ട്രാഫിക് ലൈറ്റുകൾ അന്നും ഇന്നും

1914 ഓഗസ്റ്റ് അഞ്ചിനാണ് ആദ്യത്തെ ഇലക്ട്രിക് ട്രാഫിക് സിഗ്നൽ സ്ഥാപിക്കപ്പെടുന്നത്. അമേരിക്കൻ ട്രാഫിക് സിഗ്നൽ കമ്പനിയാണ് ഈ ലൈറ്റുകൾ സ്ഥാപിച്ചത്.

ഈസ്റ്റ് 105 സ്ട്രീറ്റ്, എല്യൂസിഡ് അവെന്യൂ എന്നിവിടങ്ങളിലായിരുന്നു ട്രാഫിക് ലൈറ്റുകൾ ആദ്യമായി സ്ഥാപിച്ചത്. രണ്ട് നിറങ്ങൾ മാത്രമേ അന്ന് ഉപയോഗത്തിലുണ്ടായിരുന്നുള്ളൂ. പച്ചയും ചുവപ്പും.

സിഗ്നൽ മാറുന്നത് ഓഡിയോ ആയി അറിയിക്കുന്ന ഒരുപകരണവും ട്രാഫിക് സിഗിനലുകളുടെ ഭാഗമായിരുന്നു തുടക്കകാലത്ത്.

1920ലാണ് ഇന്ന് നമ്മൾ കാണുന്ന തരത്തിലുള്ള മൂന്നു നിറങ്ങളുള്ള ട്രാഫിക് ലൈറ്റ് സംവിധാനം നിലവിൽ വന്നത്. വില്യം പോട്സ് എന്ന മിഷിഗൺകാരനായ ഒരു പൊലീസ് ഓഫീസറാണ് ഇത് കണ്ടുപിടിച്ചത്.

ആദ്യകാലത്തെ ട്രാഫിക് ലൈറ്റുകളെല്ലാം മാന്വലായി കൈകാര്യം ചെയ്യുന്നവയായിരുന്നു. 1920ൽ ഒരു ഓട്ടോമാറ്റിക് ട്രാഫിക് ലൈറ്റ് സ്ഥാപിക്കപ്പെട്ടു, ലോസ് ആൻജലസ്സിൽ. ആക്മെ ട്രാഫിക് സിഗ്നൽ കമ്പനിയാണ് ഈ ഉപകരണം നിർമിച്ചത്.

പച്ച, മഞ്ഞ, ചുവപ്പ് എന്നീ നിറങ്ങൾ അടങ്ങുന്നതാണ് ലളിതമായ ട്രാഫിക് ലൈറ്റ് ഡിസൈൻ. ഇന്ന് കൂടുതൽ സങ്കീർണമായ ട്രാഫിക് ലൈറ്റ് സംവിധാനങ്ങളും നിലവിലുണ്ട്.

ഗതാഗതം നിയന്ത്രിക്കാൻ ട്രാഫിക് ലൈറ്റുകൾ എന്ന സങ്കൽപം വാഹനങ്ങൾ നിരത്തുകളിലെത്തിയ കാലം മുതൽക്കുതന്നെ നിലവിൽ വന്നിരുന്നു. ലണ്ടനിൽ ഈ വഴിക്കുള്ള ആദ്യ പരീക്ഷണവും നടന്നു. 1868ലായിരുന്നു അത്.

ഒരു പൊലീസ് കോൺസ്റ്റബ്ൾ ആയിരുന്നു പെട്രോൾ ഉപയോഗിച്ച് കത്തിക്കുന്ന ഈ ലാമ്പിനെ നിയന്ത്രിച്ചിരുന്നത്. 1969ൽ ഈ ട്രാഫിക് ലൈറ്റ് പൊട്ടിത്തെറിക്കുകയും ഉപകരണം പ്രവർത്തിപ്പിച്ചിരുന്ന പൊലീസുകാരൻ കൊല്ലപ്പെടുകയും ചെയ്തതോടെ ഈ പരീക്ഷണം അവസാനിച്ചു.

കൂടുതൽ

ട്രാഫിക് ലംഘന പിഴകള്‍: ഒരു മുന്നറിയിപ്പ്!

10 രാജ്യങ്ങളിലെ ട്രാഫിക് പൊലീസ് നൃത്തം

ലോകത്തിലെ ഏറ്റവും ട്രാഫിക് തിരക്കേറിയ 10 നഗരങ്ങള്‍

ചരിത്രത്തിലെ ഏറ്റവും വലിയ ട്രാഫിക് ജാമുകള്‍

ട്രാഫിക് ജാമിന് കുപ്രസിദ്ധമായ നഗരങ്ങള്‍