Just In
- 38 min ago കണ്ടാല് കണ്ണെടുക്കാന് തോന്നൂല! 'നാഷനല് ക്രഷ്' കാവ്യ മാരന്റെ ഗ്ലാമറസ് കാർ ശേഖരം കണ്ടാലും നോക്കിപ്പോകും
- 1 hr ago എല്ലാവർക്കും 'പഞ്ചിനെ' മതി, ടാറ്റയുടെ കുഞ്ഞൻ പ്രിയപ്പെട്ടവനാകുന്നതിൻ്റെ കാരണം എന്ത്
- 2 hrs ago ഈ ബൈക്കിന്റെ കവറിന് വില 16,875 രൂപ, ആക്സസറികളുടെ പൈസയുണ്ടേൽ ഒരു ബുള്ളറ്റ് കൂടി വാങ്ങാം
- 3 hrs ago ADAS ദുരുപയോഗം ചെയ്യുന്നവര് ദേ കാണ്... മഹീന്ദ്ര XUV700 യാത്രക്കാരുടെ ജീവന് രക്ഷിച്ച് സേഫ്റ്റി ഫീച്ചര്
Don't Miss
- News 'മുഖ്യമന്ത്രി രാഹുൽജിയെ ആദ്യമായല്ല അവഹേളിക്കുന്നത്, പ്ലീസ് സഹായിച്ചില്ലെങ്കിലും ദ്രോഹിക്കരുത്'; രമ്യ ഹരിദാസ്
- Sports IPL 2024: ഇനി ആവര്ത്തിക്കരുത്, മുംബൈയുടെ ചതിക്ക് മാപ്പില്ല! ശിക്ഷ വിധിച്ച് ബിസിസിഐ
- Technology നോക്കിയയുടെ മുറത്തിൽ കയറി കൊത്തി ഐടെൽ! നാട്ടുകാർക്ക് കിട്ടിയത് 1799 രൂപയ്ക്ക് കിടിലൻ ഫോൺ
- Movies 'ദിലീപ് കുഴപ്പിച്ചിരുന്നു, എടീ എന്നൊന്നും വിളിക്കാൻ പറ്റില്ല, സീരിയലിനെ വിമർശിക്കാൻ തോന്നുമായിരുന്നു'
- Finance കേരളാ കമ്പനിയിൽ ഓഹരി വിഹിതം ഉയർത്തി പൊറിഞ്ചു വെളിയത്ത്, കുതിപ്പിന് സാധ്യത, നിങ്ങളുടെ കയ്യിലുണ്ടോ..?
- Lifestyle ശ്വാസതടസ്സം, നെഞ്ചില് അസ്വസ്ഥത; ജന്മനാ ഉണ്ടാകുന്ന ഹൃദയ വൈകല്യങ്ങളുടെ 7 ലക്ഷണങ്ങള്
- Travel ബാംഗ്ലൂരിലെ ഐടി ടെക്ക് പാർക്കുകൾ! പോകാന് പറ്റില്ലെങ്കിലും അറിഞ്ഞിരിക്കാം
2020 BR-V ഫെയ്സ്ലിഫ്റ്റ് വിപണിയിലെത്തിച്ച് ഹോണ്ട
കോംപാക്ട് എംപിവി വിഭാഗത്തിലെ ഹോണ്ടയുടെ ആദ്യ സാന്നിധ്യമായിരുന്നു BR-V. പ്രധാനമായും ഇന്ത്യ, ഇന്തോനേഷ്യ, മലേഷ്യ, നേപ്പാൾ, പാകിസ്ഥാൻ, ഫിലിപ്പൈൻസ്, തായ്ലൻഡ് എന്നിവയുൾപ്പെടെയുള്ള ഏഷ്യൻ രാജ്യങ്ങളെ ലക്ഷ്യമിട്ട് 2016 ൽ ആരംഭിച്ച മോഡലിന് ആഭ്യന്തര വിപണിയിൽ കാര്യമായി തിളങ്ങാൻ സാധിച്ചില്ല.
ഉയർന്ന ഇരിപ്പിടവും ആകർഷകമായ രൂപകൽപ്പനയും ഏഴ് യാത്രക്കാർക്ക് ഇരിക്കാവുന്നതുമായ BR-V ഇന്ത്യൻ വാങ്ങലുകാരെ പ്രീതിപ്പെടുത്തുന്നതിൽ പരാജയമായിരുന്നെങ്കിലും മറ്റ് വിപണികളിൽ ജനപ്രീതി നേടിയെടുത്തു. ഇപ്പോൾ മലേഷ്യയിൽ എംപിവിയുടെ മിഡ്-ലൈഫ് ഫെയ്സ്ലിഫ്റ്റ് പതിപ്പ് ഔദ്യോഗികമായി പുറത്തിറക്കിയിരിക്കുകയാണ് ഹോണ്ട.
