ഹ്യുണ്ടായി ഓറ കോംപാക്ട് സെഡാൻ ഡിസംബർ 19-ന് അരങ്ങേറും

നിലവിലെ എക്സെന്റ് കോംപാക്ട് സെഡാന്റെ പിൻഗാമിയാണ് ഓറ. ഈ വർഷം ആദ്യം ഇന്ത്യയിൽ അരങ്ങേറ്റം കുറിച്ച ഗ്രാൻഡ് i10 നിയോസ് പ്രീമിയം ഹാച്ച്ബാക്കിനെ അടിസ്ഥാനമാക്കിയുള്ള സെഡാൻ മോഡലാണിത്.

ഹ്യുണ്ടായിയുടെ പുതിയ കോം‌പാക്ട് സെഡാൻ അടിമുടി മാറ്റങ്ങളോടെയാകും വിപണിയിലെത്തുക. എങ്കിലും അതിന്റെ ബാഹ്യ ബോഡി പാനലുകൾ, ഇന്റീരിയർ ബിറ്റുകൾ എന്നിവ നിയോസ് ഹാച്ച്ബാക്കുമായി പങ്കിടും. കൊറിയൻ നിർമ്മാതാക്കൾ ഇതിനോടകം തന്നെ ഓറ സെഡാന്റെ പരീക്ഷണയോട്ടം ആരംഭിച്ചിരുന്നു.

പുതിയ മോഡലിന് കോം‌പാക്ട് അളവുകൾ ഉണ്ടായിരുന്നിട്ടും ഒരു സാധാരണ മൂന്ന് ബോക്സ് സിലൗറ്റ് ലഭിക്കുന്നു. മോഡൽ അതിന്റെ മുൻവശത്തെ സ്റ്റൈലിംഗ് നിയോസുമായി പങ്കിടുമെങ്കിലും, ഹാച്ച്ബാക്ക് പതിപ്പിനേക്കാൾ കൂടുതൽ പ്രീമിയം ലുക്ക് നൽകുന്നതിന്സൂക്ഷ്മമായ മാറ്റങ്ങൾ വരുത്തും.

നിയോസിനെപ്പോലെ, ഓറയ്ക്കും ഹ്യുണ്ടായിയുടെ കാസ്കേഡിംഗ് ഗ്രില്ലിന്റെ ഏറ്റവും പുതിയ ആവർത്തനം ലഭിക്കും. പക്ഷേ ഹാച്ച്ബാക്കിൽ കാണുന്ന ലളിതമായ സ്ലേറ്റുകൾക്ക് പകരം ഹണികോമ്പ് ഉൾപ്പെടുത്തലുകൾ ലഭിക്കുമെന്നാണ് പ്രതീക്ഷിക്കുന്നത്. നിയോസിലെ പോലെ പുതിയ രൂപത്തിലുള്ള ബൂമറാങ് എൽഇഡി ലൈറ്റുകളും വാഹനത്തിന് ലഭിക്കും.

എന്നാൽ മികച്ച നിലവാരമുള്ള ഹെഡ്‌ലാമ്പുകൾ ഓറയിൽ ഹ്യുണ്ടായി നൽകുമെന്നാണ് സൂചന. പുറകിൽ, ഓറ സെഡാൻ വലിയ റാപ്എറൗണ്ട്‌ ടെയിൽ ലാമ്പുകളുമായാണ് വരുന്നത്. എൽഇഡി ഘടകങ്ങൾ ബൂട്ട് ലിഡിൽ വ്യാപിക്കും. എലാൻട്ര ഫെയ്‌സ്‌ലിഫ്റ്റ് പോലെ പുതിയ ഹ്യുണ്ടായി സെഡാനുകളുടെ സ്റ്റൈലിംഗ് ദിശ പിന്തുടരുമെന്ന് പ്രതീക്ഷിക്കുന്ന ഈ കാറിൽ ബൂട്ട് ലിഡിന് പകരം റിയർ ബമ്പറിൽ നമ്പർ പ്ലേറ്റ് ഇടംപിടിക്കും.

ഇന്റീരിയറിൽ ആപ്പിൾ കാർപ്ലേ, ആൻഡ്രോയിഡ് ഓട്ടോ എന്നിവയുൾപ്പെടെയുള്ള സവിശേഷതകൾ നിറഞ്ഞ 8.0 ഇഞ്ച് വലിയ ടച്ച്‌സ്‌ക്രീൻ ഇൻഫോടെയ്ൻമെന്റ് സിസ്റ്റം ഇതിന് ലഭിക്കുന്നു. ഉയർന്ന വകഭേദൾക്ക് വയർലെസ് ചാർജിംഗ് ഓപ്ഷനും ലഭിക്കും. ഗ്രാൻഡ് i10 നിയോസിന് ഹ്യുണ്ടായിയുടെ ബ്ലൂലിങ്ക് കണക്റ്റിവിറ്റി സിസ്റ്റം ലഭിക്കുന്നില്ല. എന്നാൽ ഓറ സെഡാനിൽ ഈ സേവനം കമ്പനി ഉൾപ്പെടുത്തുമോ എന്ന കാര്യം കണ്ടറിയണം.

