Click it and Unblock the Notifications
2021 വെൽഫയർ 'ക്രൗൺ' അവതരിപ്പിച്ച് ടൊയോട്ട
ഓട്ടോ ഷാങ്ഹായിയുടെ പുതിയ പതിപ്പിൽ പുതിയ 2021 മോഡൽ വെൽഫയർ ആഢംബര എംപിവിയെ പരിചയപ്പെടുത്തി ടൊയോട്ട. 'ക്രൗൺ' പേരിലാണ് പ്രീമിയം വാഹനത്തിന്റെ പുതിയ ആവർത്തനത്തിന് കമ്പനി പേരിട്ടിരിക്കുന്നത്.
അതായത് ഇനി മുതൽ ചൈനീസ് വിപണികളിൽ വെൽഫയർ ക്രൗൺ എന്ന പേരിലായിരിക്കും അറിയപ്പെടുക എന്ന് സാരം. പുതിയ ബാഡ്ജ് സ്വീകരിച്ചതിനൊപ്പം വളരെ സൂക്ഷ്മമായ കോസ്മെറ്റിക് പരിഷ്ക്കാരങ്ങളും എംപിയിൽ ഇടംപിടിച്ചിട്ടുണ്ട്.
അടിസ്ഥാനപരമായി ഇത് ഐതിഹാസിക ക്രൗൺ ലോഗോയുള്ള ഒരു മിനിവാനാണ് എന്നുവേണമെങ്കിവും വിശേഷിപ്പിക്കാം. കൂടാതെ ചില വിപണികളിൽ ലെക്സസ്-ബാഡ്ജ്ഡ് എൽഎം പതിപ്പും ഉണ്ട്. ക്രൗൺ (വെൽഫയർ) ചൈനയിൽ മാത്രമായാകും വിൽപ്പനയ്ക്കെത്തുക.
MOST READ: പുറകിൽ അത്ര തണുപ്പ് പോര? വെറും 80 രൂപ ചെലവിൽ പിൻ എസി വെന്റ് സജ്ജമാക്കാം; വീഡിയോ
2021 പതിപ്പിന്റെ രൂപകൽപ്പനയിലേക്ക് നോക്കുമ്പോൾ ബോൾഡ് ക്രോം വിശദാംശങ്ങളുടെ അമിത ഉപയോഗം വാഹനത്തിന്റെ ഒരു പ്രധാന ഭാഗമായി തന്നെ തുടരുന്നു. ഇത് ഗ്രില്ലിലും സൈഡ് കർട്ടനിലുമാണ് അധികവും കാണാനാവുക.
പുതുരൂപം ആവാഹിക്കാനായി ഫ്രണ്ട് ബമ്പറും ടൊയോട്ട ഒന്ന് മിനുക്കിയിട്ടുണ്ട്. പക്ഷേ ഹെഡ്ലൈറ്റുകളും ഡിആർഎല്ലുകളും സമാനമായാണ് സ്ഥാപിച്ചിരിക്കുന്നത്. പ്രൊഫൈലും പിൻഭാഗവും പോലും ഇന്ത്യയിൽ വിൽക്കുന്ന വെൽഫയറിന് സമാനമാണ്.
മറ്റ് വിപണികളിൽ ദീർഘകാലമായി ക്രൗൺ എന്ന പേര് ഉപയോഗിക്കുന്നത് ഒരു സെഡാനാണ്. ഇത് തികച്ചും വ്യത്യസ്തമായ ഒരു മോഡലാണ്. ഇത് ടൊയോട്ടയുടെ ടിഎൻജിഎ പ്ലാറ്റ്ഫോമിനെ അടിസ്ഥാനമാക്കിയാണ് നിർമിച്ചിരിക്കുന്നതും.
ക്രൗൺ എംപിവിയിലെ (വെൽഫയർ) എഞ്ചിൻ ഓപ്ഷനുകളിലും മാറ്റമില്ല. ഹൈബ്രിഡ് സംവിധാനം, ഇലക്ട്രിക് മോട്ടോർ എന്നിവയുള്ള 2.5 ലിറ്റർ, നാല് സിലിണ്ടർ എഞ്ചിൻ തന്നെയാണ് വാഹനത്തിന് തുടിപ്പേകുന്നത്.
MOST READ: ഥാർ എസ്യുവിയുടെ 5-ഡോർ പതിപ്പും അധികം വൈകാതെ, പദ്ധതിക്ക് ഔദ്യോഗിക അംഗീകാരം
സ്റ്റാൻഡേർഡായി സിവിടി ഗിയർബോക്സിലേക്ക് ജോടിയാക്കിയ എഞ്ചിൻ പരമാവധി 161 bhp പവർ ഔട്ട്പുട്ടാണ് വാഗ്ദാനം ചെയ്യുന്നത്. ചൈനയിലും പ്രീമിയം വാഹന ശ്രേണിയിൽ തന്നെയാണ് ക്രൗൺ സ്ഥാനംപിടിക്കുന്നത് എന്ന കാര്യവും ശ്രദ്ധേയമാണ്.
Continue with Google