കിടിലൻ ലുക്കിൽ Jimny 4Sport ലിമിറ്റഡ് എഡിഷൻ മോഡലുമായി Suzuki, ഇന്ത്യയിലേക്ക് വരുമോയെന്ന് ആരാധകർ

നിലവിൽ ജാപ്പനീസ് വാഹന നിർമാതാക്കളായ സുസുക്കി 2023-ൽ ഇന്ത്യയിൽ അവതരിപ്പിക്കാനിരിക്കുന്ന ജിംനിയുടെ ലോംഗ് വീൽബേസ് 5-ഡോർ പതിപ്പിൽ പ്രവർത്തിച്ചു വരികയാണ്. ഇതിനിടിയിൽ ബ്രസീലിൽ പുതിയ ജിംനി 4സ്‌പോർട്ട് ലിമിറ്റഡ് എഡിഷൻ വേരിയന്റിനെ കമ്പനി പരിചയപ്പെടുത്തിയിരിക്കുകയാണ്.

കൂടുതൽ ഓഫ്-റോഡ് അധിഷ്ഠിത എസ്‌യുവിയായി രൂപകൽപ്പന ചെയ്‌തിരിക്കുന്ന പുതിയ സുസുക്കി ജിംനി 4സ്‌പോർട്ടിന്റെ 100 യൂണിറ്റുകൾ മാത്രമായിരിക്കും കമ്പനി നിർമിക്കുകയെന്നാണ് വ്യക്തമാക്കിയിരിക്കുന്നത്. ജിംനി കോംപാക്‌ട് എസ്‌യുവിയുടെ സിയെറ മോഡലിനെ അടിസ്ഥാനമാക്കിയാണ് പുതിയ 4സ്‌പോർട്ട് ലിമിറ്റഡ് എഡിഷനെ ബ്രാൻഡ് ഒരുക്കിയിരിക്കുന്നത്.

MOST READ: ഗ്രാൻഡ് വിറ്റാരയെ അണിയിച്ചൊരുക്കാൻ പുത്തൻ ആക്‌സസറി പാക്കേജുകളും അവതരിപ്പിച്ച് Maruti Suzuki

ഇതിന് 181,990 ബ്രസീലിയൻ റിയലാണ് വിലയായി നിശ്ചയിച്ചിരിക്കുന്നത്. അതായത് ഏകദേശം 27.15 ലക്ഷം രൂപ. അന്താരാഷ്ട്ര വിപണിയിൽ വിൽപ്പനയ്‌ക്കെത്തുന്ന ജിംനിയുടെ ഏറ്റവും ചെലവേറിയ വേരിയന്റാണിതെന്നും അർഥമാക്കുന്നു. പുതിയ സുസുക്കി ജിംനി 4സ്‌പോർട്ട് ലിമിറ്റഡ് എഡിഷൻ എ-കോളത്തിന് സമീപം ഒരു സ്‌നോർക്കലുമായാണ് വരുന്നത്.

ഇത് എസ്‌യുവിയുടെ വാട്ടർ വേഡിംഗ് കപ്പാസിറ്റി 600 മില്ലീമീറ്റർ വർധിപ്പിക്കുകയാണ് ചെയ്യുന്നത്. മാറ്റ് ബ്ലാക്ക് നിറത്തിലുള്ള ട്യൂബുലാർ റോക്ക്‌സ്‌ലൈഡറുമായാണ് പുതിയ ലിമിറ്റഡ് എഡിഷൻ വരുന്നത് എന്നതും പുതുമയുണർത്തുന്ന കാര്യമാണ്. മലയിടുക്കുകളും പാറകളും കടക്കുന്നത് പോലെയുള്ള ദുർഘടമായ റോഡുകളിലൂടെ വാഹനമോടിക്കുമ്പോൾ ബോഡിയെ ഡെന്റുകളിൽ നിന്ന് സംരക്ഷിക്കുമെന്ന് അവകാശപ്പെടുന്ന ഒരു അക്സസറിയാണിതെന്നതും ശ്രദ്ധേയമാണ്.

MOST READ: കൺഫ്യൂഷൻ ആയല്ലോ അളിയാ! പെട്രോളോ, ഡീസലോ, സിഎൻജിയോ മികച്ചത്?അറിഞ്ഞിരിക്കാം

സുസുക്കി ജിംനി 4സ്‌പോർട്ട് ലിമിറ്റഡ് എഡിഷൻ എസ്‌യുവിക്ക് ബ്ലൂ നിറത്തിൽ പൂർത്തിയാക്കിയ നാല് ടോ ഹുക്കുകൾ ലഭിക്കുന്നുണ്ട്. റൂഫ് റാക്ക് മാറ്റ് ബ്ലാക്ക്, ബ്ലാക്ക് സ്കിഡ് പ്ലേറ്റ് എന്നിവയിലാണ് ഇത് പെയിന്റ് ചെയ്‌തിരിക്കുന്നതും.

