Click it and Unblock the Notifications
ഇരിക്കേണ്ടത് മണിക്കൂറുകള്; ഏറ്റവും ദൈര്ഘ്യമേറിയ വിമാന സര്വീസുകള്
ആകാശയാത്രകള് മടുപ്പിക്കാറുണ്ടോ? വിമാനയാത്ര തുടക്കക്കാരില് കൗതുകമുണര്ത്തും എന്ന കാര്യം തീര്ച്ച. എന്നാല് വിമാനയാത്രകള് പതിവായി കഴിഞ്ഞാലോ? നീണ്ട മണിക്കൂറുകള് വിമാനത്തില് ചെലവഴിക്കേണ്ടി വരുന്ന സാഹചര്യം ആരെയും മടുപ്പിക്കും.
ദീര്ഘദൂര വിമാനയാത്രകള് മൂലം ശരീരത്തിന്റെ സമയനിഷ്ഠമായ താളം തെറ്റും. ഇതു യാത്രക്കാരില് ക്ഷീണവും ആലസ്യവും വര്ധിപ്പിക്കും. അതുകൊണ്ടു തന്നെ വിമാനയാത്രകള് പലര്ക്കും ഒരു ദു:സ്വപ്നമാണ്. ഇക്കാര്യം മനസില് വെച്ചു തന്നെ ഏറ്റവും ദൈര്ഘ്യമേറിയ വിമാന സര്വീസുകളെ ഇവിടെ പരിശോധിക്കാം.
10. എമിറേറ്റ്സ് എയര്ലൈന്: ദുബായ് - ലോസ് ഏഞ്ചലസ്
16 മണിക്കൂര് കൊണ്ടാണ് എമിറേറ്റ്സിന്റെ A380 എയര്ബസ് ദുബായില് നിന്നും ലോസ് ഏഞ്ചലസിലേക്ക് പറന്നെത്തുന്നത്. 13,420 കിലോമീറ്റര് ആകാശപാതയാണ് യാത്രയില് എമിറേറ്റ്സ് വിമാനം പിന്നിടുന്നതും.
09. എത്തിഹാദ് എയര്വേയ്സ്: അബുദാബി - ലോസ് ഏഞ്ചലസ്
16 മണിക്കൂറും 30 മിനുട്ടും കൊണ്ടാണ് എത്തിഹാദിന്റെ ബോയിംഗ് 777-200LR വിമാനം അബുദാബി - ലോസ് ഏഞ്ചലസ് നഗരങ്ങളെ തമ്മില് ബന്ധിപ്പിക്കുന്നത്. 13,503 കിലോമീറ്റര് നീളുന്നതാണ് ആകാശപാത. സാഹചര്യം അനുകൂലമല്ലെങ്കില് യാത്രാദൈര്ഘ്യം വീണ്ടും കൂടും.
08. ഡെല്റ്റ എയര്ലൈന്സ്: ജൊഹന്നാസ്ബര്ഗ് - അറ്റ്ലാന്ഡ
ദക്ഷിണാഫ്രിക്കയില് നിന്നും അമേരിക്കയിലെ ജോര്ജിയ സംസ്ഥാനത്തിന്റെ തലസ്ഥാനത്ത് എത്താന് ബോയിംഗ് 777-200LR വിമാനത്തിന് വേണ്ടത് 16 മണിക്കൂറും 50 മിനുട്ടും. 13,576 കിലോമീറ്റര് ദൂരമാണ് യാത്രയില് ഡെല്റ്റ് എയര്ലൈന്സ് പിന്നിടുന്നതും.
07. യുണൈറ്റഡ് എയര്ലൈന്സ്: സാന് ഫ്രാസിസ്കോ - സിംഗപ്പൂര്
17 മണിക്കൂറാണ് അമേരിക്കയിലെ സാന്ഫ്രാന്സിസ്കോയില് നിന്നും സിംഗപ്പൂരില് എത്താനുള്ള സമയംദൈര്ഘ്യം. യുണൈറ്റഡ് എയര്ലൈന്സിന്റെ ബോയിംഗ് 787-9 വിമാനം 13,594 കിലോമീറ്റര് ദൂരം പിന്നിട്ടാണ് ഇരു നഗരങ്ങളെയും തമ്മില് ബന്ധിപ്പിക്കുന്നത്.
Recommended Video
06. ക്വാണ്ടാസ് എയര്വേയ്സ്: ഡാലസ് - സിഡ്നി
ഡാലസും ഡിസ്നിയും കിടക്കുന്നത് രണ്ടു ഉപഭൂഖണ്ഡങ്ങളില്. ഡാലസില് നിന്നും സിഡ്നിയിലേക്ക് പറന്നെത്താന് ക്വാണ്ടാസ് എയര്വേയ്സിന്റെ എയര്ബസ് A380 വിമാനത്തിന് വേണ്ടതോ, 17 മണിക്കൂറും 15 മിനുട്ടും.