രണ്ട് വേരിയന്റുകളിലായാണ് 2020 BR-V ലഭ്യമാകുന്നത്. ആദ്യത്തെ E പതിപ്പിന് 89,900 മലേഷ്യൻ റിംഗിറ്റാണ് വില. അതായത് ഏകദേശം 15.74 ലക്ഷം രൂപ. രണ്ടാമത്തെ ഉയർന്ന മോഡലിന് 96,900 റിംഗിറ്റ് (16.90 ലക്ഷം രൂപ) മുടക്കേണ്ടതായുണ്ട്.
MOST READ: ബിഎസ് VI ആള്ട്യുറാസ് G4 ഡെലിവറി ഉടന് ആരംഭിക്കുമെന്ന് മഹീന്ദ്ര
ഇത് പ്രീ-ഫെയ്സ്ലിഫ്റ്റ് മോഡലിനേക്കാൾ ഉയർന്ന വിലയാണ്. എന്നിരുന്നാലും, വില വർധനയെ ന്യായീകരിക്കുന്നതിനായി ഹോണ്ട നിരവധി പരിഷ്ക്കരണങ്ങൾ കാറിൽ അവതരിപ്പിക്കുന്നുണ്ട് എന്നത് ശ്രദ്ധേയമാണ്.
2020 BR-V ക്ക് പുതിയ ഫ്രണ്ട് ഗ്രിൽ ലഭിക്കുന്നു. ചെറുതായി പുനർരൂപകൽപ്പന ചെയ്ത മുൻ ബമ്പർ, സ്കിഡ് പ്ലേറ്റ്, പുതിയ 16 ഇഞ്ച് ഡ്യുവൽ-ടോൺ അലോയ് വീലുകൾ, ഒരു ഷാർക്ക് ഫിൻ ആന്റിന, പിന്നിൽ വെർട്ടിക്കൽ റിഫ്ലക്ടറുകളുള്ള ഒരു പുതിയ ബമ്പർ എന്നിവയെല്ലാം എംപിവിയുടെ പുറംമോടിയിലെ മാറ്റങ്ങളിൽ ഉൾപ്പെടുന്നു.
MOST READ: ഹ്യുണ്ടായി ട്യൂസോൺ ഫെയ്സ്ലിഫ്റ്റ് ജൂലൈ 14-ന്, എസ്യുവി ഡീലർഷിപ്പുകളിൽ എത്തിത്തുടങ്ങി
ക്യാബിനകത്ത് 7 ഇഞ്ച് ടച്ച്സ്ക്രീൻ ഇൻഫോടെയ്ൻമെന്റ് സിസ്റ്റം, റെഡ് ആക്സന്റുകളുള്ള ലെതർ സീറ്റുകൾ, ഷിഫ്റ്റ് പാഡിൽസ്, റെഡ് സ്റ്റിച്ചിംഗ് ഉള്ള ഗിയർ നോബ്, കാർഗോ ലൈറ്റിംഗ്, ക്യാബിൻ ഫിൽട്ടർ എന്നിവയെല്ലാം ഇടംപിടിച്ചിരിക്കുന്നു.
അതോടൊപ്പം ഓട്ടോമാറ്റിക് ക്ലൈമറ്റ് കൺട്രോൾ, കീലെസ് എൻട്രി, പുഷ് ബട്ടൺ സ്റ്റാർട്ട് / സ്റ്റോപ്പ്, രണ്ട്-മൂന്നാം വരികൾക്കായി 60:40 വൺ-ടച്ച് ടിൽറ്റ്, ടംബിൾ ഫംഗ്ഷൻ പോലുള്ള സവിശേഷതകളെല്ലാം ഹോണ്ട നിലനിർത്തിയിട്ടുമുണ്ട്.
MOST READ: കൊവിഡ് പ്രതിസന്ധിയിലും 1.37 കോടി വിലമതിക്കുന്ന കാറുകൾ വാങ്ങാനൊരുങ്ങി മഹാരാഷ്ട്ര സർക്കാർ
BR-V എംപിവിയുടെ എഞ്ചിനിൽ കമ്പനി മാറ്റങ്ങളൊന്നും വരുത്തിയിട്ടില്ല. 1.5 ലിറ്റർ നാല് സിലിണ്ടർ SOHC i-VTEC എഞ്ചിൻ ഏഴ് സീറ്റർ കാറിന് പരമാവധി 120 bhp കരുത്തും 145 Nm torque ഉം ആണ് ഉത്പാദിപ്പിക്കുന്നത്. എഞ്ചിൻ സ്റ്റാൻഡേർഡായി ഒരു സിവിടി ഗിയർബോക്സുമായി ജോടിയാക്കിയിരിക്കുന്നു.
പുതിയ പെയിന്റ് സ്കീമുകളായ മറൈൻ പർപ്പിൾ പേൾ, പാഷൻ റെഡ് പേൾ, വൈറ്റ് ഓർക്കിഡ് പേൾ എന്നിവയും നിലവിലുള്ള മോഡേൺ സ്റ്റീൽ മെറ്റാലിക്, ലൂണാർ സിൽവർ മെറ്റാലിക് എന്നീ കളർ ഓപ്ഷനിലും 2020 ഹോണ്ട BR-V തെരഞ്ഞെടുക്കാൻ സാധിക്കും.