മഹീന്ദ്ര ഥാർ

മഹീന്ദ്ര ഥാർ റിവ്യൂ

മഹീന്ദ്ര ഥാർ പുറം ഡിസൈനും അകം ഡിസൈനും

രൂപകൽപ്പനയും ശൈലിയും

2020 മഹീന്ദ്ര ഥാർ ഇന്ത്യൻ വിപണിയിലെ ഏറ്റവും ജനപ്രിയമായ ഓഫ്-റോഡർ എസ്‌യുവികളിൽ ഒന്നാണ്. ഡിസൈൻ, സവിശേഷതകൾ, ഉപകരണങ്ങൾ, പവർട്രെയിൻ ഓപ്ഷനുകൾ എന്നിവ കണക്കിലെടുത്ത് മഹീന്ദ്ര അടുത്തിടെ ഥാറിൽ പുതിയ അപ്‌ഡേറ്റുകൾ കൊണ്ടുവന്നു, ഇത് എസ്‌യുവിയെ കൂടുതൽ സ്റ്റൈലിഷ് മാത്രമല്ല മുമ്പത്തേതിനേക്കാൾ കൂടുതൽ കഴിവുമുള്ളതാക്കാൻ സഹായിക്കുന്നു.

മുൻവശത്ത് നിന്ന് ആരംഭിച്ചാൽ പുതിയ മഹീന്ദ്ര ഥാർ വലിയ ലംബ-സ്ലാറ്റ് ഗ്രില്ലും, ഇരുവശത്തും റൗണ്ട് ഹാലജൻ ഹെഡ്‌ലാമ്പ് യൂണിറ്റുകളുമായി വരുന്നു. ഹെഡ്‌ലാമ്പുകൾക്ക് അടുത്തായി എൽഇഡി ഡിആർഎല്ലുകളുണ്ട്, അവ ഇരുവശത്തും ടേൺ സിഗ്നൽ യൂണിറ്റുകളുമായി സംയോജിപ്പിച്ചിരിക്കുന്നു.

ഫ്രണ്ട് ഗ്രില്ലിന് ചുവടെ ഒരു വലിയ ഡ്യുവൽ-ടോൺ ബമ്പർ ഉണ്ട്, ഇതിൽ ഇരുവശത്തും പോഗ് ലാമ്പുകൾ സ്ഥാപിച്ചിരിക്കുന്നു. ബമ്പറിന്റെ താഴത്തെ ഭാഗത്ത് ഒരു സ്‌കിഡ് പ്ലേറ്റുണ്ട്, ഓഫ്-റോഡിംഗ് സമയത്ത് എസ്‌യുവിയുടെ അണ്ടർബോഡിയെ ഇത് സംരക്ഷിക്കുന്നു.

വശത്തേക്ക് നീങ്ങുമ്പോൾ, പുതിയ മഹീന്ദ്ര ഥാർ, ഓഫ്-റോഡ് നിലപാടുകൾ മുന്നോട്ട് കൊണ്ടുപോകുന്നു, വിശാലമായ വീൽ ആർച്ചുകളും, ചുറ്റും കറുത്ത ക്ലാഡിംഗുകളും കൂടുതൽ ആകർഷകമാണ്. 18 ഇഞ്ച് അലോയി വീലുകളാണ് വാഹനത്തിലുള്ളത്. പിൻ‌ പ്രൊഫൈലിൽ‌ എൽ‌ഇഡി ടൈൽ‌ലൈറ്റുകളും വശങ്ങളിലായി ഓപ്പണിംഗ് ബൂട്ടും കൂടാതെ പൂർണ്ണ വലുപ്പത്തിലുള്ള സ്പെയർ‌ വീലും സ്ഥാപിച്ചിരിക്കുന്നു.

ഫാക്‌ടറി ഘടിപ്പിച്ച ഹാർഡ്‌ടോപ്പ്, ഫിക്‌സഡ് സോഫ്റ്റ്-ടോപ്പ് അല്ലെങ്കിൽ കൺവേർട്ടിബിൾ സോഫ്റ്റ്-ടോപ്പ് എന്നിവയുമായാണ് മഹീന്ദ്ര ഥാർ വാഗ്ദാനം ചെയ്യുന്നത്. ചില വേരിയന്റുകളിൽ നീക്കംചെയ്യാവുന്ന ഡെറുകളുമായാണ് പുതിയ ഥാർ എത്തുന്നത്.

ക്യാബിനുള്ളിൽ പുതിയ മഹീന്ദ്ര ഥാറിന് വളരെ പ്രീമിയമായി അനുഭവപ്പെടുന്നു, പ്രത്യേകിച്ച് പഴയ തലമുറയുമായി താരതമ്യപ്പെടുത്തുമ്പോൾ. എസ്‌യുവിയിൽ നിരവധി സവിശേഷതകൾ, ധാരാളം സ്ഥലം, ഒന്നിലധികം കോൺഫിഗറേഷനുകളുള്ള സുഖപ്രദമായ സീറ്റുകൾ, മറ്റ് ഉപകരണങ്ങളും സാങ്കേതികവിദ്യയും ധാരാളമുണ്ട്.

മഹീന്ദ്ര ഥാർ എഞ്ചിനും പ്രകടനവും

എഞ്ചിൻ & പെർഫോമെൻസ്

2020 മഹീന്ദ്ര ഥാർ എസ്‌യുവിയിൽ രണ്ട് എഞ്ചിൻ ഓപ്ഷനുകളുണ്ട്, പുതിയ 2.0 ലിറ്റർ ടർബോ-പെട്രോൾ യൂണിറ്റും പഴയ 2.2 ലിറ്റർ ഡീസൽ എഞ്ചിന്റെ അപ്‌ഡേറ്റ് പതിപ്പും ഇതിൽ ഉൾപ്പെടുന്നു. പുതിയ T-GDi പെട്രോൾ എഞ്ചിൻ 150 bhp കരുത്തും 320 Nm torque ഉം ഉത്പാദിപ്പിക്കുന്നു.