ലൈറ്റ് ബ്ലൂ പൂശിയ ട്രെയിലറുകൾ, ബ്ലാക്കിൽ ഒരുക്കിയിരിക്കുന്ന റൂഫുകൾ, സൈഡ് മോൾഡിംഗുകൾ, ഡോറുകളിൽ ബ്ലൂ ഔട്ട്ലൈനുകളുള്ള ബ്ലാക്ക് 4 സ്‌പോർട്ട് ബാഡ്ജുകൾ, ഹൂഡിന് സമീപവും സ്‌നോർക്കലിന് മുകളിലും ബ്ലൂ ഗ്രാഫിക്‌സ് എന്നിവയുമായാണ് സുസുക്കി ജിംനി 4സ്‌പോർട്ട് വരുന്നത് എന്നതും ആകർഷണീയത വർധിപ്പിക്കുന്നുണ്ട്.

MOST READ: Tata Tigor Xpres-T ഇവിയ്ക്ക് ലഭിച്ചത് 1000 ഓര്‍ഡറുകള്‍; EC വീല്‍സുമായി പങ്കാളിത്തം പ്രഖ്യാപിച്ചു

215/75 R15 പിറേലി സ്കോർപിയോൺ MTR "മഡ്ഡി" ടയറുകളുള്ള 15 ഇഞ്ച് ബ്ലാക്ക് ഫിനിഷ്ഡ് അലോയ് വീലുകളിൽ ഇത് ഓടിക്കുന്നു. 215/75 R15 സൈസിലുള്ള പിറേലി സ്കോർപിയോൺ MTR "മഡ്ഡി" ടയറുകളുള്ള 15 ഇഞ്ച് ബ്ലാക്ക് ഫിനിഷ്ഡ് അലോയ് വീലുകളാണ് എസ്‌യുവിയുടെ മറ്റൊരു വിശേഷണം.

സ്റ്റിയറിംഗ് വീലിന്റെ സീമുകളിലും സീറ്റുകളിലും സൈഡ് എയർ വെന്റുകളിലും ലൈറ്റ് ബ്ലൂ തീമും ക്യാബിനുള്ളിൽ ഇടംപിടിച്ചിട്ടുണ്ട്. ഫ്ലോർ മാറ്റുകൾ റബർ കൊണ്ടാണ് നിർമിച്ചിരിക്കുന്നത്. ഹെഡ്‌റെസ്റ്റിൽ ബ്ലൂ നിറത്തിലുള്ള "4സ്‌പോർട്ട്" ബാഡ്‌ജ് എംബോസ് ചെയ്‌തിരിക്കുന്നതും മനോഹരമാണ്. വാഹനത്തിന്റെ ബാക്കി ഭാഗങ്ങൾ സാധാരണ ജിംനി സിയെറയ്ക്ക് സമാനമാണെന്നും സുസുക്കി പറയുന്നു.

108 bhp പവറിൽ 138 Nm torque ഉത്പാദിപ്പിക്കുന്ന 1.5 ലിറ്റർ 4 സിലിണ്ടർ നാച്ചുറലി ആസ്പിറേറ്റഡ് പെട്രോൾ എഞ്ചിനാണ് പുതിയ ലിമിറ്റഡ് എഡിഷൻ ജിംനിക്ക് കരുത്ത് പകരുന്നത്. 4×4 ട്രാക്ഷൻ ഉള്ള 4-സ്പീഡ് ഓട്ടോമാറ്റിക് ഗിയർബോക്സുമായാണ് ജോടിയാക്കിയിരിക്കുന്നത്.

സിൽക്ക് സിൽവർ, ഗ്രേ, ബ്ലാക്ക്, കൈനറ്റിക് യെല്ലോ, വൈറ്റ് എന്നിങ്ങനെ 5 വ്യത്യസ്‌ത കളർ ഓപ്ഷനുകളിൽ പുതിയ സുസുക്കി ജിംനി 4സ്‌പോർട്ട് ലിമിറ്റഡ് എഡിഷൻ വേരിയന്റ് വിപണിയിൽ എത്തിയിരിക്കുന്നത്. മാരുതിയുടെ ഇന്ത്യൻ നിരയിലെ ഐക്കണിക് ജിപ്‌സിയുടെ പിൻഗാമിയായിട്ടാണ് ജിംനിയുടെ വരവ് പ്ലാൻ ചെയ്തിരിക്കുന്നത്.

1970 മുതൽ ആഗോളതലത്തിൽ ഉത്പാദനത്തിലുള്ള ജിംനി നാലാം തലമുറ ആവർത്തനത്തിലാണ് ഇപ്പോൾ പുറത്തിറങ്ങുന്നത്. ഇത് നാല് വർഷം മുമ്പാണ് വിപണിയിൽ അവതരിപ്പിച്ചതും. എന്തായാലും 5-ഡോർ ജിംനി 3-ഡോർ കോംപാക്‌ട് മോഡലിന് സമാനമായിരിക്കും. കൂടാതെ ഇന്ത്യൻ വിപണിയിൽ ജിംനിയെ ജിപ്‌സി എന്ന് വിളിക്കാനുള്ള സാധ്യതകളും ഇപ്പോൾ കാണുന്നുണ്ട്.