Click it and Unblock the Notifications
വിദേശ വിപണികൾക്കും പ്രയങ്കരനായി Dzire, കഴിഞ്ഞ സാമ്പത്തിക വർഷത്തിൽ ഏറ്റവും കൂടുതൽ കയറ്റുമതി ചെയ്ത കാർ
കഴിഞ്ഞ സാമ്പത്തിക വർഷം ഏറ്റവും കൂടുതൽ കയറ്റുമതി ചെയ്ത കാർ എന്ന റെക്കോർഡ് സ്വന്തമാക്കി മാരുതി സുസുക്കിയുടെ സബ്-4 മീറ്റർ സെഡാനായ ഡിസയർ.
2020-21 സാമ്പത്തിക വർഷത്തിലെ 94,938 യൂണിറ്റുകളിൽ നിന്ന് 2022 സാമ്പത്തിക വർഷത്തിൽ 2,35,670 യൂണിറ്റുകൾ കയറ്റുമതി ചെയ്ത മാരുതി സുസുക്കി 40 ശതമാനത്തിലധികം വളർച്ച രേഖപ്പെടുത്തി.
ഇതോടെ ഇന്തോ-ജാപ്പനീസ് വാഹന നിർമാതാക്കൾ ഇന്ത്യയിലെ ഏറ്റവും വലിയ പാസഞ്ചർ കാർ കയറ്റുമതിക്കാരായി മാറുകയും ചെയ്തു. ഹ്യുണ്ടായി മോട്ടോർസ്, കിയ ഇന്ത്യ എന്നിവയെ പിന്തള്ളിയാണ് മാരുതി സുസുക്കി പുതിയ നേട്ടം കൈവരിച്ചിരിക്കുന്നത്.
MOST READ: പുതിയ കാറിന്റെ ഓഡോ മീറ്ററില് 0 കി.മീ കാണിക്കാത്തത് എന്തുകൊണ്ടാണെന്ന് അറിയാമോ?
കഴിഞ്ഞ സാമ്പത്തിക വർഷം ഏറ്റവും കൂടുതൽ കയറ്റുമതി ചെയ്ത വാഹനമായി മാരുതി സുസുക്കി ഡിസയർ ഉയർന്നുവന്നത് എതിരാളികൾക്ക് വൻ തിരിച്ചടിയാണ്. മാരുതി ബലേനോ, സ്വിഫ്റ്റ് ഹാച്ച്ബാക്കുകൾ യഥാക്രമം രണ്ടും മൂന്നും സ്ഥാനങ്ങളിൽ നിൽക്കുന്നു.
ഇന്തോ-ജാപ്പനീസ് വാഹന നിർമാതാക്കളുടെ ഏറ്റവും മികച്ച കയറ്റുമതി വിപണി ദക്ഷിണാഫ്രിക്കയാണ്. ചിലി, ഈജിപ്ത്, ഫിലിപ്പീൻസ്, കൊളംബിയ എന്നിവയുൾപ്പെടെ 100 ഓളം രാജ്യങ്ങളിലേക്കാണ് മാരുതി സുസുക്കി നിലവിൽ കാറുകൾ പ്രധാനമായും കയറ്റുമതി ചെയ്യുന്ന രാജ്യങ്ങൾ.
ഇപ്പോൾ അടുത്ത മൂന്ന് വർഷത്തിനുള്ളിൽ ഇന്ത്യയിൽ നിന്ന് കയറ്റുമതി ചെയ്യുന്ന കാറുകളുടെ പകുതി എണ്ണം കൈവരിക്കാനാണ് കമ്പനി ലക്ഷ്യമിടുന്നത്. കയറ്റുമതി വ്യവസായം വർധിപ്പിക്കുന്നതിനായി, മാരുതി സുസുക്കി ടൊയോട്ട മോട്ടോർ കോർപ്പറേഷന്റെ ആഗോള വിഭവങ്ങൾ പ്രയോജനപ്പെടുത്തുകയും ചെയ്യുന്നതോടെ കാര്യങ്ങൾ കൂടുതൽ എളുപ്പമാവുകയും ചെയ്യും.
ഭാവിയിൽ രണ്ട് വാഹന നിർമാതാക്കൾക്കും വേണ്ടിയുള്ള വാഹനങ്ങളുടെയും ഘടകങ്ങളുടെയും പ്രധാന ഉറവിട കേന്ദ്രമായി ഇന്ത്യ മാറും. ഇതിൽ ഇവികൾക്കുള്ള ലിഥിയം അയൺ സെല്ലുകൾ ഉൾപ്പെടെയുണ്ടാവും.
MOST READ: K300N & K300R സ്പോര്ട്സ് മോഡലുകള് അവതരിപ്പിച്ച് Keeway; വില 2.65 ലക്ഷം രൂപ മുതല്
അടുത്ത മൂന്ന് വർഷത്തിനുള്ളിൽ 2.5 ബില്യൺ ഡോളർ (20,000 കോടി രൂപ) മൂല്യമുള്ള പാസഞ്ചർ വാഹനങ്ങളും ഘടകങ്ങളും കയറ്റുമതി ചെയ്യാനാണ് മാരുതി സുസുക്കി ലക്ഷ്യമിടുന്നത്. അതായത്, ഒരു യൂണിറ്റിന് ശരാശരി 5.5 ലക്ഷം രൂപയ്ക്ക് 350,000 യൂണിറ്റുകളിൽ കൂടുതൽ വിദേശ കയറ്റുമതികൾ ഉണ്ടാകും.
