Click it and Unblock the Notifications
സെഡാനുകളില് ഇന്ത്യയ്ക്ക് പ്രിയം പുതുതലമുറ ഹ്യുണ്ടായി വേര്ണയോട്; കാരണം ഇതാണ്
ഉത്സവകാലം മുന്നില് കണ്ടാണ് പുതുതലമുറ വേര്ണയുമായി ഹ്യുണ്ടായി കടന്നു വന്നത്. ഹോണ്ട സിറ്റിയും മാരുതി സിയാസും വാഴുന്ന സെഡാന് ശ്രേണിയില് മികച്ച തുടക്കം നേടിയ പുത്തന് വേര്ണ ഹ്യുണ്ടായിയുടെ പ്രതീക്ഷ കാത്തു.
കേവലം രണ്ട് മാസം കൊണ്ട് രാജ്യത്തെ ഏറ്റവും പ്രചാരമേറിയ സെഡാനായി ഹ്യുണ്ടായി വേര്ണ മാറിയിരിക്കുകയാണ്. 2017 ഒക്ടോബര് മാസം മാത്രം 5000 ത്തിന് മേലെ വേര്ണകളെയാണ് ഹ്യുണ്ടായി ഇന്ത്യയില് വിറ്റത്.
4366, 4107 യൂണിറ്റുകളെയാണ് വേര്ണയുടെ എതിരാളികളായ ഹോണ്ട സിറ്റിയും മാരുതി സിയാസും കഴിഞ്ഞ മാസം വിപണിയില് യഥാക്രമം വിറ്റഴിച്ചതും.
സിറ്റിയെയും സിയാസിനെയും മറികടന്ന് ഹ്യുണ്ടായി വേര്ണ ഇത്രമേല് പ്രചാരം നേടാന് കാരണമെന്താണ്? പരിശോധിക്കാം —
ഡ്രൈവിംഗിന് മുമ്പ് എഞ്ചിന് സ്റ്റാര്ട്ട് ചെയ്ത് 'ചൂടാക്കുന്നത്' ശരിയോ, തെറ്റോ?
ഔഡി R8 ന്റെ ഫോട്ടോഷൂട്ട് നടന്നത് കാര് ഇല്ലാതെ!
ശ്രേണിയില് കരുത്തുറ്റത്
പെട്രോള്, ഡീസല് പതിപ്പുകളില് ലഭ്യമായ പുതിയ ഹ്യുണ്ടായി വേര്ണയില് 1.6 ലിറ്റര് ഫോര്-സിലിണ്ടര് എഞ്ചിനുകളാണ് ഒരുങ്ങുന്നത്. പെട്രോള്, ഡീസല് പതിപ്പുകളില് എത്തുന്ന ഹോണ്ട സിറ്റിയില് 1.5 ലിറ്റര് എഞ്ചിനുകളാണ് ഇടംപിടിക്കുന്നതും.
Recommended Video
മാരുതി സിയാസിലാകട്ടെ 1.4 ലിറ്റര് പെട്രോള്, 1.3 ലിറ്റര് ഡീസല് എഞ്ചിനുകളാണ് അണിനിരക്കുന്നത്.
ഹോണ്ട സിറ്റി, മാരുതി സിയാസ് മോഡലുകളുടെ പെട്രോള് പതിപ്പില് മാത്രം ഓട്ടോമാറ്റിക് ഗിയര്ബോക്സ് ഒരുങ്ങുമ്പോള്, ഹ്യുണ്ടായി വേര്ണയുടെ പെട്രോള്, ഡീസല് പതിപ്പുകളില് ഓട്ടോമാറ്റിക് ഗിയര്ബോക്സ് ലഭ്യമാണ്.
സുരക്ഷാ ഫീച്ചറുകള്
ഡ്യൂവല് ഫ്രണ്ട് എയര്ബാഗുകള് സ്റ്റാന്ഡേര്ഡ് ഫീച്ചറായാണ് സിറ്റി, സിയാസ്, വേര്ണ മോഡലുകളില് ഒരുങ്ങുന്നത്. എന്നാല് പുതിയ വേര്ണയിലും സിറ്റിയിലും മാത്രമാണ് ആറ് എയര്ബാഗ് ഓപ്ഷന് ലഭ്യമാവുക.
റിവേഴ്സ് പാര്ക്കിംഗ് സുഗമമാക്കുന്നതിന് വേണ്ടിയുള്ള ക്യാമറ, പാര്ക്കിംഗ് സെന്സറുകള് എന്നിവ വേര്ണയിലും സിയാസിലും ഒരുങ്ങുന്നുണ്ട്. ഹോണ്ട സിറ്റിയില് റിവേഴ്സ് പാര്ക്കിംഗ് ക്യാമറ അസിസ്റ്റ് മാത്രമാണുള്ളത്.
ഫസ്റ്റ്-ഇന്-സെഗ്മന്റ് ഫീച്ചറുകള്
ഹ്യുണ്ടായി വേര്ണയുടെ പ്രചാരം വര്ധിപ്പിക്കുന്നതില് ഒരുപിടി ഫസ്റ്റ്-ഇന്-സെഗ്മന്റ് ഫീച്ചറുകളും നിര്ണായക പങ്ക് വഹിച്ചിട്ടുണ്ട്.
ഹാന്ഡ്സ്-ഫ്രീ ബൂട്ട് ലിഡ് റിലീസ്, പ്രൊജക്ടര് ഫോഗ് ലാമ്പുകള്, കൂള്ഡ് സീറ്റുകള്, ഓട്ടോ എസിയോട് കൂടിയുള്ള ഇക്കോ കോട്ടിംഗ് എന്നിങ്ങനെ നീളുന്നതാണ് ഹ്യുണ്ടായി വേര്ണയിലെ ഫീച്ചറുകള്.
Trending On DriveSpark Malayalam:
Continue with Google