി വെളിപ്പെടുത്തി Audi
നവീകരണങ്ങളോടെ പുതിയ A8 ലക്ഷ്വറി സെഡാനെ ഇന്ത്യയില് അവതരിപ്പിക്കാന് ഒരുങ്ങുകയാണ് ജര്മന് ആഢംബര വാഹന നിര്മാതാക്കളായ ഔഡി. വാഹനത്തിനായുള്ള ബുക്കിംഗ് ഇതിനോടകം തന്നെ കമ്പനി ആരംഭിച്ചിരുന്നു.
ഇപ്പോഴിതാ വാഹനത്തിന്റെ അ്രങ്ങേറ്റം സംബന്ധിച്ച് കൂടുതല് വിവരങ്ങള് വെളിപ്പെടുത്തിയിരിക്കുകയാണ് നിര്മാതാക്കള്. A8 ലക്ഷ്വറി സെഡാന്റെ ഫെയ്സ്ലിഫ്റ്റ് മോഡല് ജൂലൈ 12-ന് ഇന്ത്യയില് അവതരിപ്പിക്കുമെന്നാണ് കമ്പനി അറിയിച്ചിരിക്കുന്നത്. ഇതിനോടകം തന്നെ വാഹനത്തിന്റെ നിരവധി ടീസറുകള് കമ്പനി പങ്കുവെച്ചിരുന്നു.
L എന്നതുകൊണ്ട് ഉദ്ദേശിക്കുന്നത് കാറിന്റെ ലോംഗ് വീല്ബേസ് പതിപ്പാണെന്നും ഔഡി പറയുന്നു. ഏകദേശം 10 ലക്ഷം രൂപ ടോക്കണ് തുകയ്ക്കാണ് വാഹനത്തിനായുള്ള പ്രീ-ബുക്കിംഗ് നടക്കുന്നത്. നവീകരണങ്ങളോടെ ഇന്ത്യയില് എത്തുന്ന പതിപ്പിന്റെ ആഗോള അരങ്ങേറ്റം 2022 ഫെബ്രുവരിയില് തന്നെ നടന്നിരുന്നു.
ദൃശ്യപരമായി, 2022 ഔഡി A8 L-ന്റെ മുന്നിലും പിന്നിലും വലിയ മാറ്റങ്ങള് ലഭിക്കുന്നുവെന്ന് വേണം പറയാന്. കാരണം ഷാസിയില് ഇപ്പോള് വിശാലമായ സിംഗിള്ഫ്രെയിം ഗ്രില് വാഹനത്തിന് ലഭിക്കുന്നു.
ഗ്രില്ലിന് ചുറ്റുപാടും ക്രോം ധാരാളം ഉപയോഗിച്ചിരിക്കുന്നതും കാണാന് സാധിക്കും. സൈഡ് എയര് ഇന്ടേക്കുകള് കൂടുതല് നേരെയുള്ളതാണ്, അതേസമയം ഡിജിറ്റല് മാട്രിക്സ് എല്ഇഡി ഹെഡ്ലൈറ്റുകളും പുനര്രൂപകല്പ്പന ചെയ്തിട്ടുണ്ട്.
പ്രൊഫൈലില്, 2022 ഔഡി A8 L അതിന്റെ പുരോഗമന സ്വഭാവമുള്ള ലൈനുകള് നിലനിര്ത്തുന്നു, കൂടാതെ ഇതിന് ഒരു പുതിയ കൂട്ടം അലോയ് വീലുകളും ലഭിക്കുന്നു.
കസ്റ്റമൈസ് ചെയ്യാവുന്ന സിഗ്നേച്ചര് ലൈറ്റ് പാറ്റേണുകളും തുടര്ച്ചയായ, സെഗ്മെന്റഡ് ലൈറ്റ് സ്ട്രിപ്പും ഉള്ള പുതിയ OLED ടെയില്ലൈറ്റുകള് പിന്ഭാഗത്ത് ലഭിക്കുന്നു. ഡിഫ്യൂസര് ഇന്സെര്ട്ടും തിരശ്ചീനമായ ബാറുകള് ഉപയോഗിച്ച് പുനര്രൂപകല്പ്പന ചെയ്തിട്ടുണ്ടെന്ന് വേണം പറയാന്.