മാരുതി സുസുക്കിയുടെ ഭാവി പദ്ധതിയെക്കുറിച്ച് സംസാരിക്കുമ്പോൾ പുതിയ മോഡലുകളുടെ ഒരു ശ്രേണി ഉപയോഗിച്ച് എസ്യുവി വിപണി ശക്തിപ്പെടുത്താനാണ് കമ്പനി ഒരുങ്ങുന്നത്. കൂടുതൽ വിൽപ്പന സൃഷ്ടിക്കുന്ന മോഡലുകളുടെ നിരയിലേക്ക് രണ്ടാം തലമുറ മാരുതി ബ്രെസ ഇതിനകം തന്നെ കമ്പനി അവതരിപ്പിച്ചിട്ടുണ്ട്.
വരും ദിവസങ്ങളിൽ ഹ്യുണ്ടായി ക്രെറ്റ, കിയ സെൽറ്റോസ്, പുതുതായി ലോഞ്ച് ചെയ്ത ടൊയോട്ട അർബൻ ക്രൂയിസർ ഹൈറൈഡർ എന്നിവയ്ക്കെതിരെ ഏറ്റുമുട്ടുന്ന മാരുതി ഗ്രാൻഡ് വിറ്റാരയെ കമ്പനി വരും ദിവസങ്ങളിൽ പുറത്തിറക്കും. മാരുതി സുസുക്കിയുടെ ആദ്യത്തെയും ഇന്ത്യയിലെ രണ്ടാമത്തെയും സ്ട്രോംഗ് ഹൈബ്രിഡ് എസ്യുവിയാണിത്.
2023-ന്റെ തുടക്കത്തിൽ ഇന്തോ-ജാപ്പനീസ് വാഹന നിർമാതാക്കൾ തങ്ങളുടെ രണ്ട് പുതിയ എസ്യുവികൾ കൂടി വിപണിയിലെത്തിക്കും. അതിൽ ബലേനോ ക്രോസ്, 5-ഡോർ ജിംനി എന്നിവയാണ് ഉൾപ്പെടുന്നത്. മാരുതി ബലേനോ ക്രോസ് പ്രീമിയം ഹാച്ച്ബാക്കിനെ അടിസ്ഥാനമാക്കിയുള്ളതായിരിക്കും.
കൂടാതെ അതിന്റെ ചില ഡിസൈൻ ഘടകങ്ങൾ ഫ്യൂച്ചൂറോ ഇ-കൺസെപ്റ്റുമായി പങ്കിടുകയും ചെയ്യുമെന്നാണ് ആദ്യ വിലയിരുത്തലുകൾ. ഇതിന് ബലേനോ RS വേരിയന്റിൽ കണ്ട 1.0 ലിറ്റർ ഇക്കോബൂസ്റ്റ് എഞ്ചിനായിരിക്കും ലഭിക്കുകയെന്നും സൂചനയുണ്ട്.
അതേസമയം ഗ്രാൻഡ് വിറ്റാരയുടെ 1.5 ലിറ്റർ K15C ഡ്യുവൽജെറ്റ് എഞ്ചിൻ സുസുക്കിയുടെ ഓൾഗ്രിപ്പ് AWD സംവിധാനത്തോടൊപ്പമാണ് 5 ഡോർ മാരുതി ജിംനി വരാൻ സാധ്യത. രണ്ട് എസ്യുവികളും ബ്രാൻഡിന്റെ പ്രീമിയം നെക്സ ഡീലർഷിപ്പ് നെറ്റ്വർക്ക് വഴിയാണ് വിൽക്കുന്നത്.
മഹീന്ദ്ര ഥാറിന് ഓഫ്റോഡര്മാര്ക്കിടയില് ലഭിച്ച സ്വീകാര്യതയാണ് ജിംനിയെ ഇന്ത്യയില് അവതരിപ്പിക്കാന് മാരുതി സുസുക്കിയെ പ്രേരിപ്പിച്ചത്. നിലവിലുള്ള മൂന്ന് ഡോർ പതിപ്പ് ആഭ്യന്തര വിപണിക്ക് പ്രായോഗികമല്ല എന്ന വിലയിരുത്തലാണ് 5-ഡോർ എസ്യുവി ആശയത്തിലേക്ക് ജിംനിയെ കമ്പനി കൊണ്ടുവന്നിരിക്കുന്നത്.
അടുത്ത വര്ഷം ജനുവരിയില് നടക്കാന് പോകുന്ന ഓട്ടോ എക്സ്പോയില് അവതരിക്കുമെന്ന് കരുതപ്പെടുന്ന മോഡലിനെ എസ്യുവി ആരാധകരും ഏറെ പ്രതീക്ഷയോടെയാണ് കാത്തിരിക്കുന്നത്. ത്രീഡോര് മോഡലിന് സമാനമായ രീതിയില് ബോക്സി പ്രൊഫൈലിലാണ് ഫൈവ് ഡോര് ജിംനിയുടെയും ഡിസൈന് വരിക.
Continue with Google