എംഹോക് ഡീസൽ യൂണിറ്റ് 130 bhp കരുത്തും 300 Nm torque ഉം പുറന്തള്ളുന്നു. ഇരു എഞ്ചിനുകളും ആറ് സ്പീഡ് മാനുവൽ അല്ലെങ്കിൽ ടോർക്ക് കൺവെർട്ടർ ഓട്ടോമാറ്റിക് ട്രാൻസ്മിഷനുമായി ഇണചേരുന്നു.

മഹീന്ദ്ര ഥാർ ഇന്ധനക്ഷമത

മൈലേജ്

ഇന്ത്യൻ വിപണിയിൽ പുതിയ ഥാറിന്റെ മൈലേജ് കണക്കുകൾ മഹീന്ദ്ര ഇതുവരെ പ്രഖ്യാപിച്ചിട്ടില്ല. എന്നിരുന്നാലും, ഞങ്ങളുടെ കണക്കനുസരിച്ച് പുതിയ ഥാർ എസ്‌യുവി ലിറ്ററിന് 15-17 കിലോമീറ്റർ മൈലേജ് നൽകുമെന്ന് പ്രതീക്ഷിക്കാം. 57 ലിറ്റർ ഇന്ധന ശേഷിയുമായി വരുന്ന ടാങ്കാണ് മഹീന്ദ്ര ഒരുക്കിയിരിക്കുന്നത്.

മഹീന്ദ്ര ഥാർ പ്രധാന ഫീച്ചറുകൾ

പ്രധാന സവിശേഷതകൾ

പുതിയ മഹീന്ദ്ര ഥാർ സവിശേഷതകളും ഉപകരണങ്ങളും കൊണ്ട് നിറഞ്ഞിരിക്കുന്നു. ഫോളോ-മി-ഹോം ഫംഗ്ഷനോടുകൂടിയ ഹെഡ്‌ലാമ്പ് യൂണിറ്റ്, എൽഇഡി ഡിആർഎൽ, എൽഇഡി ടെയിൽ ലൈറ്റുകൾ, 18 ഇഞ്ച് ഡ്യുവൽ-ടോൺ അലോയി വീലുകൾ, റിമോർട്ട് കീലെസ് എൻട്രി, ഇലക്ട്രിക്കലി ക്രമീകരിക്കാവുന്ന ORVM, 7.0 ഇഞ്ച് ടച്ച്‌സ്‌ക്രീൻ ഇൻഫോടെയ്ൻമെന്റ് സിസ്റ്റം എന്നിവ പുതിയ മഹീന്ദ്ര ഥാറിലെ പ്രധാന സവിശേഷതകളാണ്. നാവിഗേഷൻ, സ്റ്റിയറിംഗ്-മൗണ്ട്ഡ് കൺട്രോളുകൾ, ക്രൂയിസ് കൺട്രോൾ, ഇൻസ്ട്രുമെന്റ് ക്ലസ്റ്ററിലെ MID, ടയർ പ്രഷർ മോണിറ്ററിംഗ് സിസ്റ്റം, മെക്കാനിക്കൽ, ബ്രേക്ക് ലോക്കിംഗ് ഡിഫറൻഷ്യൽ, ഡ്രെയിൻ പ്ലഗുകളുള്ള കഴുകാവുന്ന ഫ്ലോർ, നീക്കം ചെയ്യാവുന്ന ഡോറുകളും വാഹനത്തിൽ വരുന്നു.

ഡ്യുവൽ എയർബാഗുകൾ, ABS+ EBD, ബ്രേക്ക് അസിസ്റ്റ്, റോൾ കേജ്, പാനിക് ബ്രേക്കിംഗ് സിഗ്നൽ, ആന്റി തെഫ്റ്റ് അലാറം, പാസഞ്ചർ എയർബാഗ് നിർജ്ജീവമാക്കൽ സ്വിച്ച്, റോൾ ഓവർ ലഘൂകരണത്തോടുകൂടിയ ESP എന്നിവ പുതിയ മഹീന്ദ്ര ഥാറിലെ സുരക്ഷാ സവിശേഷതകളാണ്.

മഹീന്ദ്ര ഥാർ അഭിപ്രായം

അഭിപ്രായം

ഇന്ത്യൻ വിപണിയിൽ അവതരിപ്പിച്ചതുമുതൽ അവിശ്വസനീയമായ ഓഫ്-റോഡ് കഴിവുകൾക്ക് മഹീന്ദ്ര ഥാർ പ്രശസ്തമാണ്. പുതിയ എസ്‌യുവി ഇതിനെ അടിസ്ഥാനമാക്കി നിർമ്മിക്കുന്നു, ഇപ്പോൾ നിരവധി ആധുനിക സവിശേഷതകളും ഉപകരണങ്ങളും കൊണ്ട് നിറഞ്ഞിരിക്കുന്നു. ഇത് ഓഫ്-റോഡ് പ്രേമികളേ മാത്രമല്ല അർബൻ ലൈഫ്‌സ്റ്റൈല്‍ എസ്‌യുവിക്കായി തിരയുന്ന ഉപഭോക്താക്കളേയും തൃപ്ത്തരാക്കുന്നു.