ക്യാബിനെ സംബന്ധിച്ചിടത്തോളം, കൂടുതല് ആഡംബരവും സൗകര്യപ്രദവുമായ ഇന്റീരിയര് വാഗ്ദാനം ചെയ്യുന്നതിനായി അതും അപ്ഡേറ്റ് ചെയ്തിട്ടുണ്ട്. മുന്വശത്ത്, 2022 ഔഡി A8 L-ന് 10.1-ഇഞ്ച്, 8.6-ഇഞ്ച് വലിപ്പമുള്ള രണ്ട് ഡിസ്പ്ലേകളോടുകൂടിയ അപ്ഡേറ്റ് ചെയ്ത ഡാഷ്ബോര്ഡ്, ഹെഡ്-അപ്പ് ഡിസ്പ്ലേയ്ക്കുള്ള ഓപ്ഷനും ലഭിക്കുന്നു.
പൂര്ണ്ണമായും ഡിജിറ്റല് വെര്ച്വല് ക്ലസ്റ്ററും സ്പോര്ട്ടി മള്ട്ടി-ഫങ്ഷണല് സ്റ്റിയറിംഗ് വീലും കാറിന് ലഭിക്കുന്നു. പിന്ഭാഗത്തെ സംബന്ധിച്ചിടത്തോളം, ഇത് വിശാലമാണ് കൂടാതെ ചില ഉയര്ന്ന നിലവാരമുള്ള സൗകര്യങ്ങളോടും സാങ്കേതികവിദ്യയോടും കൂടി വരുകയും ചെയ്യുന്നു.
MOST READ: R6 മുതൽ SV650 വരെ, ഇന്ത്യൻ നിരത്തുകൾ കാണാൻ ആഗ്രഹിക്കുന്ന പ്രീമിയം മോട്ടോർസൈക്കിളുകൾ
A8 L-ല് നിരവധി അഡ്ജസ്റ്റ്മെന്റ് ഓപ്ഷനുകളുള്ള റിലാക്സേഷന് സീറ്റുകളും ഫ്രണ്ട് പാസഞ്ചര് സീറ്റിന്റെ പിന്ഭാഗത്ത് ഒരു ഫുട്റെസ്റ്റും ഉണ്ട്. 18 ന്യൂമാറ്റിക് കുഷനുകള്, വൈദ്യുതപരമായി ക്രമീകരിക്കാവുന്ന കംഫര്ട്ട് ഹെഡ്റെസ്റ്റുകള്, ഓപ്ഷണല് തുടര്ച്ചയായ സെന്റര് കണ്സോള് എന്നിവയ്ക്ക് പുറമെ, ഓപ്ഷണല് ഫോള്ഡ്-ഔട്ട് ടേബിളുകള്, നാല് സോണ് ഓട്ടോമാറ്റിക് എയര് കണ്ടീഷനിംഗ്, രണ്ട് 10.1 ഇഞ്ച് ഡിസ്പ്ലേകള് എന്നിവയും 2022 ഔഡി A8 L-ന് ലഭിക്കുന്നു.
എഞ്ചിന് സവിശേഷതകളിലേക്ക് വന്നാല്, 2022 ഔഡി A8 ഫെയ്സ്ലിഫ്റ്റിന് 3.0-ലിറ്റര് TFSI V6 ലഭിക്കും, ഒപ്പം 48V മൈല്ഡ്-ഹൈബ്രിഡ് സിസ്റ്റവും ഇതിന്റെ സവിശേഷതയാണ്. ഈ യൂണിറ്റ് 340 bhp കരുത്തും 500 Nm ടോര്ക്കും വികസിപ്പിക്കും.
ക്വാട്രോ ഓള്-വീല് ഡ്രൈവ് സിസ്റ്റം സ്റ്റാന്ഡേര്ഡായി 8-സ്പീഡ് ഓട്ടോമാറ്റിക് ട്രാന്സ്മിഷനുമായി മോട്ടോര് ജോടിയാക്കുകയും ചെയ്യുന്നു. 460 bhp കരുത്തും 660 Nm torque ഉം വികസിപ്പിക്കുന്ന 4.0-ലിറ്റര് TFSI പതിപ്പും ഓഫറിലുണ്ടാകും.
മികച്ച ഇന്ധനക്ഷമതയ്ക്കായി നാല് സിലിണ്ടറുകള് താല്ക്കാലികമായി പ്രവര്ത്തനരഹിതമാക്കുന്ന സിലിണ്ടര് ഓണ്-ഡിമാന്ഡ് സിസ്റ്റം (COD) ആണ് V8-ന്റെ ഒരു ഹൈലൈറ്റ്. നിലവിലെ പതിപ്പിപ്പ് നാലാം തലമുറ 2017 മുതല് വില്പ്പനയ്ക്ക് എത്തുന്നുണ്ട്.
Continue with Google