ഇവിടെയും സാഹചര്യം അനുകൂലമെങ്കില് മാത്രമെ മേല്പ്പറഞ്ഞ സമയം കൊണ്ടു വിമാനത്തിന് പറന്നെത്താന് സാധിക്കുകയുള്ളു. 13,804 കിലോമീറ്റര് നീളുന്നതാണ് ആകാശപാത.
05. യുണൈറ്റഡ് എയര്ലൈന്സ്: ഹൗസ്റ്റണ് - സിഡ്നി
13,834 കിലോമീറ്റര് ആകാശപാതയാണ് ഹൗസ്റ്റണിനും സിഡ്നിയ്ക്കും ഇടയില്. 17 മണിക്കൂറും 30 മിനുട്ടും കൊണ്ടാണ് യുണൈറ്റഡ് എയര്ലൈന്സിന്റെ ബോയിംഗ് 787-9 വിമാനം ഈ ദൂരം പിന്നിടുന്നത്.
04. യുണൈറ്റഡ് എയര്ലൈന്സ്: ലോസ് ഏഞ്ചലസ് - സിംഗപ്പൂര്
17 മണിക്കൂറും 50 മിനുട്ടും എടുത്താണ് വടക്കേ അമേരിക്കയില് നിന്നും തെക്കുകിഴക്കന് ഏഷ്യന് നഗരത്തിലേക്ക് യുണൈറ്റഡ് എയര്ലൈന്സിന്റെ ഇതേ ബോയിംഗ് 787-9 വിമാനം പറന്നിറങ്ങുന്നത്. 14,114 കിലോമീറ്റര് ദൂരമാണ് ഇതിന് വേണ്ടി വിമാനം പിന്നിടുന്നതും.
03. എമിറേറ്റ്സ് എയര്ലൈന്: ഒക്ലാന്ഡ് - ദുബായ്
14,201 കിലോമീറ്റര് ആകാശപാതയാണ് ഒക്ലാന്ഡും ദുബായിക്കും ഇടയില്. ഇതു പിന്നിടാന് എമിറേറ്റ്സ് എയര്ലൈനിന്റെ എയര്ബസ് A380 യ്ക്ക് വേണ്ടത് 17 മണിക്കൂറും അഞ്ചു മിനുട്ടും. ഏറ്റവും ദൈര്ഘ്യമേറിയ മൂന്നാമത്തെ വിമാന സര്വീസാണിത്.
02. ക്വാണ്ടാസ്: പെര്ത്ത് - ലണ്ടന്
ഓസ്ട്രേലിയന് മേഖലയില് നിന്നും ഇംഗ്ലീഷ് മേഖലയിലേക്ക് പറന്നെത്താന് ക്വാണ്ടാസിന്റെ ബോയിംഗ് 797-9 വിമാനത്തിന് വേണ്ടത് 17 മണിക്കൂറും 20 മിനുട്ടും. 14,500 കിലോമീറ്ററാണ് പെര്ത്തിനും ലണ്ടനും ഇടയിലുള്ള ആകാശപാത.
01. ഖത്തര് എയര്വേയ്സ്: ഒക്ലാന്ഡ് - ദോഹ
നിലവില് ലോകത്തിലെ ഏറ്റവും ദൈര്ഘ്യമേറിയ വിമാനസര്വീസാണിത്. 14,535 കിലോമീറ്റര് നീളുന്ന ആകാശപാത പിന്നിടാന് ബോയിംഗ് 777-200LR വിമാനത്തിന് വേണ്ടത് 18 മണിക്കൂറും അഞ്ചു മിനുട്ടും. ഇവിടെയും സാഹചര്യങ്ങള് അനുകൂലമെങ്കില് മാത്രമാണ് ഈ സമയപരിധിക്കുള്ളില് ലക്ഷ്യസ്ഥാനത്ത് വിമാനമിറങ്ങുക.
ഡ്രൈവ്സ്പാർക്ക് മലയാളത്തിൽ നിന്നും കുടുതൽ വായിക്കാം:
01.കാറിന്റെ റീസെയില് മൂല്യം കൂട്ടാം; ശ്രദ്ധിക്കേണ്ട ഏഴു കാര്യങ്ങള്
02.പരമാവധി വേഗത 148 കിലോമീറ്റര്, എന്നാല് ഈ ഡോമിനാര് കുറിച്ചത് 198 കിലോമീറ്റര്! ഇതെങ്ങനെ?
03.കാള്മാന് കിംഗിന് മുമ്പില് അംബാനിയുടെ ബെന്റ്ലി ബെന്റേഗ പോലും നിസാരം!
04.ഇന്ധനടാങ്കില് വെള്ളം കയറിയാല് - പ്രശ്നങ്ങളും പരിഹാരങ്ങളും
05.ആക്സിലറേറ്റ് ചെയ്യുമ്പോള് കാറില് വിറയല്? - അറിഞ്ഞിരിക്കേണ്ട നാലു കാര്യങ്ങള്
Continue with Google