ഓട്ടോ എക്സ്പോ 2020 - വാർത്തകൾ & അപ്ഡേറ്റുകൾ

ഓട്ടോ എക്‌സ്‌പോ 2020- ഇന്ത്യയിലെ ഏറ്റവും വലിയ വാഹന പ്രദര്‍ശനമായ ഓട്ടോ എക്സ്പോ 2020 ഫെബ്രുവരി 7 മുതല്‍ 12 വരെ ഗ്രേറ്റര്‍ നോയിഡയില്‍ നടക്കും. നിരവധി വാഹന നിര്‍മാതാക്കളും മറ്റ് സ്ഥാപനങ്ങളും ഈ പരിപാടിയില്‍ പങ്കെടുക്കും.

ലോകത്തെ മുന്‍നിര വാഹന നിര്‍മ്മാതാക്കളുടെ കാറുകള്‍, ബൈക്കുകള്‍, ബസുകള്‍, ട്രക്കുകള്‍, ഇലക്ട്രിക് വാഹനങ്ങള്‍, പുത്തന്‍ ആശയങ്ങളും 2020 ഓട്ടോ എക്സ്പോയില്‍ അവതരിപ്പിക്കും. എല്ലാ തവണത്തേയും പോലെ ഇത്തവണയും ആവേശകരമായ നിരവധി വാഹനങ്ങളുടെ അവതരണവും പ്രദര്‍ശനവും ചടങ്ങിന് മാറ്റ് കൂട്ടും.

രണ്ട് വര്‍ഷത്തിലൊരിക്കലാണ് ഓട്ടോ എക്‌സ്‌പോ അരങ്ങറുന്നത്. 15-ാമത് ഓട്ടോ എക്‌സ്‌പോയില്‍ ബിഎസ് VI വാഹനങ്ങള്‍ക്കൊപ്പം ഇലക്ട്രിക്ക് വാഹനങ്ങളും ശ്രദ്ധ ആകര്‍ഷിക്കും. എന്നിരുന്നാലും, ഓട്ടോ എക്സ്പോ 2020 -യില്‍ ഇന്ത്യന്‍ പ്രേക്ഷകരുടെ ശ്രദ്ധ പുതിയ മാരുതി സുസുക്കി വിറ്റാര ബ്രെസ ഫെയ്‌സ്‌ലിഫ്റ്റ് ഉള്‍പ്പെടെയുള്ള പുതിയ കാറുകളുടെയും ബൈക്കുകളുടെയും വരവില്‍ ആയിരിക്കും.

ഡ്രൈവ്‌സ്പാര്‍ക്കിന്റെ ഓട്ടോ എക്സ്പോ 2020 -ന്റെ കവറേജില്‍ ഇവ ഉള്‍പ്പെടും:

കാറുകള്‍ - ഓട്ടോ എക്സ്പോ 2020 -ല്‍ പുതിയ മാരുതി വിറ്റാര ബ്രെസ ഫെയ്‌സ്‌ലിഫ്റ്റ്, കിയ കാര്‍ണിവല്‍, മഹീന്ദ്ര ഥാര്‍, ടാറ്റാ മോട്ടോര്‍സില്‍ നിന്നുള്ള മൂന്ന് പുതിയ മോഡലുകള്‍ എന്നിവ ഉള്‍പ്പെടുന്നു. ചൈനീസ് കാര്‍ ബ്രാന്‍ഡായ ഗ്രേറ്റ് വാള്‍ മോട്ടോര്‍സും ഓട്ടോ എക്സ്പോ 2020 -ല്‍ അരങ്ങേറ്റം കുറിക്കുമെന്നാണ് സൂചന.

ബൈക്കുകളും സ്‌കൂട്ടറുകളും - പുതിയ അപ്രീലിയ, വെസ്പ 160 സിസി സ്‌കൂട്ടര്‍ ഉള്‍പ്പെടെ നിരവധി പുതിയ ബൈക്കുകളും സ്‌കൂട്ടറുകളും ഓട്ടോ എക്സ്പോ 2018 -ല്‍ ഇടംപിടിക്കും. ഇലക്ട്രിക്ക് ഇരുചക്രവാഹനങ്ങളും ഇത്തവണ ഓട്ടോ എക്‌സ്‌പോയുടെ മാറ്റുകൂട്ടും.