Most Read: യുലുവിനൊപ്പം കൈകോര്‍ത്ത് ബജാജ്

മൂന്ന് ബിഎസ്-VI കംപ്ലയിന്റ് എഞ്ചിൻ ഓപ്ഷനുകളുമായി പുതിയ ഓറ സെഡാനെ ഹ്യുണ്ടായി വിപണിയിലെത്തിക്കും. കോംപാക്ട് സെഡാനിൽ 1.2 ലിറ്റർ ത്രീ സിലിണ്ടർ ഡീസൽ യൂണിറ്റിനൊപ്പം നിയോസിൽ ഇതിനോടകം ലഭ്യമായ 1.2 ലിറ്റർ പെട്രോളും വാഹനത്തിൽ ഇടംപിടിക്കും.

Most Read: ഫാസ്ടാഗ് ഇല്ലാതെ വന്നാല്‍ ഇരട്ടിത്തുക; ഡിസംബര്‍ ഒന്നുവരെ കാര്‍ഡുകള്‍ സൗജന്യം

എന്നിരുന്നാലും ഓറ സെഡാന്റെ നിരയിൽ ഒരു 1.0 ലിറ്റർ ടർബോ പെട്രോൾ എഞ്ചിൻ ഉൾപ്പെടുത്തുന്നതാണ് ശ്രദ്ധേയമായ കാര്യം. കോംപാക്ട് എസ്‌യുവിയായ വെന്യുവിൽ അരങ്ങേറ്റം കുറിച്ച അതേ എഞ്ചിനാണെങ്കിലും ട്യൂൺ കുറഞ്ഞ അവസ്ഥയിലായിരിക്കും ഓറയിൽ വാഗ്ദാനം ചെയ്യുക.

Most Read: ടാറ്റ ഗ്രാവിറ്റാസ്; ഹാരിയർ ഏഴ് സീറ്ററിന്റെ പേര് വെളിപ്പെടുത്തി ഔദ്യോഗിക ടീസർ

ഗിയർബോക്സ് ഓപ്ഷനുകളിൽ എഎംടി ഗിയർബോക്സിനൊപ്പം 1.2 ലിറ്റർ പെട്രോൾ, ഡീസൽ വകഭേദങ്ങളിൽ 5 സ്പീഡ് മാനുവലും ലഭ്യമാകും. സ്‌പോർട്ടിയർ 1.0-ലിറ്റർ ടർബോ-പെട്രോൾ എഞ്ചിൻ ഓപ്ഷനിൽ 5 സ്പീഡ് മാനുവൽ ഗിയർബോക്‌സ് മാത്രമേ ലഭിക്കൂ.

2020 ജനുവരിയിൽ ഹ്യുണ്ടായി ഓറ കോംപാക്ട് സെഡാന്റെ വിലയും കൂടുതൽ വിവരങ്ങളും പ്രഖ്യാപിക്കുമെന്നാണ് പ്രതീക്ഷിക്കുന്നത്. ഓറയുടെ പ്രധാന എതിരാളികളിൽ മാരുതി സുസുക്കി ഡിസയർ, ഹോണ്ട അമേസ്, ഫോർഡ് ആസ്പയർ, ടാറ്റ ടിഗോർ, റെനോ എൽബിഎ കോംപാക്ട് സെഡാൻ എന്നിവ ഉൾപ്പെടുന്നു.

ഹ്യുണ്ടായി എക്സെന്റ് സെഡാൻ എക്സെന്റ് പ്രൈം എന്ന പേരിൽ ഇന്ത്യയിൽ വിൽക്കുന്നത് തുടരും. ഇത് ക്യാബ് അഗ്രഗേറ്ററുകളെയും ഫ്ലീറ്റ് ഓപ്പറേറ്റർമാർക്കും വേണ്ടി മാത്രമാകും വിപണിയിൽ എത്തുക. ബിഎസ്-VI കംപ്ലയിന്റ് പെട്രോൾ, ഡീസൽ എഞ്ചിനുകൾ ഉപയോഗിച്ച് ഇത് നവീകരിക്കും.